Chapter 34

Kahit nananakit and katawan ay pinilit ni Avi ang tumayo upang pumunta sa banyo. Sabi ni Xavier ay alas dose pasado na, dyahe naman kung haharap siya sa lalaki na amoy ewan pa siya, at mukhang sinalanta pa ng matinding delubyo matapos ang nangyaring pananalakay sa kaniya nito kagabi.

Pagkapasok niya sa banyo ay kaagad niyang tinimpla ang tubig sa katamtamang init saka hinayaang dumaloy sa buo niyang katawan. Hanggang sa mga oras na iyon ay napapaisip pa rin siya kung tunay ba ang nangyari sa kanila kagabi o panaginip lang? Kung talaga bang narating niya ang ika pitong glorya, o imagination niya lang? At kung tama bang ibinigay niya rito ang sarili o sadyang marupok lang siya?

Ngunit kung ang pagbabasehan ay ang pananakit ng katawan niya lalo na ang nasa pagitan ng hita niya'y totoo nga. Napitas na ng hangal niyang asawa kuno ang pinaka-iingatan niyang perlas.

"Napakagaga mo talaga Avi. Napakalandi mo at higit sa lahat..." Nabuntong hininga siya bago yumuko. "...talunan."

Hindi lang is