Chapter 6. Nakalaya na si Rasselle

Chyrll Point of view.

"Ma'am Chyrll! Ma'am Chyrll! Ang Daddy mo po nasa likod po ng coffee shop natin. Galit na galit po na pinapatawag kayo." Humahangos na sabi sa akin ni Clarisse.

Hindi na ako nagtaka, inaasahan ko na ito na susugod dito si Daddy. Natawa na lang ako ng lihim, don pa talaga sa likod, pwede naman siya sa tapat ng coffee shop ko mag-eskandalo.

"Huminga ka ng malalim, Charisse baka maisugod ka naman ng hospital," sabi ko dito ng kalmado at tinapik ko ang balikat nito.

"Hindi ka po natatakot sa Daddy mo?" Nagtataka nitong tanong sa akin.

"Hindi, bakit naman ako matatakot? Inaasahan ko na ito." Nakangiti ko pang sabi, bago ako nagseryuso nv expression ng mukha.

Napanganga naman ito ng bibig.

"Huwag na huwag ninyo sila bibigyan ng kahit na anong kape dito na hindi sila nagbabayad. Money down first, bago gawin ang order nila, pero sila lang ha. Hindi ang mga regular costumer natin dito." Sabi ko dito. Nakatingin lang ito sa akin, akala niya seguro kaninang umaga ay nagbibiro lang ako.

"Bumalik kana sa trabaho mo, tatapusin ko lang itong ginagawa ko. Hayaan mo si Daddy na maghihntay don sa labas." Utos ko na lang dito.

Tumango naman ito sa akin, na hindi makapaniwala. Nagtataka seguro king bakit ganito ako ngayon sa family ko. Nginitian ko lang ito, bago ito lumabas

"Muli kong binalik ang atensyon ko sa ginagawa ko, habang pinagmamasdan ko ang aking mga estratehiya sa online marketing ng aking negosyo sa social media. Kagat ko ang aking balpen ng biglang bumukas ang pinto ng aking opisina."

Pagtingin ko ay ang mukha ni Daddy ang nakita ko... Hindi ako nagpakita ng pagkagulat sa kaniyang pagpasok dito, kahit na gusto ng kumawala ang puso ko sa loob ng dibdib ko. Hindi naman ako mahilig magkape, pero nagiging magugulatin ako lately.

"Anong katangahan ang pumapasok diyan sa kukuti mo Chyrll? Bakit mo pinakulong si Lance na wala naman ginagawa saiyong masama?" Galit na sabi sa akin ni Daddy.

"Ma'am, pasensya na po. Nagpupumilit pong pumasok ang daddy mo, kahit hindi namin pinapayagan pumasok." Hinging paumanhin sa akin ni Clarisse na kinakabahan.

Bumuga mona ako ng hangin bago ako tumayo sa aking kinauupuan, at tumango lang ako kay Clarisse. "Dad, pu-

"Simula ngayon huwag mo na rin akong tinatawag na Daddy." Putol nito sa sasabihin ko. Hindi ako nagpahalata na nasaktan ang kalooban ko, dahil tuloyan na yata niya akong tinakwil.

"Okay, Mr. Araneta na lang... Mr. Wilson Araneta, pwede na seguro yan?" Sagot ko sa kanya.

"Pumunta ang gagong si Lance na yan dito at gusto akong kausapin. Tinanggihan ko dahil busy ako sa ginagawa ko, ganun naman diba? kapag busy ka sa trabaho, pwede kang tumanggi makipag harap lalo na't wala namang appointment na schedule sa akin. Hindi niya nagustuhan ang pagtanggi ko, nagbanta na manggugulo dito sa shop ko, kaya ayon inunahan ko na. Inutusan ko si Kieran na dalhin sa likod ng shop at turuan ng leksyon na ginawa naman niya. Tumawag ako ng pulis kaya nandon siya s presinto mo. Anong mali sa ginawa ko Mr. Araneta kung gayong ang shop ko lang naman ang iniingatan ko, at ang mga empleyado ko sa pagbabanta niyang manggulo." Paliwanag ko

"Sumama ka sa akin, at bawiin mo ang mga sinabi mo sa kanila!" Galit na sabi ulit i Daddy.

"No, Mr. Araneta. Wala akong babawiin sa sinabi ko sa mga pulis na hawak mo. Kung gusto ninyong makalabas ang Lance na yon sa kulongan, bakit hindi mo gamitin yang power na posisyon mo bilang isang General Police ng makalabas sya don?" Sagot ko kay Daddy.

"Sumosubra na talaga yang pag-uugali mo Chyrll! Ang tigas ng ulo mo!" Galit na sabi nito sa akin.

"Kung ang pinunta mo lang dito ang sermunan ako, makakaalis na kayo dahil marami pa akong gagawin." Sabi ko na lamang. Dahil ayaw ko ng dagdagan pa ang pagsagot-sagot ko sa kanya. Dahil kahit pagbalik-baliktarinan man ang mundo, siya parin ang ama ko kahit tinakwil na niya ako bilang anak niya.

Isang masamang tingin ang pinukol niya niya sa akin, bago ito lumabas ng aking opisina.

Napabuntong hininga na lamang ako ng malalim ng pabalibag na sinarado ni Daddy ang pinto.

Tinapos ko kaagad ang ginagawa ko dito sa loob ng aking opisina. Pagkatapos ko ay lumabas ako, Pumunta ako sa garden. Kumuha ako ng isang stick ng sigarliyo at sinindihan ko ito.

Isang hits ang ginawa ko, at binuga ko ito sa hangin. Natuto akong manigarilyo, matapos ang dalawang buwan na maaksidente ako sa America. Galit na galit sa akin non si Daddy ng bumalik ako dito sa Pilipinas. Nagka amnesia lang daw ako ay, natuto na akong magyosi.

Isang hits muli ang ginawa ko. Kailangan ko pang asikasuhin ang pag-enroll ko sa kolehiyo. Kailangan ko pang maghanap ng hindi kamahalan na maningil ng tuition f*e.

Pagkatapos kong manigarilyo, ito namang garden ang inasikaso ko, mahilig talaga ako sa mga halaman kaya naisipan kong magpalagay nito dito sa likuran ng coffee shop ko. Hindi naman ito kalakihan, at mayroon din akong fish pond dito na pinagawa. Itong lugar na ito minsan ang puntahan ng mga sikat na blogger, natutuwa sila kapag marami silang nahuhuling isda. Makakapamingwit lamang dito ng libre kung ang nàgastos sa pagkape dito sa coffee shop ko ay nasa halagang 2000 pesos.

Inubos ko lamang ang isang stick ng sigarliyo, pagkatapos ay sa secret room na ako tumuloy. Nanlalagkit ang aking katawan kaya naligo mona ako.

__________✍️

Dalawang linggo ang lumipas, nakalaya na si Rasselle sa pagkakakulong nito sa Mansion nila tito.

"Ang tagal mo naman, kanina pa ako naghihintay saiyo dito." Reklamo ko ng makasakay ang kaibigan ko sa kotse na nabili ko ng secondhand.

"Si Daddy eh, ang dami pang sinabi sa akin bago ako payagan na sumama saiyo." Nakangiti nitong sabi sa akin. "Pero teka, bakit ngayon ka lang pumunta dito? Nakaraan dalawang linggo kapa nakalaya sa mansion ni Tito Wilson. Akala mo hindi ko alam ang pagtatalo ninyo ni Tito." Sabi pa nito na may halong himig na pagtatampo.

"Kung pumunta ako dito, eh di mas lalo tayong nalintikan. Baka gumaya ka pa gaya-gaya puto maya ka pa naman kung minsan." Sagot ko dito habang minamane-obra ko ang kotse ko.

"Saan ba lakad natin?" Tanong na lang nito sa akin.

"Maghahanap tayo ng murayta na university. Alam mo naman, tinakwil na ako ng tuloyan ng ama ko." Sagot ko.

Bigla naman nalungkot ang kaibigan ko. "Eh di tuwang-tuwa ang mag-inang impakta dahil wala kana sa puder nila?

"Ano pa nga ba? Baka nga nagpaparty party ang mga baliw na yon sa pag-alis ko.

"Bakit kase hindi kana lang pumayag sa gusto nila na pakasalan ang lalaking gusto nilang mapangasawa mo?

"Sira kaba? Bakit ako magpapakasal sa taong hindi ko mahal? Saka mukhang gago ang lalaking yon kahit gwapo kaya hindi nakapasa sa akin.

"Ang taas talaga ng standard na hanap mo pagdating sa lalaki, baka naman sa kakahanap mo ng matino at maginoong lalaki eh sa manyakis at babae ka pa mapunta.

"Gaga, tumahimik kana nga lang. Magtingin kana lang sa website ng murang school sa kolehiyo ng may maitulong ka sa akin. Kailangan kong magtipid ngayon dahil sa coffee shop nalang natin ako umaasa ng pera na kailangan ko.

"Ito na nga, maghahanap na senyorita Chyrll. Hindi kana nga pala senyorita ngayon noh, dahil isa kanang pobre." Nang-aasar pa na sabi sa akin ni Rasselle at tumawa pa ito.

"Gaga.

Maghapon kaming naghanap ng university na may kurso na tungkol sa abogasya. Mabuti na lamang dito sa huling pinuntahan namin ay mayroon kaming nakita, at dito lang mismo sa tapat mismo ng Chyselle Coffee Shop namin ni Rasselle.

"Nagpakalayo pa tayo, at nagpakapakapagod sa paghahanap, dito lang pala ang mas murayta ang mag-aral." Sabi ko sa kaibigan ko.

"Ikaw, kase. Ilan beses ko na saiyo na sinabing unahin natin ang tapat mismo ng shop natin, nagpakapagod pa tayo. Dito lang din pala ang bagsak natin.

"Nagbakasakali lang naman ako sa iba, baka mas mura don, malay ko ba na mas mura lang pala dito.

"Yan ba talaga ang gusto mo ang maging abogada? Walong taon kang mag-aaral, nakakabagot yan." Tanong ni Rasselle habang nakaupo kami dito sa bench ng university.

"Oo, ito ang pangarap ko mula pa noong bata ako, gusto kong ipagtanggol ang mga bata na nakakaranas ng kalupitan sa kanilang pamilya, lalo na sa kanilang magulang." Sagot ko sa aking kaibigan.

"Hindi mo pa talaga nakakalimotan ang ginawa saiyo ng mag-inang yon, noh? Sabagay kahit seguro sa akin mangyari 'yon, hinding hindi ko makakalimotan ang ginawa nilang pagmamaltrato sa akin, baka nga dalhin ko pa sa kabilang buhay ang galit ko sa kanila." Sabi ulit nito sa akin. "Pero kapatid, wala kaba talagang naalala sa nangyari saiyo sa america, kung bakit ka nahulog sa hagdanan ng bahay ninyo doon?" Tanong ulit nito sa akin.

"Wala eh, ang sabi lang sa akin ni Daddy, nahulog lang ako dahil natakot daw ako sa pusang itim na dumaan. Pinaniwalaan ko na lang kahit minsan paiba-iba sila ng kwento sa akin." Sagot ko.

"Kahit 'yong dahilan ng pagpunta mo don, hindi mo ba maalala? Isang taon ka kayang hindi nagparamdam sa akin noon. Nagparamadam ka lang sa akin nong gusto mong magtayo tayong dalawa ng negosyo." Tanong pa nito sa akin na may himig sa huli na pagtatampo.

"Wala talaga eh, sumasakit ang ulo ko kapag pilit kong inaalala, kaya hindi kona iniisip pa kung ano ang nangyari sa akin pagkatapos natin mag-aral noon sa highschool." Sagot ko.

Ilang minuto pa ang inilagi namin dito sa Don Bosco Technical College ay umalis narin kami. Plano naming pumunta ng mall nila Rasselle, upang bumili ng kakailanganin namin sa pag-aaral.