CHAPTER 51

NAGULAT pa si Charity nang biglang may tumama sa mukha niya habang nagccellphone siya sa may living room nang gabing iyon, hindi naman masakit iyon pero ikinagulat niya. Nakita niyang mga tela iyon na kulay itim na may halong puti bandang leeg at manggas. Pag-angat ng mukha niya ay si Cameron ang mabungaran niya. Walang kangiti-ngiti, matiim ang titig sa kaniya at blanko ang mukha. Pero ganoon pa man, hindi maitatanggi ni Charity na napakagwapo talaga ni Cameron. At teka kailan pa pala dumating ito? Wala siyang kaalam-alam.

"Ano 'to? Bakit mo tinapon sa mukha ko?" Angil niya sa lalaki.

"Those are your uniforms." He smirked.

Nagsalubong ang kilay ni Charity. Teka, anong uniform? "Uniform? Para saan? Wala akong natatandaan na kailangan ko ng uniform," aniya na medyo nabubuhay na ang inis sa kaniya.

"You need to wear those uniform when you're here in my house. No buts."

Tinignan niya ng masama ang lalaki at kinalkal ang mga tela at nakita niyang tatlong