Kabanata 33

“Good evening po, ma’am and sir!” bati ng gwardiya kina Kiana at Owen nang makapasok ang mga ito sa mall.

Hindi naman umimik ang dalawang magkasintahan, sa halip ay dire-diretso silang naglakad. Bibili silang dalawa ng damit dahil sa nangyari kanina sa restaurant. Kailangan nilang magmadali dahil naghihintay na sa kanila ang mga Ashtons.

Maarteng nakasukbit ang kamay ni Kiana sa braso ng kasintahan niyang si Owen. “Let’s go to my favorite boutique, babe!” sambit niya ng buong sigla.

“Mukhang masaya ka pang kailangan nating magpalit ng damit ah," bulong ni Owen.

“Oo naman. Nakita mo ba ang suot na dress ng asawa ni Uncle Leon mo? Napaka engrande! Hindi naman p'wedeng basta na lang ako magpakabog ‘no! Ikaw rin, kailangan mo ring gandahan ang suot mo. Pumunta muna tayo sa paborito kong boutique after no’n, doon naman tayo pumunta sa gusto mo. Saan mo ba gustong bumili ng damit?,” wika ni Kiana. ‘Pero sabagay, kahit ano naman ang isuot mo ay mas guwapo at hot pa rin sa'yo ang uncle mo.’