Chapter 33

Nayien

NAG-IIMPAKE na ako ng damit. Isang maleta lang iyong dala ko at ganun rin si Sam. Isang linggo lang naman daw kami roon sa Negros kasi may out of the country meeting sila sa susunod pa na linggo. Susunduin ko nalang si Sam sa opisina niya at dederetso na kami sa airport. Ako nalang iyong magdadala ng mga bagahe namin. Marami kasi naman akong katulong dahil pinabalik na ni Sam ang mga bodyguards ko kasi hindi ko siya kasama. Nasa labas ng unit ko ang mga bodyguards ko. Para tuloy akong VIP na tao. 

Pagkatapos kong mag-impake ay nagbihis na ako. Nagbihis ako ng maong jumpsuit at snickers. Tumawag ako ng bodyguards para ipabuhat ang dalawang maleta at ying isang duffel bag na may lamang mga toiletries namin ni Sam at yung mga underwear namin. Nakangiti ako habang papasok kami sa elevator kasunod ang mga bodyguards ko. Bitbit nila ang mga gamit na dala namin ni Sam papunta ng Negros at ang tanging dala ko lang ay isang sling bag at yung digital camera ni Sam.