Chapter 37

WALANG kapantay ang saya na nararamdaman ni Maridel/Wevz sa mga nakalipas na araw. Bagamat tutol si Syke, ay ipinilit pa rin niya na mag pa DNA upang makasiguro kung siya nga si Maridel. At iisa lang ang paraan para malaman iyon.

Kaya naman kumpirmado ang lahat ng positibo ang resulta na anak niya ang kambal. Naipaliwanag na nila ng mabuti sa mga bata ang lahat. At katulad nila ay tuwang tuwa ang mga ito sa nalaman.

Si Nathan, sa kabilang banda ay masaya ngunit alam niyang nitong mga nakaraang araw ay mukhang may nais itong sabihin na hindi kayang sabihin sa kanila ni Syke.

Kaya nang araw na iyon ay ipinasya nilang puntahan ito sa silid nito at kausapin ng masinsinan.

"Tuloy po." Magalang na sagot nito nang kumatok sila mula sa labas ng pintuan ng silid nito.