Kabanata 18

AIRISH

HINAWAKAN ng dalawang lalaki ang magkabilang braso ko habang sinusundan namin si Dean. Nasa kalagitnaan kami ng kagubatan at tila dito ang pinagtataguan nila.

Pilit akong nagpupumiglas sa dalawang lalaki pero mahigpit ang pagkakahawak nila sa 'kin. Maputik din ang daan dahil sa ulan kanina.

"Bitiwan niyo 'ko," sabi ko at kinuha ang mga kamay ko mula sa kanila. Huminto si Dean at tumingin sa 'kin. Pati ang mga lalaki, nakahinto sa tabi ko.

"Iwan niyo kami," sabi ni Dean sa dalawa kaya kaagad namang sumunod ang mga ito at nauna na silang naglakad. Lumapit sa 'kin ng dahan-dahan si Dean at huminto sa tapat ko.

"Bakit? Tatakas ka?" tanong nito at tumawa sa harapan ko. Nakatingin naman ako sa kanya ng seryoso. "Alam mo naman na kahit saan ka pumunta, kahit magtago ka pa, o kahit maglagay ka pa ng milyon-milyong bantay sa tabi mo, makukuha't makukuha parin kita," sabi niya at naglakad ng dahan-dahan palibot sa 'kin.

"Naku naman, binibini. Sinasayang mo lang ang lakas mo sa 'kin," sa