Kabanata 28

AIRISH

NAPANUNOK nalang ako ng laway at napaiwas ng tingin nang tumingin ito sa 'kin. "Kumain ka na?" tanong nito.

Tumango ako bilang tugon.

"Nakita ko na ang lola mo. Huwag kang mag-alala, nasa mabuting kamay siya ng nakapulot sa kanya," sabi nito.

"A-ahh... Gano'n ba? Buti naman," nauutal kong sabi habang hindi parin tumitingin sa kanya. Nagulat nalang ako nang itangad niya ang mukha ko nang hawakan niya ako sa may baba.

Naiilang akong tingnan siya dahil sa nakakatakot niyang mukha.

"Bakit ganyan ka? May problema ka ba?" seryosong tanong nito.

"W-Wala... Sala. N-Natutuwa lang ako sa nabalitaan ko," sabi ko at napapanunok. Ngumiti ito sa 'kin at habang tinititigan ako sa mga mata, napatingin din siya sa labi ko.

"Natutuwa? Kita ko nga," sabi nito bago bitiwan ang kamay niyang nasa baba ko. Jusko.

"Ahh... G-Gusto kong lumabas. Nawiwiwi na 'ko," sabi ko at tumayo nang hawakan niya ang braso ko, dahilan at napatingin akong bigla sa kanya.

"Huwag kang tatakas, pinangako mo 'yan," seryos