CHAPTER 19

[PEN's Point of View]

Pabugso-bugso ang ihip ng hangin dahilan para hanginin ang ilang hibla ng buhok ko sa aking mukha. Makailang ulit ko itong hinawi at inipit sa aking tenga habang diretso ang tingin sa mga magwa-water ride sa lawa.

"Here."

Nilingon ko si Sage nang abutan n'ya ako ng ice cream. Kinuha ko 'to kahit hindi ko naman gusto ang kumain ng kahit na ano. Nakakahiya naman kasi kung tatangi ako. Umupo rin s'ya sa kabilang side ng bench. Sa gitna namin ay ang teddy bear na napanalunan ni Psalm kanina sa dart game.

Hindi na nakapagtataka na tahimik ang pwesto namin dahil unang-una, hindi ko din alam kung paano s'ya kakausapin matapos nang nangyari kanina sa tulay. Hanggang ngayon iniisip ko pa rin kung bakit ako biglang umiyak sa kanya. Parang tanga lang. Nakakahiya. S'ya ang unang taong iniyakan ko. Ang masama pa, sa isang napakaliit lang na dahilan. Ang akala ko kasi talaga, mag-isa na ako&m