Chapter 46

"Huwag ka mag-alala ate. Alam naman ni Love na hindi talaga iyon ang tatay niya," natatawang saad ni Sylvia sa akin. "Ang gwapo lang kasi ni Atty. Delgado kaya napagtripan namin."

Umirap naman ako sa kapatid ko. Bakit sa dami ng pagtitripan nila para maging ama ng anak ko ay si Delgado pa?

Hinarap ko ang anak ko sa akin. "I bought your favorite cake. You wanna eat?" nakangiting tanong ko sa kaniya para baguhin na rin ang usapan.

Nakita ko ang pagniningning ng mga mata nito ng marinig ang sinabi ko at mabilis na uumalis sa kandungan ko.

"Yes, Mommy."

"Go to Ate Mara and ask for a slice," tukoy ko sa katulong na kumuha ng dala kong cake kanina.

Mabilis namang tumango ang anak ko at nagtatakbo papuntang kusina.

"Wala ka bang work today?" tanong ko kay Sylvia.

"Ate Sabado ngayon, uso ang rest day. Palibhasa sanay kang magtrabaho buong Linggo."

"Tagapagmana ka, ako hindi."

Humarap ito sa akin at ngumiti. "Bakit hindi ka na lang sa kompanya magtrabaho. Gusto mo bigyan pa kita ng sh