Kabanata 007

“Tang ina naman! Bakit ba ayaw magsisagot ng mga ‘to!” Halos ibalibag ko ang sarili ko kama. Tumingin ako sa kisame ng ilang minuto at saka ako mabilis na bumangon.

Haist walang mangyayari kung magmumukmok ako sa loob ng apartment na ‘to. Hindi ako matutulungan ng mga ipis at daga na mawala ang pagka badtrip ko.

Kaya sa sobrang inis ay nagpagdedisyunan kong mag unwind sa bar ni Kelly, ang kaibigan kong bakla. Nakaupo ako sa harapan ng bar counter at nagpakalasing ng husto.

 Okay, siguro sabihin na nating hindi naman ganap na lasing, pero pangatlong beer ko na ito at alam na alam ni Kelly na hindi ako pala-inom, at hindi ko kaya ang sibrang pag-iinom kaya pinagmamasdan  niya ako ng naka kunot-noo

 "spill it girl! Ano na naman bang katangahan ang nangyari sayo?” tanong niya sa akin, sa kaniyang tono ay alam mong nagtataka siya sa nangyayari.

"wala”

“Anong wala tignan mo yang itsura mo wasted na wasted ka!”

“Haha! Wala nga... just chillin." tugon ko sa kaniya. Gusto kong sabihin sa kanya ang lahat, maglabas ng sama ng loob, at makarinig ng ilang advice, pero sa huli, nagpasya akong huwag na lang. AyokoNg dagdagan pa problema ni Kelly. Matapos ang kabi-kabilaang problema na pinagdadaanan niya. Makakadagdag lang ako sa isipin niya. 

Pasado alas dose na ng madaling araw, habang tinatapos ko ang isa pang beer, may umupo sa tabi ko, at dahil sa kalasingan ko hindi ko na maaninag kung sino ba iyon dahil sa nasa bar naman ako hindi ko na lang siya pinansin. Baka kung sasawayin ko siya ay masabihan pa akong feelingera at baliw dahil sa nasa counter bar naman ako para manita. 

“At hindi ka talaga nag-paawat. Hey Louisse, kilalang-kilala kita. Wag ka nang magpanggap na kaya mo pa. Baka hindi ka na makauwi mamaya!” Biglang lumitaw si Kelly, yumuko siya ng bahagya at pinitik ang dulo ng ilong ko. Tumawa ako na parang bata, habang ang lalaking katabi ko ay hindi mapakali. Hindi ko alam kung ano ba ang plano niya, wala akong pakielam at wala akong balak na alamin. Pumunta akong mag-isa dito sa bar kaya uuwi akong mag-isa.

"Haha girl, ,mataas ang alcohol tolerance ko, don’t worry. Pero seryoso, gusto kong magpaka-ngayong araw, gusto kong magpakalunod sa alak, ang problema ayaw makisama ng katawan ko. Parang juice lang itong beer sakin ngayon!" sagot ko sa kaniya "hindi ako tinatamaan, fvck!"

“Ewan ko sayo, ayaw mo namang mag-share. Tama na yan. Wag kang magpakasagad. Mag-isa ka lang uuwi mamaya. “ Tumawa si Kelly at kumuha ng isang baso, nag pump ng beer mula sa barel at inabot sa lalaking katabi ko habang patuloy na nakikipag-usap sa akin. “Gusto mo bang tawagan na lang kita ng taxi?”

“Hoy, teka lang! Pinapauwi mo na ba ako? Bakit girl ayaw mo na ba akong makita na pakalat kalat dito sa bar mo?” tanong ko sa kaniya na medyo iritable pero may halong pagbibiro.

"At yan ang pinaka-panget na ideyang naisip mo. Siyempre hindi, anytime welcome ka dito sa bar. Oh siya sige ganito na lang para safe kang makauwi ipapahatid na lang kita kay Keith? Okay ba? Para naman mas panatag ang loob kong makakauwi ka darling. Ano sa tingin mo?” nakangiti niyang sabi sa akin. Si Kelly ay isang mabait at maalalalahanin na kaibigang bakla. Palagi ko siyang inaasar na kapag nagka-ubusan na ng lalaki sa mundo papatulan ko na talaga siya. Na diring-diri naman siya sa ideyang iyon.

"Ano si Keith? Girl naman!" napakagat ako sa aking labi ng ma-imagine ko si Keith. Nagta-trabaho siya rito bilang part-timer, tumutulong sa pag-se-serve ng mga beer at kapag peak season, lalo na tuwing weekend. “Matagal ko na siyang hindi nakita. Nasaan na ba siya?”

“Ee nag-abroad siya, sa restaurant daw sa Saudi. Hindi niya nagustuhan kaya ayun, bumalik na siya kahapon. Dito na lang daw siya, hindi ata kinaya ang trabaho sa abroad. Inaasar ko nga, baka nami-miss ka kaya bumalik , baka naman kasi pinatikim mo ng pukelya mo? Aminin mo nga sakin, bruha ka!” malakas siyang tumawa matapos mang-asar.

“Siraulo! Hindi noh, pero yummy nga siya. Pero walang time sa lovelife. Putsa sa trabaho nga hindi na magkanda-tuto. Mag-la-lovelife pa?! dyusmiyo!.”

"Okay! Okay! Sabi mo eh…Back to work na siya by friday, pero kung gusto mo, tatawagan ko siya. Para maihatid ka sa apartment mo siguradong darating yun bigla.”

Na touch naman ako kay bakla. Ngumiti ako saka bago muling nagsalita. "Salamat Kelly, maasahan talaga kita, pero kaya ko pa naman. Malapit lang naman ang apartment ko. "

" Alam ko, pero hindi pa rin ako panatag ee…nag-aalala ako sayo uuwi ka ng tipsy, yang itsura mong yan. Hay naku Louisse. Nakita mo naman ang nangyayari ngayon dito sa lugar natin. Baka kung may makasalubong kang lalaki, mapagkamalan ka pang p****k. Uuwi ka nang lasing , sa ganda mong yan at sexy , iniisip ko ang safety mo! Ayokong mawalan ng super-duper friend!"

"i'm okay! kaya ko pa promise"  Kumindat ako sa kanya at tinapos na ang beer ko.

"Tama na ‘yan. Wala ka nang aasahan sakin p*****a ka!" sinigiwan niya ang mga bar tender at pinagsabihang wag na akong bibigyan ng alak . Pagkamura niya ay bigla siyang umalis sa harapan ko para puntahan ang isang lalaki na kanina pa kumakaway sa kaniya.

"Haha bitch ka talaga Kelly! " sigaw ko sa kaniya bilang ganting pang-aasar.

"Kung gusto mo, ihahatid kita pauwi." sabi ng lalaki sa katabi ko pagka-alis ni Kelly. Sinipat ko siya nang buo, ang lalaking tahimik kanina. Nakasuot siya ng itim mula ulo hanggang paa. Parang nagluluksa yata ito? Pero ang weird hindi ko naman siya kilala.

Tsh…