Chapter 8

Umaga na at halos hindi ko alam kung paano ako haharap kay Mr. Edgar matapos lahat ng nakita ko kagabi.

Kanina pa ko sumisilip sa labas kung may tao na ba, pagkatapos hihiga lang din ako ulit sa kama.

Hindi ko alam kung ano ang dahilan niya, pero hindi pa rin magandang dahilan ang kahit ano para pumatay ka ng isang tao.

Narinig kong may kumatok sa aking kwarto habang nakahiga at nag-iisip ako sa kama. Hindi ko nagawang lapitan yo'n o sumagot man lang para magtanong.

Nakailang katok sa aking pinto hanggang sa may nagsalita na rin.

"Mira, ayos ka lang ba? Gising ka na ba?"

Kinilabutan ako ng malaman kong si Mr. Edgar ang kumakatok. Naiisip ko, paano na lang kung magalit siya sa'kin at bigla niya kong patayin?

Saka paano kapag nalaman niyang nakita ko lahat ng nangyari kagabi?

Maya-maya lang ay narinig ko ang pagbukas ng pinto sa a