PAGKATAPOS NAMIN KUMAIN ay iginiya ako ni Roger paakyat sa ikalawang palapag.
Ang desinyo ng hagdanan nila ay pinagsama ng matibay na kahoy na panghakbang at may panel ng transparent na salamin sa bawat gilid nito. Nakakalikha ito ng isang nakakaaya sa pagitan ng makabago at natural na elemento. Sa mga magasin na kasama sa mga pinapadala ni ninang ko lang nakikita at nababasa ang mga ganitong klase ng desinyo. Ngayon, nakikita ko na ito sa personal.
Bumungad kaagad sa akin ang isang maliit na sala. Hindi ko masyadong mabigyan ng deskripsyon ito dahil medyo madilim na sa bahaging ito.
Humakbang lamang si Roger sa pinakamalapit na pintuan. Binuksan nito iyon, pumasok ng isang hakbang at pinindot ang switch bago ito humarap sa akin at nagwika. "Ito ang master's bedroom." Isinara nito ulit ang pintuan bago ako muling iginiya papunta sa katabing pintuan ng master's bedroom.
Binuksan naman nito ng malawak ang pintuan na sa aking hula ay ito na ang silid ni baby Reema. Hindi nga ako nagkakamali dahil pagkabukas nito ng ilaw sa silid na pinasukan ay tinawag na ako nito upang pumasok din.
"This is baby Reema's room and your room as well. "
Malawak ang kabuuan ng naturang silid. Malaki pa nga ito sa aming bahay. Inilibot ko ang aking paningin. May double space na higaan katabi ng isang tilt window, na may design na sunflower na kurtina. Matingkad na kulay dilaw at pink naman na bedsheets at dalawang unan ang nakalagay rito. Isang katamtaman lang na sukat na kulay rainbow na carpet ang nakalatag sa wooden na sahig. Pumagitan naman ang isang kulay puti na cabinet na may dalawang drawer bago ang parihabang kuna ni baby Reema, na nakadikit sa dingding na may desinyo ng outer space. Habang dinikitan ito ng maraming glow in the dark na mga bintuin.
"This is your bed." Wika ni Roger habang nag squat ng upo sa bandang paanan ng aking magiging higaan. "And obviously, that crib would be my baby Reema's bed. " Nakangiting tinuro naman nito ang kuna na nakadikit sa dingding.
Pagkatapos itinuon nitong muli ang atensyon sa harapan ng aking higaan at hinila nito ang ibabang bahagi ng aking higaan. "Dito mo ilalagay ang bedcover at mga unan. " Tinulak nitong muli ang hinila nitong bahagi ng aking magiging higaan.
Muli itong tumayo at lumapit sa dingding na nakapwesto sa bandang ulunan ng aking higaan. Akala ko ay isang plain na dingding lamang ito. Huli ko nang napagtanto na isa pala itong sliding na pintuan ng isang built-in na kabinet ng mga damit.
"You can hang your clothes here, " hawak nito sa parte na may mga nakasabit na hanger at itinuro naman nito ang apat na layer na hugis parisukat. "Or just fold it here."
Nagsquat na upo ulit ito at isa-isang hinihila ang tatlong magkasunod sunod na drawer. "You can safely put your shoes here," at muling isinara ang tatlong drawer.
"Naku, isang sapatos lang naman ang dala-dala ko rito," natatawang wika ko.
Tumayo itong muli at pinatong ang kamay sa aking balikat. Sa pagdampi ng mainit na palad nito sa aking balikat ay nagdudulot sa akin ng kakaibang sensasyon. Ngunit, pinipilit kong iwaksi ang nararamdamang kakaiba para rito.
"I'm sure, madadagdagan pa 'iyang mga sapatos mo. Lalo na kapag nagustuhan ka ni ate Rochelle. She loves giving gifts." Nakangiting wika nito sa akin sabay pisil sa aking balikat.
'Si ninang din naman ah. Mahilig din magbigay ng regalo iyon.' Gusto ko sanang idugtong ito sa sinasabi nito kaso mas pinili ko nalang na manahimik.
Hindi ko talaga maintindihan ang aking sarili kapag nahahawakan ni Roger ang parte ng aking katawan. Kahit ang magdikit ang aming mga balat, nagdudulot kasi ito sa akin ng kakaiba na mahirap ipaliwanag.
Binitawan nito ang aking balikat at lumapit sa maliit na cabinet na katabi ng aking higaan. May nakapatong sa ibabaw nito na isang bagay na tinatawag nilang lampshade. "You can put your personal stuffs here. Just make it sure na nakasara ito dahil for sure bubuksan ito ni baby Reema. "
Masunuring pagtango lamang ang tangiing naging tugon ko rito.
Naglakad ito sa kabilang side ng silid kung saan nakadisplay ang isang maliit na mesa na gawa sa plastik at apat na maliliit na upuan pambata. Sa gilid nito nakatayo ang apat na layer na bookshelves na puro pambatang libro ang nakadisplay. Katabi naman nito ang isang gray na donkey rocking chair na may toddler seat at nakahilerang cabinet na lagayan ng mga iba't-ibang mga laruan.
"Dito kayo maglalaro ni baby kapag ayaw nitong bumaba. Nilagyan ko na rin ng single couch para may upuan ka habang pinapanuod mo siya na maglaro," aniya pa nito.
Lumapit ito sa isang pintuan na nakapwesto sa gilid rin ng pintuan ng silid. " Ito naman ang magiging banyo ninyong dalawa."
Sinilip ko ang looban nito. Sa gilid ng pintuan ay may isang lababo na may faucet. Isang mahaba pero gadangkal na space para sa paglagyan ng mga abubot ng bata. Toothbrush nito, toothbrush ko at dalawang magkaibang brand ng toothpaste, dalawang suklay, hairclips, headband, maliit na mirror stand at isang halaman sa may bandang dulo. May dalawang hakbang na hagdanan na gawa sa kahoy na para siguro kapag naghilamos at magtoothbrush na ang bata. May lagayan naman ng tissue sa gilid ng lababo at katabi nito ang isang toilet bowl. Sa likod na part nito ay isang malapad na salamin. Isa-isang binuksan ni Roger ang isang built-in cabinet na ang harapan ay isang salamin. Nandoon na lahat ng mga toiletres na stock para sa aming dalawa ng bata. At sa bandang dulo naman ay isang glass na shower room. Katapat nito ay ang waistline tilt na bintana na may puting pintura ng rehas.
"Bago kita iwanan dito, katabi ng mga cabinet's clothes mo ang cabinet's clothes rin ni baby Reema, "itinuro nalang ni Roger ang cabinet na sinabi nito.
"Just suit yourself here, okay? See you tomorrow. Goodnight, Sabby."
Walang pahintulot na nagbeso pa ito sa akin at nakatangang tinalikuran lang ako nito bago lumabas ng silid at dahan-dahang isinara ang pintuan.
Napahawak nalang ako sa aking dibdib dahil sa bilis ng pangyayari. Bumilis bigla ang pintig ng aking puso. Nakaramdam din ako ng kakaiba sa aking sikmura. Parang masakit na hindi ko maintindihan. Hindi rin ma-i-aalis sa aking mga labi ang isang pigil na mga ngiti.
Ipinilig ko ang aking ulo dahil mali itong naramdaman ko kay Roger. Pinilit kong pakalmahin ang aking sarili. Huminga muna ako ng malalim bago ko napagpasiyahan na maligo. Nagbabakasakali na mawala ang init na aking nararamdaman kanina pa lang.
MATAPOS NG NANGYARI kanina ay halos hindi na ako dalawin ng antok. Kanina pa ako nagpaikot-ikot dito sa aking higaan. Pero, hanggang ngayon ay sariwa pa rin sa aking alaala ang lahat. Hindi pa rin nawawala sa mga titig niya ang nagniningas niyang pagnanasa na pinipilit kong iniwasan.
Kung siguro n'ong dati na magnobyo palang silang dalawa ni ninang ay may pagkakataon pa sana akong sumingit ngunit hindi ko ginawa dahil mataas ang respeto ko kay ninang. Matindi ang atraksyon na nararamdaman ko kay Roger noon pero nagawa kung pigilan. Ano pa kaya ngayon na kasal na sila at may anak pa.
Alam ko sa sarili ko na mas kailangan kung maging maingat dito dahil magkasama na kami sa iisang bahay. Marami na ang mga matang nakabantay kapag may makikita silang kaunting pagkakamali. Dapat mawala na sa aking sistema ang ganitong pakiramdam.
Kaya mas lalo kong itinatatak sa aking isipan ang naging pangako ko kay nanay, isang araw bago ako lumuwas ng maynila.
Noong una, malaki ang naging pagtutol ni nanay sa naging plano ko. Ayaw niya sana akong umalis, pero nagpumilit ako sa kan'ya. Ipinangako ko rin sa kanya na magtiwala lamang siya sa akin, na hindi na niya ako dapat na alalahanin pa, na kaya ko na ang aking sarili, na ginagawa ko ang lahat ng ito hindi lamang para sa aking sarili kundi pati na rin sa kanila. Hanggang sa huli ay napapayag ko pa rin siya kahit na malaki ang pagtutol nitong lumuwas ako ng maynila. Sa totoo lang, matagal ko nang pinapangarap na makaangat kami sa buhay. Matagal ko na ring gusto na ipagpatuloy ang aking pag-aaral ngunit dahil hindi sapat ang kinikita namin ni nanay sa paglalako ng mga kakanin at sinabayan pa ng mga peste sa bukid. Kaya hindi ko na kayang makita sila nanay at tatay na nahihirapan. Wala naman din sigurong masama na mangarap ng mas mataas. Kung ang pangarap na ito ay ikakabuti namin.
KINABUKASAN... Mahinang katok mula sa pintuan ng aking silid ang nagpagising sa akin. Sinipat ko ang orasan na nakapatong sa kabinet na nasa tabi ng aking higaan. Napabalikwas kaagad ako ng bangon ng makita ko na ang oras, pasado alas diyes na pala ng umaga. 'Patay!' Ngayon lang ako nagising ng matagal. Baka dumating na sila ninang. Nagmamadali kung tinungo ang pinto, wala na akong pakealam kung magulo ang aking buhok at pinagbuksan ang kanina pa kumakatok nito. Bumungad agad sa akin ang medyo nababagot na hitsura ni Analie. "Kagigising mo lang ba?" "Sorry," nahihiyang tumango ako rito. Iritado pa rin ang expression ng pagmumukha nito. "Sumabay ka na sa aming mag-almusal ni ate Melleza. " "Susunod na ako, magpapalit lang ako ng damit." Maiksing tugon ko rito na tanging pagtango lamang ang naging tugon nito. 'Ang suplada naman nito.' Paalis na sana ito ng bigla itong tumigil at lumingon, " ito raw muna ang susuotin mo, pansamantala." Sabay abot nito sa isang paper bag na dala
TAHIMIK LAMANG AKONG NAKATAYO habang hinihintay ang mga bagong dating na pumasok. "Goodmorning, ma'am Rochelle. Goodmorning, Roxanne. Goodmorning, Jude.." Sabay-sabay na bati nina ate Melleza at Analie sa mga bagong dating. Naunang pumasok ang isang maganda at sopistikadang babae. Maiksi ang kulay blonde nitong buhok. Sa hinuha ko ito na siguro ang ate ni Roger. May akay-akay itong isang batang babae na aking tingin ay nasa edad na pito o walong taon na gulang. Nasa likuran naman nito ang isang balingkinitan na morenang babae na may karga na batang lalaki. Nang magawi ang tingin nito kina ate Melleza at Analie ay ngumiti ito nang pagkatamis-tamis. "Goodmorning , yaya Mel. Goodmorning, An." Masiglang bati nito bago ito nakangiting tumingin sa akin. "Hi, dear. Kumusta ka pala?" Nahihiyang tinangoan ko ito at binati rin ito ng, " magandang umaga rin po. Mabuti naman po." "Good. Yaya Mel pakibigyan nga po ng breakfast si Tine. " Malumanay na pakiusap nito kay ate Melleza. Kinuha
SUMAPIT NA LANG ang gabi pero hindi pa rin lumabas ng kaniyang silid si ninang. Nakaalis na rin sina ma'am Rochelle, Tine at ang dalawang anak nito, wala pa ring ninang ang bumaba. Maghapon din na wala sa bahay si Roger. Hindi ako na-inform na ganito pala ang kalakaran sa pamamahay na ito. Iba sa ini-expect kung mangyari. Ang akala ko ay kakausapin ako ni ninang katulad ng ginagawa niya sa tuwing bumibisita siya sa amin. Pero hindi nangyari iyon. Baka pagod lang siguro si ninang kaya gan'on. Inaliw ko na lang muna ang unang araw ko sa trabaho sa batang aking inaalagaan. May kalikutan ang batang si Reema. Pero hindi naman ito mahirap para sa akin dahil sanay na akong magbantay ng bata. Iniisip ko nalang na sarili kong kapatid ang aking inaalagaan. Pagsapit ng alas syete ng gabi ay nagtawag na si ate Melleza upang kumain na kami ng hapunan. Muli kong nilingon ang silid ni ninang. Nanatili itong nakasara. Hindi ba siya ang dapat na maunang kumain, o kahit tawagin man lang ito ng m
PAGKAGISING KO ay kaagad akong nag-ayos ng aking higaan. Namataan ko rin ang limang paper bag na nakalagay mismo sa may bandang paanan ng aking higaan. Ito na siguro ang sinasabi ni Roger sa akin kagabi bago ito lumabas. Kaagad kung chineck isa-isa ang laman ng mga paper bag. Tatlo sa mga paper bags ay naglalaman ng mga personal na gamit ko sa pang araw -araw. Nilakipan niya rin ito ng isang pares ng sapatos, dalawang t-shirt at isang pantalon. Ang laman naman ng dalawang natitira na paper bags ay mga damit ng aking alaga at laruan. Pagkatapos kung suriin ang laman ng mga paper bags ay maingat ko na itong sinalansan sa lagayan. Natuwa akong makita na may bago akong mga gamit. At baka madagdagan pa sa mga sumusunod na mga araw. Muli kung nilingon ang aking alaga. Mahimbing pa rin itong natutulog. Kabilin-bilinan pa naman sa akin ni Analie kahapon na hangga't hindi pa gumigising ang aking alaga ay hindi ako allowed na lumabas ng silid. Kaya habang naghihintay na magising ito ay n
"WELCOME to Kusina ni Crising!" Masiglang bati ng isang magandang babae na nakatayo sa may pintuang kahoy. Ang bubungan ng labas ng restaurant ay gawa sa nipa. Malikhain ang pagkaukit ng pangalang ng restaurant sa isang banig. Ang haligi naman ay gawa sa traditional na kawayan, o tinatawag na 'amakan o sawali.' Nakalambitin naman sa itaas ang dalawang malaking lampara. "Do you have any reservation, sir?" Magalang na tanong ng magandang babae sa asawa ni ma'am Rochelle habang dahan dahang binuksan ang kawayan na pintuan. "Yes, Rochelle Bernardino. 11 adults and 3 kids." Narinig kong sagot ni ma'am Rochelle. Hindi ko na masyadong naintindihan ang iba pa nilang pinag-usapan dahil abala na ang aking mga mata sa pagmamasid sa aming dinadaanan. Bumungad sa akin ang daanan na puno ng peebles at isang masining na paarkong mga kawayan na may mga dahon pa sa bandang itaas. Sa dulong bahagi naman nito nakatayo ang isang puno na may apat na nakalambitin na bamboo lights. "This w
MAGTAKIPSILIM na nang makarating kami. 'Sa wakas! Makapag-unat na rin.' Medyo namamanhid na rin kasi ang aking mga hita. Akala ko pa naman ay alas dos talaga kami makarating rito pero mukhang mali ata ng estimate ng oras si ate Melleza. "Daddy, I want to pee," aniya ng aking alaga kay Roger. Eksakto lang talaga na magbubukas si Roger sa pintuan ng kaniyang sasakyan. Mabuti nalang talaga at sinigurado ko na umihi muna kami d'on sa restaurant bago umalis. Kaagad na binuhat ni Roger ang aking alaga upang samahan sana ito papunta sa comfort room. Nagmamadali naman akong lumabas ng sasakyan upang tumulong sana kay ate Melleza. Ngunit pagkatapak ng aking paa sa semento ay bigla nalang na bumigay ang aking mga binti. "Aray ko po!" Napadaing ako sa pagkabigla. Napaupo ako ng wala sa oras sa semento. Napahiyaw pa ako lalo ng inalalayan ako ni kuya Oming na makatayo pero hindi ko man lang magawa na maigalaw ang aking mga paa. "Yaya Mel, pasuyo naman kay Reema," nabiglang wi
KANINA ko pa gustong lapitan ang ma'am Sol na may-ari ng resort na kasalukuyan na tinutuluyan namin ngayon. Ngunit, nagdalawang- isip rin ako na baka kahawig niya lamang si tiya Leda. Si tiya Leda ay ang matalik na kaibigan ni tiya Judith, katulad ng pagkakaibigan nila ate Sandy at ninang Marites. Natapos nalang kaming kumain ay hindi ko pa rin maiaalis ang tingin dito. "Yaya Sab, are you okay now? Can you able to carry me in the pool? I really wanted to swim but ate Mel is still busy," nagmamakaawa pa nitong pakiusap sa akin," please...""Sure baby. No problem. "Hinawakan ko ang maliit nitong kamay at inakay papalapit sa swimming pool na nakap'westo lamang sa harapan ng malawak na garden. Nakita ko na masayang naglalaro ang mga batang sina Bea at Roxanne. Parehong nakasakay ang mga ito sa salbabidang may mga cartoon characters pa na hugis. Nakaalalay kay Bea ang nanay nitong si ate Angie at sa tabi naman ni Roxanne si Maia. Sa kabilang bahagi naman ng pool nakalutang ang sa
ANG LIKURANG bahagi ng private resort ni ma'am Sol ay isang beach. Kasalukuyan kaming nakaupo sa buhangin. Nakabuo kami ng pabilog na hugis na pag-upo. Napagitnaan ako nina ate Angie at Maia. Nasa tapat ko naman nakaupo si Roger na abala makipagkwentuhan kay kuya Fred. "Sisimulan ko na ang ating palaro, guys!" May kalakasan na pag-anunsyo ni sir Joel sa lahat. Tama lang upang tumigil ang lahat sa ginawang pakikipagdaldalan. Inilabas nito ang isang bote ng alak na wala ng laman. Ipin'westo ito sa gitna namin at sinimulan na paikutin. Seryosong nakatutok ang lahat sa bote na umiikot. Nang tumigil ang pag-ikot nito ay sinundan namin kung kanino nakatapat ang ulo ng bote. Unang tumigil ang bote sa tapat ni Maia. Pinapili siya kung truth or dare. Ang pinili niya ay truth. Tinanong kami ni sir Joel kung sino ang gusto na magtanong kay Maia. Kaagad na nagtaas ng kamay si Analie. "Ako ang unang magtatanong. Papaano mo naging tatay si kuya Oming? Eh hindi naman sila nagkaanak ng na