Chapter 49 (The Revenge)

Bumalik nga sa silid nilang mag asawa si Kiara at duon ay pabalikbalik na naglalakad. Napasukan siya ni Yaya Celly may dala itong juice sa baso at agad iniabit sa kanya.

"Inumin mo ito para kumalma ka." Utos nito ng nakangiti. Agad niyang tinanggap iyon at ininum ngunit ilang lagok palamang ay napatakbo na siya sa CR at saka isinuka roon ang laman ng kanyang sikmura. Agad siyang dinaluhan ni yaya Celly at hinimas ang likuran. Nang umayos ang pakiramdam niya at nakapag hilamos na siya ay inalalayan siya nitong pabalik sa kama.

"Yaya, iwan po muna ninyo ako gusto kong magpahinga." Wika niya dito at mahahalata ang panlalambot.

"Wala ka bang balak ipaalam ito sa asawa mo Kiara?" Biglang tanong ni yaya Celly na ikinagulat ni Kiara.

"Ang alin yaya?" Kunwaring tanong rin niya.

"Matanda na ako para paglihiman mo, papunta palang kayo ay pabalik na ako. Buntis ka at nararamdaman ko iyon bilang tumayong iyong ina sa loob ng maraming taon."

"Yaya ang batang ito ay produkto ng isang gabing pagkaka