Chapter 68 (Athena's Plan)

Bumalik si Max kina Jeofrey at Aidan, "Kumusta kayo? Wala bang nasaktan?" nag aalalang tanong niya na ang mata ay iniuuli sa paligid.

"Ace!!!!"

"Ace!"

Boses ng isa nilang kasamahan, kaya naman agad nilang hinanap si Ace at nahagip ito ng mga mata ni Jeofrey.

"Ace!!!" sigaw ni Jeofrey at tumakbo papalapit sa lalaki. Unti unti namang nagsisilabasan ang mga tao sa ospital upang mkaiusyoso. "Tumawag kayo ng tulong sa loob bilisan nyo!" sigaw ni Jeofrey na hindi na maintindihan ang gagawin dahil duguan si Ace at tila ba walang buhay na nakahiga sa tabi ng isang sasakyan.

Agad namang lumabas ang ilang nurse at doktor, tinulungan sila ng mga ito, nangangatal ang mga kamay ni Aidan sa sobrang galit. Dinukot nito ang cellphone sa bulsa ng suot na slacks.

"Alamin mo kung sinong nagtangka sa buhay ko ngayon na." Agad niyang tinapos ang usapan at tumawag sa mansion. "Kahit anong mangyari huwag na huwag ninyong pababayaang umalis ang asawa ko ng bahay o kahit lumabas manlamang sa garden. Tawa