Side Chapter - Clarisse

“Bes, ready ka na ba?” tanong ko sa best friend kong si Crista.

Nakaupo ito sa harap ng salamin at nag-aayos ng kanyang buhok. Ngumiti ito at hinarap ako, “Ready na.”

Ngumiti ako pabalik at hindi mapigilang mapabuntong hininga. Ngayon ang araw na ipapakilala ni Troy si Crista sa mga magulang nito. Medyo may kaya ang pamilya ni Troy at sa pagkakatanda ko ay tumatakbong governor ang tatay ni Troy.

Isang taon na rin ang nakalipas simula nang makalaya si Crista sa kulungan. Sa mga panahong iyon, ang mga magulang ni Crista ang nag-alaga kay Yohan dahil na rin sa kadahilanang ayaw nila ito ibigay kay Troy nang wala si Crista. Dahil sa tulong ng parents ni Crista at Troy ay maaga ngang nakalaya si Crista.

Hindi ko mapigilang makaramdam ng kakaibang emosyon sa tuwing naaalala ko ang mga nangyari noon. Pakiramdam ko ay lalamunin ako ng konsensya sa tuwing maiisip ko ang mga naging kasalanan ko noon. Pati bestfriend ko ay napahamak dahil sa akin.

Ngayon nga ay nagbabagong buhay na si Cris