Side Chapter - Marianne

Lahat ng bagay sa mundo ay nagbabago.

Kahit gaano mo pa ito kamahal at kagustong manatili, darating at darating ang araw na mawawala at mawawala ito sa'yo. Minsan napapalitan, minsan nakakalimutan, pero madalas, namamaalam ng tuluyan.

Ngunit sa gitna ng napakalabong mundo na puno ng pagbabago at pagwawakas, iisa lamang ang tiyak akong maari at parating nanatili.

Iyon ay ang isang tunay, busilak, at buong pagmamahal.

Isang pag-ibig na kahit anong gawin ng isa, dalawa, o napakaraming tao―ay hinding hindi mawawasak.

Dahil kahit mawala man ang taong ito sayo, magbago man ang lahat sa inyo, patuloy mo pa rin itong mamahalin. Patuloy pa ring titibok ang puso mo na tanging siya lamang ang tinatawag.

Kahit palihim na lamang, kahit sa malayong tingin na lamang, gustuhin mo man o hindi, patuloy pa ring titibok ang puso mo para sa taong iyon. . .

Sa buong buhay ko, hindi ko inakalang mamahalin ko ang isang lalaking labis labis kong mamahalin at mamahalin rin ako pabalik. Ika nga nila, love comes