Kabanata 1

"CHEEEEERS!" sigaw ni Devorah habang nakataas ang bote ng beer sa kamay niya agad naman na nakipag cheers si Parsha at Tristan.

"Finally girl! makakalaya ka na sa work mong deretsyo kamatayan" ani Parsha kay Devorah.

"Haynako! buti na lang kamo natanggap ako sa kumpanyang pinapasukan niyo ni Tristan. Lung hindi doon pa rin ang bagsak ko!" inis namang sabi ni Devorah kaya naman natawa na lang si Tristan.

"Tagal ka na kasi namin inaaya ayaw mo, di sana regular ka na ngayon" saad naman ni Tristan.

"Sabagay! may point ka" saad naman ni Devorah

"Haynako! enough na muna sa work! mag celebrate na muna tayo!" sigaw naman ni Parsha kaya naman sabay sabay ulit silang nagcheers.

Halos nakakailang bote na sila ng beer, at medyo tinatamaan na rin ng alak si Devorah na ngayon ay medyo umiikot na ang paningin pero patuloy pa rin sa pag inom.

"Malay mo, makahanap ka rin ng jojowain sa kumpanya" kindat maman ni Parsha lay Devorah.

"Trabaho need ko! di jowa!" asik naman ni Devorah kaya nangunot ang noo ni Parsha.

"Ano day? tatanda ka na lang dalaga?! huy! jowa jowa rin! sige ka, pag di nadidiligan ang bulaklak napapanat!" saad pa ni Parsha kaya napahampas si Devorah sa balikat ni Parsha.

"Gaga ka talaga! Ikaw nga wala pang pinapakilala sakin eh!" balik naman ni Devorah

"Soon! HAHAHAHA sa ngayon dapat mauna kang may maipakilala sakin" tawa pa ni Parsha sabay lagok sa beer na hawak niya.

Nagpatuloy pa sila sa pag inom, na para bang walang pasok bukas, lalo pa't first day ni Devorah bukas. Ayaw sana nito uminom pero namilit ang mga kaibigan niya kaya no choice at sumama dahil alam niyang hindi siya titigilan ng dalawa.

"Wait guys. Cr lang ako. kanina pa ako naiihi" paalam ni Devorah sa dalawa tsaka ito tumayo, muntik pa siyang matumba mabuti na lang at nakakapit siya sa upuan kung saan siya tumayo.

Naglakad siya ng dahan dahan habang ipinipilig ang ulo niya. Paulit ulit rin siyang kumurap kurap dahil sa panlalabo at parang umiikot na paningin niya, pero nagpatuloy pa rin siya sa paglalakad.

Hanggang sa bigla na lamang siyang nabangga sa isang matigas na bagay.

"Hey, careful" agad na napatingala si Devorah sa lalaki, hindi niya maaninagan ang mukha nito pero napangiti siya dahil amoy na amoy niya ang pabango ng lalaki na sobrang bango.

"Hey handsome!" ngiti ni Devorah kahit pa pikit na ang mata. Agad na ngunot ang noo ng lalaki pero nanatili pa rin siyang nakahawak kay Devorah.

"You're drunk, miss. may kasama ka ba? driver?" tanong nito.

Umiling lang di Devorah at ngumiti sabay yakap sa bewang ng lalaki dahilan para mapaatras ng kaunti ito.

"Hey!"

"Pwede bang... pwede bang samahan mo ko? na-nahihilo na kasi ako" nakalabing pakiusap ni Devorah.

"W-where?" tanong ng lalaki.

"Sa puso mo!" hagikhik ni Devorah na ikinangiwi ng lalaki. Gusto na niya sanang bitawan at iwan si Devorah pero nagulat siya ng biglang higitin ni Devorah ang kwelyo ng suot niyang polo shirt.

"H-hey! what are you doing!" gulat nitong usal.

Pero di sumagot si Devorah, ngumiti lang ito at basta na lang hinalikan ng marahas sa labi ang lalaki.