Chapter 13

INTERESADO si Bea sa anyaya ni Roble sa amin. Siya na mismo ang kumuha ng address ng bahay na pupuntahan namin kahit na mukha siyang windang habang kinakausap si Roble.

'May boyfriend ka na Bea!" Paalala ko sa kanya nang nanginginig ang kamay niya habang binabasa iyong sinulatan ni Roble ng address.

"Oo, meron, pero hindi ibig sabihin na hindi na ako pwedeng pumunta sa party, Elisia. Ang saya kaya nito atsaka minsan lang tayo maimbitahan sa party-ing pang mayaman!"

Ngumiwi ako. "Kaya nga ayaw kong pumunta. Magmumukha tayong yaya don!" Sabi ko.

"Ano ka?" Napatingin siya sakin. "Hahayaan ko ba 'yon? Syempre hindi pwedeng mangyari satin 'yon! Tsaka hindi tayo magtatagal. Kung ala una tayo matapos bukas edi magbibihis tayo ng damit tapos diretso na tayo sa party."

Marami pa siyang sinabing plano tungkol sa party. Panay naman ang ngiwi ko dahil ayaw kong pumunta. Lahat ng alibi ay sinabi ko na sa kanya para lang hindi ako makapunta.

"Wala akong dress." Sabi ko,

"Ako meron." Aniya.

"Edi ik