7

It's Monday morning and here I am, sitting comfortably inside the car while Kyren is sitting beside me. Ihahatid kasi ako si kuya Ciro tapos i-e-enroll niya si Kyren pagkatapos niya akong maihatid. Si dad sana ang maghahatid pero sinabi ko kaagad na maglalakad na lang ako kung siya ang maghahatid sa akin. Si Kyren naman ay nakasiksik sa gilid ng pinto, nilalayuan ako.

"I'll fetch you at exactly three in the afternoon, Viviene" bilin niya sa akin pagkababa ko ng sasakyan dito sa harap ng campus.

"Malamang, kuya, alangan namang three ng umaga mo ako susunduin" pambibiro ko.

Sinamaan niya agad ako ng tingin, "Funny, Viviene. Akala mo hindi ko alam na ikaw ang naglagay ng putik sa sasakyan ni Devin."

My eyes widened, "What!? I didn't know anything about it, ha" pagtatanggol ko sa sarili ko kahit totoo namang ako ang may gawa no'n. And how did he found it?!

Kuya Ciro scoffed, "Sa akin ka pa talaga magsisinungaling, Viviene? I know you, sister" sinara niya agad ang bintana sa side niya at umalis na sa harapan ko.

Naiinis akong pumasok sa campus. Hindi pa man nagsisimula ang araw ko dito sa campus ay sira na agad ang araw ko. Galit ba naman akong tinitignan ng mga naging babae ni Jeo. Kahit saan ata ako tumingin ay mga dati niyang babae ang nakikita ko. It's so stressful!

I glared to all of them. Kung magalit sila ay para naman akong may kasalanan. They should be happy na wala na kami ni Jeo. Dapat nga ay pasalamatan nila ako dahil makakabalik na sila sa kandungan ni Jeo. Pumasok na ako sa loob ng classroom ng una naming klase at hinintay ang una naming professor ngayong umaga. Two months na lang at ga-graduate na kaming magkakaklase.

"Viviene, totoo ba na ikaw ang unang nagloko sa inyong dalawa ni Jeo?" tanong ng kaklase kong si Divine.

Napatingin ako sa kanya, "What?! Saan mo naman nakuha ang balitang 'yan?"

What the h*ll? Kaya ba masama ang tingin sa akin ng mga naging babae ni Jeo kanina?

"Si Jeo mismo nagsabi" sagot ng isa ko pang kaklase na si Mia.

"Yeah, right. Naniwala naman kayo sa lalaking 'yon? Kahit naman noong hindi pa kami ay lagi na 'yang may nilolokong babae, tapos sino bang may iba ngayon? Ako ba?"

Talagang pinakalat pa ng lalaking 'yon na ako ang nagloko sa gitna ng relasyon namin? Tignan lang natin kung anong mangyayari sa'yo kapag ako ang magkakalat ng pekeng balita tungkol sa'yo.

"Sa totoo lang, hindi lang babae ang pinagpalit niya sa akin" bulong ko na siyang kumuha ng atensyon nila.

"A-Anong ibig mong sabihin?"

I move my hand to tell them to move closer to me. Ginawa nila iyon at naghintay sa sasabihin.

"Nakita ko siyang may kahalikang mukhang lalaki" bulong ko.

Malakas na suminghap ang mga kaklase ko. Hindi sila makapaniwalang tumingin sa akin.

"Is that true?" tanong ni Dona.

I nod, "Hindi ako masyadong sigurado, pero mukha kasing lalaki ang hitsura no'ng kahalikan niya, e. Kung ang gusto na niya ay lalaki, wala akong problema doon" saad ko pa.

Tumahimik naman ang buong klase nang pumasok na ang professor namin ngayong umaga. Nagtaka naman ako dahil wala pa si Alyssa. Wala din naman siyang text sa akin na a-absent siya ngayon. Natapos nalang ang ikalawa naming klase ay wala pa rin siya.

Nang lunch break na namin ay saka lang siya pumasok. Hanep 'tong kaibigan ko, a. Lunch break pa talaga niya naisipang pumasok? Di na lang siya pumasok sa last subject namin mamayang hapon.

"Aga natin, a" sarkastiko kong saad sa kanya nang makita ko siya sa hallway ng building namin nang pababa na ako sa unang palapag.

"Balak mo pa bang pumasok mamayang hapon?" tanong ko pa.

Umirap na lang ang babae, "Ewan ko sa'yo, Viviene" hinablot nito ang braso ko at hinila ako papuntang canteen.

"Saan ka ba nanggaling?" usisa ko habang hinihintay namin ay binili namin.

"May problema lang kami sa pamilya kaya nahuli ako" kwento niya.

"Hindi 'yon naayos kahapon?"

"Hindi, e. Umalis na nga lang ako sa bahay kahit hindi pa sila tapos" sagot niya.

"Viviene!"

Parehas naman kaming napaigtad ni Alyssa sa sigaw na 'yon. Hinarap ko kung sino ang sumigaw. Napangisi agad ako nang makita ko si Jeo. He's fuming mad! Nanlilisik ang mga mata nito habang nakatingin sa akin. Mukhang nakarating na sa kanya ang mga sinabi, a. Ang bilis naman.

"What do you want, Jeo?" peke kong ngiti.

"Akala mo hindi ko alam na ikaw ang nagpakalat no'n?!" he shouted, his fist are firmly closed.

"What? What do you mean?" kunwaring tanong ko.

Galit itong naglakad palapit sa akin kaya agad kong tinaas ang kamay ko, "Whoops! Diyan ka lang" pigil ko sa kanya.

"Nag-mamangmaangan ka pa talaga? Sinabi na nila sa akin na ikaw ang nagpakalat no'n!"

Mas lumakas ang sigaw niya kaya lumayo kaagad ang ibang estudyante sa amin. Mayroon namang nag-stay lang sa kinauupuan nila at pinapanood kaming nag-aaway.

Ngumisi ako, "Ano ang pakiramdam na makarinig ng kwento na tungkol sa'yo at hindi naman totoo?" sumulyap ako kay Alyssa na nagtataka sa nangyayari, "Wait, hindi ba totoo 'yong nakita ko noon. Namamalik-mata lang ba ako noong nakita ko 'yon?"

"You saw it wrong!"

"Edi hindi!" sigaw ko pabalik.

Umigting ang panga nito, "Tandaan mo, Viviene. May araw ka rin sa akin!" he shouted then stormed out of the canteen with his friends.

Napairap na lang ako habang tinitignan silang paalis. Humarap na ako sa nagtitinda at kinuha ang mga binili namin. Bigla akong nakaramdam ng sobrang gutom, a.

"Anong problema ng lalaking 'yon?" takang tanong ni Alyssa habang naghahanap kami ng uupuan.

"Pinagkalat ba namang ako daw ang nagloko sa aming dalawa kaya pinagkalat ko ding may kahalikan siyang mukhang lalaki" kwento ko.

Umupo ako sa upuan nang makahanap kami. Kumunot naman ang noo ko nang nakita kong natigilan si Alyssa. Para siyang naestatwa.

"Alyssa, "tawag ko sa kanya kaya napatingin ito sa akin, "May problema ba?"

Mukhang natauhan naman siya kaya umupo na ito sa harapan ko.

"May ikukwento ako sa'yo, Viviene. Ikaw lang ang mapagsasabihan ko nito and please don't judge my family after this."