Chapter 32: Style

Maraming napansin si Mama Sally sa kanyang alaga na si Alessio. Hindi na sikreto sa buong pamilya Dimarco ang pag-uugali ng lalaki magmula nang dumating ang trahedyang iyon sa pamilya.

Magmula kasi nang mamatay sa isang car accident ang mga magulang ni Alessio ay nabura na ang ngiti sa labi ng batang ito. Ang dating masiyahin ay naging isang pusong-bato na lalaki. Isang tao na walang emosyon at ubod ng lamig kung makitungo sa iba. Magmula noon ay binansagan na siyang taong yelo.

Nakakagulat na simula nang dumating si Yanna sa buhay ni Alessio ay natututo na itong ngumiti. Unti-unti nang nagiging masigla ang lalaki sa harap ng iba nang dahil sa napangasawa.

Naging panatag si Mama Sally habang pinagmamasdan niya ang dalawa na mag-usap.

Pagkatapos kumain ay tumungo na si Yanna sa kwarto at naligo. Pagkatapos mag-ayos ay sumakay na siya sa kotse.

"Saan ba tayo pupunta, Alessio? Wala ka bang trabaho ngayon?" tanong niya pagkakuwan.

"Why are you always asking me about work? Ayaw mo ba na ka