Friend or a Foe

Nagising ako sa isang maulang umaga, ayaw ko pa sanang bumangon, ang sarap pa ng higa ko eh, kaso wala naman akong choice dahil may pasok ngayon. Bumangon na ako at agad binuksan ang T.V., mag aabang ako ng suspension ng klase, kahit teacher na ako ay excited pa din ako sa suspension, di naman sa iyon ang hinihiling ko dahil tinatamad ako, ayaw ko lang talaga ng ulan, ayaw kong naghahawak ng payong at maglakad sa basang kalsada, pero gusto ko ang gan’tong panahon. Tinatamad ako magluto ng agahan kaya’t naligo na ako at nag ayos na, mukang walang suspensyong magaganap.

“isayaw mo ako… sa gitna ng ulan mahal ko…” todo bigay kong kinakanta at sinasabayan ang tugtog, hindi ko tuloy nakita na paulit-ulit na pala akong tinatawagan ni Lyn at Espi, no’ng napansin ko ito ay agad ko silang tinext at tinanong kung bakit.

Maya- maya lang ay tumawag na sa akin si Lyn,

“ano? Ang aga-aga tawag kayo nang tawag, miss na miss niyo ba ako?” pabirong kong tanong sa kaniya,

“hi sa friend kong ubod ng ganda,” pang uuto nito sa akin, “magdala ka ng kotse today ah? Ang lakas ng ulan eh, tapos daanan mo na kami ni Espi,”

“wow! Ako nga ang plano ko lang ay mag-jeep papasok, tapos kayo gusto nyo mag-kotse,”

“please? Ikaw lang naman ang iniisip ko, alam kong ayaw mo napuputikan at naghahawak ng payong, tapos mahihirapan ka pa mag abang ng jeep mamaya pag uwi,” pangangatwiran nito,

“opo ma’am, magdadala na po, alis na po ba ako?” pabiro kong tanong na kunwari ay amo ko s’ya.

“kung okay lang sa’yo, para naman hindi tayo malate,” biro niya,

“ay sige po, aalis na po ako, ihanda mo food ko ah, pahingi ako ng agahan niyo pati iced coffee please?” nagugutom na kasi ako at bilang inuutusan naman nila ako, ayun na lang ang kapalit.

Una kong dinaanan si Espi dahil mas malapit siya sa akin, hirap na hirap siya sa bitbit niyang pagkain at payong, at dahil mabait ako, no’ng makita ko na papasok na siya ng sasakyan ay pinaandar ko ito ng kaunti, paulit-ulit ko iyon ginawa hanggang sa mapikon siya.

“p*ta!” sigaw niya, “ikaw may dugong demonyo ka talaga eh no?” sabi niya habang pinupunasan ang sarili, natawa ako sa sinabi niya.

“grabe ka naman, ‘di ko naman sadya, I’m shivering kasi, you know, the weather, it’s so cold,” pag iinarte kong sinabi sa kaniya.

“ul*l, kilala kita, kakambal mo si santanas!” biro niya sa akin. Malakas talaga akong mang asar, actually lahat naman kami ay gano’n, pikon talo haha.

Sunod naming dinaanan si Lyn,

“dali!, gawin mo din sa kaniya ‘yong ginawa mo sa akin!” pambubuyo naman ni Espi, ‘di niya ako magantihan kaya iba na lang ang pagtitripan niya.

Bago pa mahawakan ni Lyn ang pinto ay pinaandar ko to kaagad, bawat lapit niya ay gano’n ang ginagawa ko.

“tang*na! bubuhos ko ‘tong kape sa loob ng kotse mo sige!” sigaw niya habang nasa labas siya.

Tinigil ko na agad dahil alam kong gagawin niya talaga ang sinabi niya.

“mga gag* talaga kayo eh no?” reklamo ni Lyn,

“oh baka masisi nanaman ako ah? Si Espi nag-utos sa akin, bilang masunuring kaibigan, ginawa ko,” depensa ko naman.

“hinde, tinutulungan lang kita magexercise no!” sagot naman ni Espi

“dahil diyan ay wala kang kape!” tawanan naman kaming lahat hanggang sa makarating na kami ng school.

Saktong pagdating namin ay nag-announce na wala na ngang pasok.

“anak ng! kung kailan nandito na, talaga naman oh.” reklamo ko.

Bumaba na kami ng sasakyan at pumunta ng faculty, halos lahat ng teachers ay nakapasok na, at nagrereklamo dahil sa late announcement, habang kami ng mga tropa ko ay may sariling pinag-uusapan.

“tara, movie marathon tayo sa inyo, sagot ko na  snacks natin,” aya ni Ana sa amin, hay nako bahay ko nanaman ang puntirya nila.

“oo nga, sagot ko beer, masarap mag-beer ngayon maulan eh.” dugtong naman ni Lyn.

“’di ba kayo nagsasawa sa bahay ko?” pabiro kong tanong sa kanila, “wala naman akong choice ‘di ba? Kaya go lang ng go, basta gusto ko nuggets and fries ng Mcdo ah?, teka nga at iihi muna ako.” tumayo ako at lumabas para umihi.

Nakita ko si Espi at Lucas sa bench, tinatawag ni Espi si Lucas na parang gusto niya itong tumabi sa kaniya, nang makita niya ako ay agad niya itong pinalayo. Bakit kaya? Nagkunwari akong hindi sila nakita at pumunta na ng C.R. ano kayang mayroon sa kanila? Parehas silang may jowa eh, pero di lang masyadong okay ngayon si Espi pati boyfriend niya pero sure ako na okay si Lucas pati ang girlfriend niya. Sana naman ay walang meron sa kanila, masyadong marupok si Espi sigurado ako na mabibiktima siya ni Lucas.

Pagtapos kong umihi ay dumaan muna ako ng Chapel, kasi siyempre mabait naman ako kahit papano. Maya-maya ay may nairinig akong nagsalita, si Lucas ba iyon?

“sa tingin mo nakita tayo ni Lyn?” tanong ni Lucas sa kausap niya,

“hindi ko alam, sana naman ay hindi”

Si Espi? Si Espi ang kausap niya.

“hindi niya pwedeng malaman kung ano meron sa atin, kilala niya ang girlfriend ko, baka isumbong niya ako” takot na sinabi ni Lucas kay Espi.

“nako, ayaw ko ng gulo, baka sugurin niya ako” sabi naman ni Espi

“Kaibigan mo si Iya, matalino ‘yon, ilalaglag niya ako pero hindi ikaw, kausapin mo siya” pasigaw na sinabi ni Lucas kay Espi, “h’wag na tayo magsabay lumabas at baka may makakita nanaman,” naunang lumabas si Lucas at naiwan si Espi sa Chapel. Nang marinig kong nakalabas na si Lucas ay nagpakita na ako kay Espi

“Iya!?” nagulat siya ng makita niya ako

“ano ‘yon? May something kayo ni Lucas?” pagatataka kong tanong sa kaniya.

“o- oo,” pautal niyang sagot sa akin

“tang*na are you f*cking serious? Bakit wala akong alam dito?”

“dahil natatakot ako,”

“natatakot saan?”

“sa’yo! Natatakot akong malaman mo, gusto ko naman sabihin kaso hindi ko alam kung paano, kahit si Lyn, ‘di niya din alam kung pano sasabihin sa’yo,” paliwanag niya sa akin.

“bakit? Nanay mo ba ko? Do you think I will judge you? At alam ito ni Lyn?” mahina ngunit naiinis kong tanong,

“alam ko naman na hindi, kaso…” nakatingin lang siya sa baba at nag iisip ng idudugtong sa sasabihin niya,

“kaso ano? Alam mong di kita susuportahan diyan? B*tch! You know what it feels like to be cheated on! Kasi ayan ang ginawa sayo ng bf mo, then you’re doing it to someone else!” naiinis na ako kaya medyo lumalakas na ang boses ko. I never tolerate cheating at alam nila ‘yon, I maybe ghosted a lot of guys and treated them like nothing, but I don’t cheat, I never cheat.

“pero Iya, I’m falling for him.” Sabay hawak sa kamay ko, inalis ko naman iyon kaagad.

“for f*cks sake Espi, ilang beses na kita pinagsabihan, ‘wag ka sumali sa laro na alam mong matatalo ka!”

“alam ko naman ‘yon”

“tapos si Lucas pa ang napili mo, alam mo naman na tarant*do ‘yan!”

“ginagawa niya sa akin lahat ng gusto kong gawin sa akin ng bf ko,” katwiran niya

“aba malamang! Para makuha ka niya, para makuha niya ang gusto niya sa’yo, sa tingin mo ba papanindigan niya iyang nararamdaman mo?”

“oo! Alam kong may nararamdaman na din siya sa akin” naiiyak niyang sagot sa akin

“what? That’s stupid! If your feelings are mutual, bakit hindi niya iniiwan ang girlfriend niya? Think Espi! Use your brain! Makikipaglaro ka na lang bakit doon pa sa taong sanay laruin ang game na napili mo!”

“ayan! Ayan ang dahilan kung bakit natatakot akong sabihin sa’yo, kasi ‘di mo ko maiintindihan!” pasigaw na sabi niya

“hindi maiintindihan? Naiintindihan kita! Kaya nga sinasabi ko na sa’yo na tumigil ka sa kagag*han mo, ikaw ang matatalo diyan!” medyo mahinahon kong sagot kahit naiinis na ako.

“hindi mo ko maiintindihan dahil ‘di ka naman marunong magmahal! Napakatigas ng puso mo, gusto mo palagi kang tama,” nagulat ako sa mga sinabi niya, ‘di ko inaasahan na sasabihin niya ‘yon sa’kin.

“I may not know how to fall in love but I know enough not to cheat on someone and hurt their feelings, I may not know how to love but I know how to be a friend. I just don’t want you to be hurt again because of your choices, at ayoko lang din na mangyari ‘yon pero wala ako nagawa para tulungan ka,” lumabas na ako ng chapel at bumalik sa faculty para kunin ang mga gamit ko.

“ano? Tara na ba? Bakit aalis ka na?” tanong ni Lyn sa akin,

“pass na muna ako, medyo masama pakiramdam ko eh, sobrang sakit ng tiyan ko.” umalis na ako kaagad at hindi inantay ang sasabihin ni Lyn.

“ano kayang nangyari do’n?” bigla siyang nakatanggap ng chat mula kay Espi at sinabi nitong pumunta siya sa bench.

Agad agad naman nagpunta doon si Lyn,

“alam na ni Iya,” malungkot na bungad ni Espi kay Lyn,

“yung alin?” pagtatakang tanong ni Lyn,

“yung sa amin ni Lucas,”

“ano!? Bakit? Paano?” gulat na tanong niya.

“hindi ko alam na nasa Chapel pala siya, narinig niya yung mga pinag-uusapan namin,”

“alam niya bang alam ko?” nag-aalalang tanong ni Lyn.

“oo, sorry, nadamay ka pa dito,” umiiyak na siya dahil sa nangyayari

“okay lang, pupuntahan ko na lang siya, sure ako na naiinis ‘yon sa’kin dahil hindi ko sinabi sa kaniya. Alam kong nasabi na ni Iya lahat ng dapat mong gawin, matanda ka na, decision mo na kung susundin mo ‘yon” payo ni Lyn kay Espi, at agad na itong umalis.

*Espi’s POV

 - mag usap tayo.

Message ko kay Lucas,

-nandito ako sa bench

Maya maya pa ay dumating na si Lucas.

“Iya already knows everything,” nanginginig kong ipinaalam kay Lucas, “anong gagawin natin?”

“ano? Paano niya nalaman?” pagalit na tanong ni Lucas.

“narinig niya tayo sa chapel kanina,”

“p*ta!sinabi ko na kasi sa’yo na kapag nandito tayo h’wag tayong mag uusap tungkol sa kung anong meron sa atin!” galit na sinabi ni Lucas.

“bakit parang sinisisi mo ako?”

“anong parang? Sinisisi talaga kita!” naiinis na ako sa mga sinasabi niya,

“wow ha! Baka nakalimutan mo, ikaw ang naunang lumapit sa akin at hindi ako! Alam mo tama nga si Iya, tarant*do ka nga!” nasigawan ko na siya sa sobrang inis ko.

“ ayusin mo ‘to, kapag nalaman ito ng girlfriend ko humanda ka talaga sa’kin” pananakot niya sa’kin, akala niya ba matatakot niya ako, sira na ata ang ulo niya.

“nagpapatawa ka ba? Una hindi ako natatakot sa’yo, pangalawa, hindi ko hawak ang decision ni Iya! Kaya magdasal ka, alam mo kung ano mga kaya niyang gawin!” umalis na ako sa sobrang inis ko sa kaniya.

Tama nga si Lyn, dapat una pa lang ay sinabi ko na ‘to kay Iya, edi sana nalaman ko na, how much of an assh*le Lucas is.