Chapter 11

GRUMPY BOSS

Sa wari niya ay nakilala din siya ng lalaki base sa tingin nito. Nakaramdam siya ng labis na kaba. Nakita niya itong kasama ni Vincent noong gabing nasaggi ng lalaki ang kanyang bisikleta. Sa katunayan ito pa nga ang umawat at pumagitna sa bangayan nilang dalawa.

"You look familiar. I think I saw you a few nights ago," anito sa kanya.

Hilaw siyang natawa. Mukhang matalas ang memorya ng isang 'to at hindi yata siya makakapagsinungaling kaya hahanap na lang siya ng kasinungalingan kung magtatanong ito sa kanya.

"Ahhh.. O—oo. Nagkita na tayo noong nakaraang gabi," kunwari ay magiliw niyang sagot.

"Right! Ikaw yung nakasagutan ni Vincent. Ano nga palang ginagawa mo dito?" Tanong nito.

"Ahm, m—may binisita ako na…na kaibigan ko. Oo, kaibigan ko nagkasakit kasi kaya yun, pinuntahan ko."

Tumango naman ito. Gaya ni Vincent, matangkad din ang lalaki at maputi. Kung itsura ang pagbabasehan, hindi nagkakalayo ang dalawa. Mukha itong may lahing Chinese gaya ng mga nakikita niyang pinap