CHAPTER 2

Nagtataka si Mandy sa inasal ng asawa, "Kung lalabas ako, kaya mo bang maligo nang mag-isa?"

Hindi ba't wala siyang makita? Hindi naman sumagot ang lalaki.

Ngunit ang paligid ay lalong naging malamig at tensyonado. Marahil ay napagtanto niyang galit ito kaya kinuha ni Mandy ang scrub at umalis ng may pag-aalinlangan, "Sige, hahayaan muna kita at tawagin mo ako kung may kailangan ka. Tsaka mag-iingat ka rin."

Paglabas mula sa banyo, hindi mapakali si Mandy, patuloy siyang tumitingin sa direksyon ng banyo.

Masyadong madulas sa loob, paano kung madulas siya at mabagok? Paano kung mamalasin at mamatay ito? Kakakasal pa lang niya, ayaw niyang mawalan agad ng asawa.

Habang nababahala si Mandy, tumunog ang kanyang cellphone. Ito ay isang video na ipinadala ng kanyang matalik na kaibigan na si Ronnete na tinatawag niyang Ronnie. Ang title ng video ay 'Learning Materials'. At nagtaka siya kung para saan ito dahil malayo pa naman ang kanyang examination para mag-review.

Binuksan niya nalang ang video at agad na nanlaki ang kanyang mga mata nang makita ang eksena kung saan may isang babae ang nakahiga sa ibabaw ng lalaki. At dahil naka-full volume ang kanyang phone, umalingawngaw ang malaswang tunog sa paligid.

Biglang namula ang mukha ni Mandy, nag-panic siya at sinubukang isara ang video ngunit biglang nag-hang ang kanyang phone, hindi niya mapindot ang screen.

At malas niya pa, biglang bumukas ang pinto ng banyo.

Lumabas si Conrad sa banyo na narinig ang mga hindi kaaya-ayang tunog sa labas.

"Ano bang ginagawa mo?" Seryoso niyang tanong at namumula ang mukha at taenga nito.

Lalo lang nag-panic si Mandy at halos mahulog na ang phone sa kanyang kamay.

Nagmamadali siya at sa huli ay itinago niya ang cellphone sa ilalim ng kumot.

Nabawasan ang tunog ngunit mas lumakas ang ungol ng babae sa video.

"Mandy...." Tawag ni Conrad na nakatingin sa kanyang direksyon.

Agad na nag-isip ng palusot ang babae, "Ah, nanonood ako ng video tungkol sa paghihilod." Pilit niya pang tinatakpan ng kumot ang phone para hindi marinig ang tunog. Pinagpapawisan na rin siya dahil sa kaba.

"T-Tsaka, may lalaki naman na naghihilod sa babae at masyadong malakas ang kanyang paghihilod, kaya sumisigaw ang babae dahil medyo masakit at hindi siya komportable." Pagrarason niya pa.

Napanganga si Conrad, nananatiling blangko ang ekspresyon. Akala siguro ni Mandy na hindi lang siya bulag kundi bingi na rin. Ginagawa siya nitong hangal.

Saglit na natahimik ang paligid at tanging pag-ungol ng babae mula sa video ang patuloy na gumagawa ng ingay. At sinubukan pa rin ni Mandy na ipitin lalo ang phone para mawala ang ingay ngunit ang paraan ng kanyang pagkaka-posisyon ay kakaiba, lalo na't nakasuot lang siya ng panty habang nakapatong sa upuan.

At napalunok ng laway si Conrad habang pinagmamasdan siya sa ilalim ng dilaw na liwanag na tumatama sa kanyang makinis at maputing balat. At nagdulot ito sa kanyang ng kakaibang sensasyon sa dibdib. Huminga siya nang malalim na tiningnan ang asawa.

Tumulo ang pawis sa noo ni Mandy at kahit anong gawin niya ay hindi niya mapipigilan ang paglabas ng tunog pero mabuti nalang ay natapos na rin ang video. Nakahinga siya ng maluwag at pinunasan ang pawis tsaka kinuha ang mainit niyang cellphone.

Napaupo si Conrad sa gilid ng kama at may kaunting ngisi ang sumilay sa sulok ng kanyang labi, "Tapos na ba silang maghilod?"

Napangisi rin si Mandy na napakamot sa leeg, "Oo, tapos na. Talagang masama ang sobrang lakas na paghihilod." Aniya.

Nang hindi na namansin ang lalaki, agad na binuksan ni Mandy ang phone tsaka binura ang video na nakuha at nag-text sa kaibigang si Ronnie.

[Siraulo ka ba?! Gusto mo talaga akong ipahamak, Ronnie!]

Mabilis na sumagot si Ronnie, [Hindi mo ba naaappreciate ang tulong ko?? Hindi ba't sinabi mo na may kapansanan ang asawa mo? Kaya ayan pinadalhan kita ng video kung papaano mag-'cowgirl', ano? May natutunan ka ba?"

Namula ang mukha ni Mandy na mabasa ang reply nito, [Bwiset ka! Mamatay ka na sana!]

Dahil isip ni Mandy na talagang bulag si Conrad, hindi na siya nagtago at wala siyang kaalam-alam na nasa likuran ito na nababasa ng malinaw ang palitan nila ng mensahe ni Ronnie.

[Nung sinubukan kong isara ang video, nag-hang ang phone ko at narinig niya ang lahat!]

[Tinanong niya kung anong ginagawa ko, kaya napilitan akong magsinunggaling!]

[Buti na lang bulag siya! Kung hindi, nakakahiya talaga!]

Patuloy na nagbabasa si Conrad sa kanyang likuran na napanganga.

[HAHAHAHAHA! Nakakatawa ka talaga, Mandy!]

[Hayop ka talaga, Ronnie!]

[Mahalaga ang unang gabi ng kasal mo. O siya! Hindi na kita iistorbohin pa at ang iyong guwapong bulag na asawa.]

Kumunot ang noo ni Conrad na mabasa ang text na iyon. 'Guwapong bulag na asawa?' Para sa kanya ang sagwang pakinggan.

Matapos huminga nang malalim, inilapag ni Mandy ang cellphone at tiningnan ang asawa, "Magsimula na tayo."

Tinitigan siya ni Conrad at hindi nagsalita. Ang mga kamay ng babae ay nakayukom at nakapatong sa kanyang tagiliran. Nagkakilala pa lang sila ng lalaki sa hindi mababang bente-kwatro oras at kitang-kita niya na hindi siya gusto nito.

Pero nagitla siya nang bigla siyang hilahin nito sa beywang. "Hindi ka ba nagsisisi na magpakasal sa akin?" Seryosong tanong ni Conrad.

Namula lalo ang mukha ni Mandy at napailing, "H-Hindi, asawa kita. Hindi ako nagsisisi."

Ang paraan ng pagtingin ni Conrad sa kanya ay naging malambing at lalong lumalim ang kanyang boses, "Are you not afraid of getting hurt?"

"Umm, h-hindi naman." Napangiwi si Mandy na gustong mag-first move pero hinigpitan ni Conrad ang pagkakahawak sa kanyang pulso, "For this kind of thing, it's better for a man to take initiative."

******

Kinabukasan ng umaga, ang dalawang tagapagsilbi ng pamilya Laurier ay maagang nagising para magluto ng umagahan at inaantok pa silang binuksan ang pintuan ng mansyon.

"Mukhang medyo shunga ang bagong misis ni Sir Conrad, bulag at pilay ang amo no, kaya papaano kaya nila ginawa 'yun kagabi?" Ani ni Cecelia.

"Parang successful naman, narinig ng mga bantay na umuungol ang misis ni Sir. Sabi nila malakas daw ang sigaw niya noong una at kahit raw nagtago ito sa kumot, maririnig pa rin ang pagsigaw nito." Kwento ni Anita.

"Talaga? Mukhang inosente ang misis, pero...hmm alam mo na."

Habang nagtsitsismisan ang dalawa, nagtungo sila sa kusina.

"Good morning!"

Isang babaeng may bilugang mukha at may suot na salamin, tsaka nakasuot pa ng pink na apron ang sumalubong sa kanila. Masigla itong naglalagay ng dalawang mangkok ng lugaw sa mesa, "Ang aga ninyong pumasok ah!"

Biglang naging awkward ang paligid at nagkatinginan ang dalawang tagapagluto.

Nang matiyak na hindi nito narinig ang kanilang usapan, agad nilang kinuha ang mga dala niya, "Madame, ang aga ninyong gumising?"

Ngumiti si Mandy at tiningnan ang orasan, "Hindi naman, alas sais na eh, kailangan ko na ring bumangon." Ang totoo, hindi siya nakatulog nang maayos kagabi at mas huli pa siyang gumising kaysa sa nakasanayang oras.

Nag-panic ang mga tagapagluto dahil baka nagrereklamo ang misis ng amo dahil nahuli sila ng gising. At nang sila'y nagmamadaling maghanda ng pagkain, napansin nilang puno na ng pagkain ang mesa.

May mga nilagang itlog, maliit na ensalada, at ilang fried pie.

Nagulat ang mga tagapagluto, "Madame? Ikaw po ba ang nagluto nito??"

"Yup! Ako ang gumawa!" Ngumiti si Mandy, "Hindi ko alam kung ano ang gusto ng asawa ko, kaya ginawa ko yung mga karaniwang ginagawa ko para sa lola ko."

Kinuha naman niya ang ibang bi-nake na pie mula sa oven at ipinatong ito sa mesa, at parehong namangha ang mga katulong.

"Hindi ko inaasahan na ganito kayo kaaga, kaya hindi ko kayo nasabihan. Kumain nalang muna kayo at magluluto pa ako ng ibang ulam."