EIGHT

"Huwag kayong magkukulit, ha. Stay behave lang kayo habang pumipili si Mommy ng mga bibilhin." paalala ni Divine sa mga anak bago magsimula sa pamimili. Narito sila sa mall, maraming tao kaya kailangan nilang mag-ingat.

"Okay po, Mommy!" sabay na tugon nina Zaurus at Aurora sa nanay nila. Divine smiled, appreciating her children's understanding and willingness to follow her. May tiwala naman siya na kayang magpakabait ng mga anak niya habang magiging abala siya sa pagtingin ng mga pagkain at sangkap na bibilhin kaya hindi siya nababahala.

Kumuha siya ng cart para magsimulang mag-grocery. Alam niya naman na sinusundan siya ng kambal kaya itinuon niya ang atensyon sa mga bilihin nang sa gano'n ay makapili agad siya ng mga kailangan. Gusto niya na matapos agad ang pag-gro-grocery dahil ayaw niyang mainip ang kambal. Pupunta pa sila sa sinehan kasama si Zion na susunod mamaya sa kanila. May kinailangan pa kasi itong asikasuhin kaya nauna na silang pumunta sa grocery para dederetso na lang