Janine POV "Ang bango naman nang asawa ko." Nakiliti ako sa ginawa sa akin ni Rigor. Kasalukuyan akong nagluluto nang yakapin ako sa likuran nang asawa ko at inamoy amoy ang ang leeg ko. Halos magtayuan ang balahibo ko sa ginawa niya. Kumalas ako sa pagkakayakap niya at humarap dito. Tiningnan ko ito nang masama. "Niloloko mo naman ako. Hindi pa ako nakakaligo at amoy ulam pa ako. Paanong magiging mabango ako?.” Naiinis kong sabi. "Iyon na nga diba kaya nga ang bago mo kasi ang bango nang ulam natin." Pang-aasar nito. Nainis ako sa kanya akma ko siyang hahampasin nang sandok na hawak ko. Pero hindi ko iyon nagawa ng bigla ako nitong hapitin sa baywang. "Nagbibiro lang naman ako. Hindi ka na nasanay sa akin. Totoo naman na mabango iyong mahal ko." Saad nito. Pagkatapos ay ngumiti ito nang nakakaloko. Inirapan ko siya at nagkunwaring naiinis pa rin. Ang totoo palabas ko lang din naman na naiinis ako. Saka hindi ko naman talaga siya hahampasin. Sanay na ako sa kan
Janine POV "Janine?.. Keith! Keith!.." Napatingin kami parehas ni Rigor nang marinig namin ang boses na tumatawag kay Keith, si Andrew. Itinigil ko ang aking pagkain, at tumayo para magtungo sa labas. Nakita kong nakatayo sa labas ng pinto si Andrew. Kitang kita sa mukha nito ang tila hindi pa naiibsan ng pagod. "Nandyan ba si Keith?." Agarang tanong ni Andrew ng makita ako. Tumango ako."Oo, nasa loob siya. Pasok ka muna at kumain ka." Pag-aya ko. Ngunit tumanggi ito."Hindi na, nakaluto na rin naman ako. Susunduin ko lang si Keith para kumain." Nakaramdam ako nang awa kay Andrew. Sa oras na ito, imbes na tapos na siyang kumain at namamahinga na lang para sumabak ulit mamaya sa trabaho ay siya pa ang nagluto pagkarating, na dapat ay nagagawa na agad ni Keith, bago pa siya umuwi. "Oh.. Bakit nandito ka?." Napalingon ako nang magsalita sa likuran ko si Keith. Naiinis pa ito, base sa tono ng pananalita nito. "Umuwi ka na. Tapos na akong magluto. Kakain na
Janine POV "Ayos ka lang ba?.” Mula sa aking likuran ay niyakap ako nang aking asawa. Nakahiga na kami nang mga oras na iyon. Katabi ko siya samantalang sa kabilang gilid ko naman ay ang mahimbing na natutulog naming anak na si Grizelle. Marahil ay napansin ni Rigor ang pagiging tahimik ko. Kung kaya't tinanong niya ako kung ayos lang ba ako. Tumango ako habang nakatalikod pa rin sa kanya at hindi pumipihit paharap dito. Naramdaman ko ang pagbuntong hininga ni Rigor sa tapat nang batok ko. Pinilit kong itinago ang nararamdaman ko at nakangiting humarap dito. Mula noon hindi ko na maiwasan ang minsan ay maging malungkot, mula nang ipagtabuyan kami ni nanay sa bahay sa amin sa Batangas at manirahan kami sa probinsya nina Rigor sa Nueva Ecija. Nangyari ito matapos ang lahat. Nang kabuwanan ko noon, kung saan sinundo ako nang aking kapatid sa tinutuluyan namin sa Cavite, upang sa Batangas manganak at doon maalagaan ni nanay ang baby ko. Ngunit matapos kong mang
Janine POV Matapos ang mainit na tagpo namin ni Rigor ay nakatulog ito. Nakaunan pa ako sa kanyang dibdib habang mahimbing ang pagkakatulog nito. Bilang isang tunay na mag-asawa, natutuwa akong isipin na sa loob nang dalawang taon na kasal kami ay tila hindi pa nawawala ang pananabik namin sa isa't isa. Ngunit sa kabila nang pagsasalo namin dalawa ngayong gabi ay hindi pa rin mawaglit sa isipan ko ang bumabagabag na lungkot sa akin. "Ano kayang ginagawa ni nanay?. Naiisip niya rin kaya kami?. Hindi ba niya nami-miss si Grizelle?.”Mas lalong nadagdagan ang lungkot na aking nararamdaman dahil sa mga tanong na iyon sa aking isipan. "Umalis na kayo dito. Kayo ang dahilan nang pagkawala ni Jaime, dahil sa inyo kaya maaga siyang nawala!." Iyon ang paulit ulit na salita na aking naririnig magpahanggang ngayon ang galit na galit na boses ni nanay, kung gaano katindi ang pagkamuhi niya sa amin. Lumandas na muli ang aking mga luha. Sa pagdating ko dito sa Nueva Ecija ay
Janine POV "Wow ang dami naman pinamili!!." Napatingin ako kay Keith na bagong pasok sa kusina. Karga-karga nito ang kanyang anak. Napansin ko naman sa likuran nito si Grizelle. "Anong meron?. Parang ang daming pinamili ni kuya Rigor. Pero sabagay parati naman kayong maraming pinamimili mapera kasi kayo." Saad ni Keith pagkalapit sa akin. "Anong sinasabi mong madaming pera?.” Natatawang tanong ko. "Totoo naman ate, madami kasi kayong pambili." Giit pa nito. "Hindi naman ganoon yun Keith sakto lang ang buhay na meron kami." Hindi na ito nagsalita pa nang sabihin ko iyon."Mama may pasalubong daw po sa akin si papa?.” Nagagalak na tanong ni Grizelle. "Oo anak, andito." Iniabot ko kay Grizelle ang isang supot. Sinundan iyon ng tingin ni Keith. Inilabas ni Grizelle ang lahat nang laman ng supot. "Wow ang swerte naman ni ate Grizelle may toy. Ang dami pang pagkain na pasalubong nang daddy niya. Taray meron ka rin ate Janine." Sinulyapan ako nito. Pahap
Janine POV "Gising na mahal." Mahinahong tawag sa akin ni Rigor. Napabaligwas ako ng makitang liwanag na."Anong oras na?.” Gulat kong tanong kay Rigor kaagad kong tiningnan ang orasan. Six thirty na nang umaga, lagot magluluto pa ako. Kaagad akong bumaba nang higaan para magtungo sa kusina at magluto, nang tawagin ako ni Rigor. "Mahal!.” Nilingon ko ito."Bakit ba?. Tanghali na magluluto pa ako." saad ko. Natatawang napailing si Rigor. Kunot noo ko itong tiningnan. "Mahal relax ka lang linggo ngayon, wala akong trabaho." Natigilan ako sa sinabing iyon ni Rigor. Tiningnan ko ang kalendaryong nakadikit sa dingding nang kwarto. Napahawak na lamang ako sa aking ulo nang makita ko ang araw ngayon. Tama siya linggo nga ngayon. Ang buong akala ko kasi ay lunes, kailangan ko kasing magluto para sa agahan ng asawa ko. "Ano okay na?. Ang mabuti pa maligo ka na at magbihis kasi po baka ma-late pa tayo sa misa." Aniya ni Rigor. "Teka si Griz--.""Okay na kanina
Janine POV Tanghaling tapat nang marinig ko ang kumakatok sa pintuan. Sino kaya yun?. Tanong ko sa sarili. Natutulog si Grizelle sa kwarto at ako ay nanonood nang tv sa sala. Tapos na ako sa mga gawaing bahay kaya pansamantala akong nagpapahinga sa sala. Isinarado ko ang pinto kaya naman hindi ko makikita agad kung sino ang tao. Sa pagbukas ko ng pinto ay bahagya akong natigilan nang makita ko kung sino ang taong dumating. Hindi kaagad ako makagalaw sa kinatatayuan ko. Bigla akong kinabahan nang makita ko ang pagmumukha niya. "Asan si Rigor?.” Natigil sa paglipad ang aking isip nang magsalita ito. "Ah na-nasa trabaho po mama." Naiilang kong sagot. "Tulungan ko na po kayo." Inabot ko ang mga bitbit nitong gamit at tinulungan sa pagbuhat nang mga ito. Dire-diretso itong pumasok sa bahay. "Grabe nakakapagod ang byahe." Umupo ito sa upuan sa sala at isinandal ang likod kaagad nitong nilibot ang buong kabahayan, tila sinusuri kung may nabago ba. Tumigil ang pani
Janine POV Katatapos ko lang maghugas nang pinagkainan namin. Sina Rigor, Keith at mama ay kasalukuyan nasa sala at nanonood ng tv. Papunta na ako sa sala nang marinig kong magpaalam si Keith nagtext na raw kasi sa kanya si Andrew, hinahanap na raw ito ni Andrei. Kay Rigor at kay mama lang ito nagpaalam. Hindi niya yata ako napansin."Nakakatuwa talaga ang batang yan. Napaka-kwento at maganda pa. Tingnan mo Rigor parang walang asawa kung titingnan si Keith hindi ba?. Hindi kasi siya nagpapabaya sa katawan niya. Palaayos pa rin siya kahit may anak na. Ganoon dapat ang mga babae." Narinig ko ang sinabing iyon nang mama ni Rigor. Tila may laman ang salita niya. Napatingin na lang ako sa aking sarili, may kung anong pumasok sa aking isipan ngunit iniwaglit ko iyon nang marinig ko ang tawag sa akin ni Rigor. Niyayaya niya ako sa tabi niya. Ngunit sa halip na maupo ako sa kinaroroonan niya ay dinahilan ko na lamang ang aking panliligo. Nagtungo na ako sa banyo, para maligo n