Chapter 28

Janine POV

Hindi ko alam kung bakit ako kinakabahan sa mga oras na ito. Malapit na kami sa lugar kung saan nagtatrabaho sina Rigor. Araw ng sabado ngayon, ngunit natanggap ko ang message ni Rigor na hindi siya makakauwi sa bahay. Ang dahilan niya ay napapagod siyang mag-biyahe at isa pa kakauwi lang niya nitong huling linggo. Ngunit nabuyo ako kay Anna nang yayain ako nito sa Tarlac para bisitahin sina Rigor. Hindi rin kasi uuwi ngayon ang asawa niya kaya nagpasya itong puntahan na lamang si Jumel. Halos mag-gagabi na ng dumating kami sa lugar. Mabuti na lamang at iniwan ko si Grizelle sa bahay. Si mama muna ang nagbantay sa kanya, ang paalam ko kasi ay magtatagpo kami ni Rigor sa Cabanatuan para dalhan ito nang damit. Pasalamat na rin ako at nagpaiwan si Grizelle, gustong-gusto kasi nito na sumama dahil miss na daw niya ang papa niya.

Malayo pa lamang ay nakita na namin ang umpukan nang mga kalalakihan at kaagad namin napansin na naroroon sina Jumel, Vincent, Archie at Arv