Chapter 2 Effects

Huminga ako ng malalim habang nakatingin sa malaking salamin sa harap ko. Inayos ko muna ang buhok ko bago tuluyang lumabas ng cr. Sa bawat nakakasalubong ko co-workers ko man o guests ay binati ko na sila kaagad ng masigla at may matamis na ngiti sa labi ko.

"Good morning, ma'am! Good morning, sir!" masaya kong bati habang naglalakad.

Sa paglalakad ko ay nakita ko pumasok na muna ako sa break room para iiwan sa locker ko ang bag ko. Pagbukas ko palang ay bumungad na si Ashley at Diana na parang may problema. Nakaupo at umiinom ng malamig na tubig si Ashley habang si Diana naman ay pinapaypayan ito.

Mabilis akong tumakbo papunta sa kanila. "Hoy! Bakit? Anong nangyari? Okay ka lang ba Ash?"

Umiling siya. "I'm not okay," nanghihina niyang sagot sa akin.

Tumabi ako sa kan'ya at hinawakan ang ulo, leeg at pisngi niya para malaman ko kung mainit siya baka kasi nilalagnat ito pero okay naman siya kanina ang lakas pa nga niya mang-asar e.

"Bakit? Anong nangyari? Anong masakit sa'yo?" Tumingin ako kay Diana. "Ano ba nangyari? Okay naman siya kanina ah."

"Ask her," sagot naman nito habang patuloy pa rin sa pagpaypay kay Ashley at ngumiti.

"Huh?" naguguluhan kong sambit nang ngumiti ito sa akin. Tumingin ako kay Ashley at nakangiti naman na kita at nakatingin sa kisame. "Hoy! Bakit nakangiti kayo? Anong nangyari? Ang creepy niyo."

"Sh*t! Sh*t!"

Napausog ako nang biglang nagsalita si Ashley at ang ngiti niya ay abot na abot na hanggang tenga.

Agad ko siyang binatukan. "Ano ba? Baliw ka ba?"

"Omg talaga! As in omg!" masigla niyang sambit. "Hindi ako makapaniwala!"

"Ano ba 'yon?" nagtataka kong tanong.

"Ang pogi niya! Makalaglag panty talaga e, parang feeling ko nga nasa tuhod ko na panty ko kung hindi lang ako naka-short sa loob," natatawang sabi ni Ashley.

"Sabi ko naman sa'yo eh! Ngayon ko lang din siya nakita ng gano'n kalapitan! Grabe talaga!" Tumili si Diana at sinundan naman iyon ni Ashley.

"Ang ingay niyo! Mamaya ay marining tayo ng mga guests sa labas at isipin nila na may baliw dito kahit totoo naman," inis kong wika sabay ikot ko ng mata sa kanila.

"Hindi mo lang siya nakita kaya gan'yan ka!" pang-aasar ni Diana sabay labas niya ng dila niya.

"Sino ba kasi tinutukoy niyo?" kunot noo kong tanong sa kanilang dalawa.

"Si Sir Kendrix!" sabay nilang sagot habang nakangiti sila ng matamis.

"Huh? Nagkakaganyan kayo dahil nakita niyo si Sir Kendrix? Hindi ba ang OA ninyo?" naguguluhan kong tanong sa kanila.

Pinalo ako ni Ashley. "Manahimik! Hindi mo kasi alam kung gaano siya kagwapo tapos ang bango niya pa! Hindi mo kami masisisi kung bakit ganito ang reaksyon namin."

"Tama! Ganito rin ang mga naging reaksyon ng mga ilang nakakita sa kan'ya at kaya mas ginanahan silang pumapasok dito dahil kay Sir Kendrix. Ngayon alam na namin ni Ashley ang feeling!"

Nagtinginan silang dalawa sabay tili at apir pa sa isa't isa. Na out of place ako bigla nang dahil hindi ko lang nakita si sir Kendrix. Napatulala tuloy ako at iniisip kung ano ba talaga ang hitsura niya at ganito ang nagiging epekto ng mga taong nakakakita sa kan'ya.

"Oh ano? Curious ka na ba?" pang-aasar ni Ashley.

"Actually yes, pero hindi naman ako magiging gan'yan ka OA katulad ninyo kapag nakita ko siya. Tao rin siya," saad ko.

"Hindi mo sure ate ko! Baka mas malala pa ang reaksyon mo sa amin kapag nakita mo ang isang Kendrix Harrison!" Sabay muli sila ni Ashley na tumili sa sobrang kilig nila kaya napaikot na lamang ako ng mata.

"Parang gusto ko ulit tuloy siyang makita," sabi ni Ashley.

"Ako nga rin e! Parang gusto ko na lang maging secretary niya para araw araw ko siyang makita at mapalapit sa kan'ya," sagot naman ni Diana habang nakatingin sa kawalan.

"Asa!" Agad akong tumayo. "Tumayo na rin kayo diyan at ilang minuto na lang ay mag-start na ang duty natin."

"Itayo mo kami," utos sa akin ni Ashley.

"Bahala nga kayo diyan," sagot ko.

Akmang aalis na sana ako nang nagsalita muli si Diana. "Ayaw mo? Ililibre ka pa naman namin ng blueberry cheesecake, right Ash?"

"Yeah! Kaya lang ayaw naman niya."

Muli ko silang nilingon at binigyan nila ako ng malawak na ngiti habang ginagalaw nila ang dalawa nilang kilay. Dahan-dahan akong lumapit sa kanila.

"Ako naman kasi hindi mabiro, syempre joke lang 'yon," nakangiti kong wika.

Sabay nilang inilahad ang kamay nila sa akin para maitayo ko na nga sila at nang hawakan ko na ang tag-iisa nilang kamay lalo silang napangiti ng abot tenga.

Bigla kong pinagsalubong ang kamay nila dahilan para masaktan ang kamay nilang dalawa na nakataas kanina. Ngumiti ako ng matamis sa kanila.

"Ouch!" daing ni Ash habang masamang nakatingin sa akin.

"Aray! Ang sakit ah!" bulalas ni Diana.

"Uutuhin niyo pa ako ah! Tumayo kayo mag-isa ninyo mga OA! Nakita lang si Sir Kendrix eh nanghina na, akala niyo naman talaga napakagwapo," sambit ko.

"Sige ah! Kapag 'yan kinain mo sinasabi mo kurutin ka namin ni Diana!"

Umiling ako habang naglalakad na nakatalikod sa kanila. "Asa."

Tuluyan na nga akong lumabas ng break room at iniwan na ang dalawang OA doon. Ewan ko ba bakit ang OA nilang dalawa gigil ako! Sure naman ako na hindi gano'n ang magiging reaksyon ko kapag sakaling nakita ko si Sir Kendrix pero mas lalo akong na curious sa mukha niya ah. Ano ba kasing meron sa lalaking 'yon? Nagiging mas interesado akong makita siya.. pero inaamin ko rin naman na nakaramdam ako nang inggit nang malamab kung nakita nila si Sir Kendrix. Hays! Sa tingin ko lahat yata kami na empleyado rito ay gustong-gusto siyang makita pero ang hirap niyang makita.

Umiling na lamang ako at pinilit ko na ibahin ang nasa isip ko. Pumunta na ako sa front desk bago pa umalis si Hannah na kapalitan ko dito. Ngumiti ako ng matamis nang makapunta na ako doon.

"Good morning!" bati ko sa kanilang lima.

"Hello! Good morning!" masigla nilang bati sa akin.

"Ano ba 'yan! Fresh na fresh pa rin kahit ilang hours ang duty!"

"Syempre naman may inpirasyon," masayang sabi ni Hannah.

"Oo, kilala na namin kung sino! Si Sir Kendrix 'yan 'di ba?" pang-aasar ni Alex.

"Che!" sambit ni Hannah sabay yuko at napansin ko ang pagngiti nito.

"In love na naman kay Sir Kendrix kahit minsan lang niya nakita," natatawa kong saad.

"Ay, Stella! Kung alam mo lang kung gaano siya kagwapo baka malaglag panga mo!"

Tumawa naman ako. "Si Diana sabi niya makalaglag panty tapos ikaw naman makalaglag panga?"

"Totoo kasi 'yon! Maniwala ka sa amin!"

"Bakit kasi mas gusto mo si Sir Kendrix? Nandito naman ako, lagi mo pang nakikita at nakakatabi. Tumesting ka sa akin malay mo naman mag-work," nakangiting wika ni Alex kay Hannah.

Tinusok ni Hannah ang noo ni Alex gamit ang hintuturo niya at tinulak iyon. "Manahimik ka no? Kung ayaw mong lagyan ko ng shoe glue 'yang labi mo."

Sabay sabay naman kaming nagtawanan kahit silang dalawa. Wala naman pikunan eh at iyon ang maganda sa samahan namin kaya nakakagana rin na magtrabaho dito dahil sa mga kasamahan. Walang ilangan, selosan o inggitan kaya naman ginaganahan din ako pumasok araw araw.

Ilang sandali lang ay umalis na sila at kami na nila Ashley ang nandito ngayon. Ginawa na namin ang work namin ngayon na may mga matatamis na ngiti sa labi dahil iyon talaga ang isa sa kailangan namin gawin.