KABANATA 13

Kasalukuyan siyang nakahiga nang gabing iyon. Kagagaling lang niya sa tambayan nila pero umuwi naman siya kaagad.

Ewan niya pero parang nawawalan na rin ng thrill ang pagsama-sama niya sa grupo nila.

Ang ginagawa lang naman kasi nila do'n ay magkwentuhan ng mga drama sa buhay. Tagapakinig lang din naman siya sa mga nagsi-share.

Kaya nga siguro tinatawag silang emo-pipz. Parang ngayon niya gustong matawa.

Siguro nangangailangan lang talaga siya ng company no'ng mga panahong iyon. Ang emo pipz naman ang willing tumanggap sa kanya.

Biglang tumunog ang phone niya. Tinatamad na pilit niyang inaabot iyon sa mesa. Pabuntunghiningang tiningnan niya iyon. Baka si Angel at magtatanong kung bakit siya umuwi kaagad.

Napabalikwas siya ng bangon mula sa pagkakahiga habang nanlalaki ang mga mata.

Galing kay Sky ang text!

Once in a blue moon lang siya nakakatanggap ng mensahe galing dito. Kung magti-text man ito, it's either may pinapatanong lang ang Tita Janese niya, o kaya naman ay may importanteng