KABANATA 5

Fourteenth birthday niya at excited siya habang naghihintay ng oras. Alam niya kasing bisita nila uli ang buong pamilya ni Sky. Actually, lagi naman ito sa kanila kapag weekends. Hindi niya alam kung talagang tinotoo ng mga magulang nila ang sinasabing paglapitin na silang dalawa habang bata pa sila.

Napangiti uli siya nang maalala ang kasunduan sa pagitan nilang dalawa ng binata. Apat na taon na lang at magiging eighteen na siya. Parang gusto niya tuloy humiyaw sa sobrang kilig.

Apat na taon na lang at magiging Mrs. Braillene Dominique Razon na siya!

Hindi naman siguro siya sobrang bata na para kay Sky sa edad niya ngayon. Nineteen na si Sky at siya ay fourteen. Baka naman pwede na rin siyang gawing girlfriend na ni Sky. Gusto niya naman kasing maranasan maging girlfriend muna nito bago maging asawa.

Gusto niyang maranasan na i-date ng lalaki saka ipapakilala sa mga kaibigan nito. Itanong niya kaya sa ina if pwede bang maging sila na ni Sky. Napahagikgik siya sa naisip.

Agad na tiningnan niya ang mukha sa salamin. Dalagang-dalaga na nga siya. Mahaba ang buhok niyang may pagkakulot na hanggang kilikili niya. Bagay na bagay daw iyon sa mukha niyang may maumbok na mga pisngi. Gusto niya sanang pumayat pa ang mukha niya pero sabi ng mommy niya, eh, mawawala raw iyon kapag nag-mature na siya.

Napatingin siya sa dibdib. Nagsimula na ring lumaki ang mga iyon kaya't hindi na siya mako-consider na bata pa rin. Naglagay siya uli ng manipis na lipstick saka nilagyan din ang mga pisngi para maging pinkish ang mga iyon.

Sinuklay niya lang ang mahabang buhok at hinayaang nakalugay. Kadalasan kasi ay nakatali iyon dahil tamad na tamad siyang magsuklay lagi. Ngayon ay inilugay niya lang dahil parang mas nagmumukha siyang dalaga kapag gano'n.

Napatingin agad siya sa oras. Malapit nang mag-alas singko ng hapon. Busy ang Mommy niya pati na ang mga katulong nila sa paghahanda para sa birthday niya. Pili lang din naman ang mga bisita. Kadalasan sa mga iyon ay mga kaibigan ng daddy niya sa negosyo. Siyempre, di mawawala sina Sky.

Mamayang seven pa ng gabi magsisimula ang maliit na party para sa kanya pero alam niyang darating na sina Sky before gumabi. Napalingon siya sa pinto nang may mahihinang katok siyang narinig. Agad na bumukas iyon at sumilip ang ina niya.

Ang laki ng ngiti nito nang makita ang ayos niya. Suot niya ay isang simpleng damit na kulay peach na hanggang tuhod ang haba. Sleeveless din iyon at magaan ang tela sa katawan niya.

Mabilis na pumasok na ang mommy niya saka inilahad ang dalawang kamay na akmang yayakapin siya.

"Ang ganda-ganda ng anak ko. Hindi ka na talaga, baby! Halika nga rito. Let me hug you." Parang maiiyak na sabi nito.

Agad na yumakap na siya sa ina at hinalikan ito sa pisngi.

"Thank you, Mom. Siyempre, mana ako sa inyo kaya't maganda." Sinasakyan na niya ang sinabi nito.

Nakita niyang pinahid nito ng daliri ang gilid ng mga mata. Natawa siya.

"Ang mommy talaga! Birthday ko nga lang, eh, umiiyak ka na. Paano na lang kung ikakasal na nga talaga ako?" Bigla na lang iyong lumabas sa bibig niya.

Natigilan silang pareho ng ina. Biglang nag-init ang mga pisngi niya. Baka mahalata ng mommy niya na excited na siyang mangyari ang araw na iyon. Mabuti na lang hindi na nag-comment pa ang ina at ngumiti na lang.

Hinahaplos nito ang mga pisngi niya saka bumuntunghininga.

"I think I want to change my mind," seryosong sabi nito.

Biglang nawala ang ngiti sa mga labi niya at kinabahan siya sa narinig.

"H-hindi na matutuloy ang kasunduan ninyo ni Tita?" Gusto niyang magprotesta agad.

Hindi pwede! Nakatatak na sa utak niya na magiging Mrs. Razon siya apat na taon mula ngayon.

"I mean... Parang ayaw ko na lang na makasal ka. Kung ikakasal ka man gusto ko kapag thirty years old ka na kasi gusto ko andito ka pa rin sa tabi ko hanggang tumanda ka." Muli ay para na naman itong maiiyak.

Hindi niya alam kung matatawa o maiiyak na rin sa sinabi nito.

"Gusto ninyo palang tumandang dalaga si Braille, Tita."

Nagulat silang pareho nang makita ang nakangiting si Sky na nakasandal sa pinto ng kwarto niya habang magkasalikop ang mga brasong nakatitig sa kanilang dalawa. Iniwan palang bukas ng ina niya ang pinto kaya't dinig na dinig marahil ni Sky ang napag-usapan nilang mag-ina.

Narinig ba nito ang kasabikan sa boses niya no'ng banggitin niya ang kasal? Nakita rin kaya nito ang pagkabahala niya ng sabihin ng ina na nagbago ang isip nito? Gusto niya na lang lumubog sa kinatatayuan.

"You won't let her become an old maid, right, Sky?" Pabiro na ring sagot ng ina niya.

Mahinang tawa lang ang isinagot naman ni Sky dito. Gusto niyang sumimangot dahil ayaw nitong sagutin nang seryoso ang tanong ng mommy niya.

"Umakyat pala ako para sana ipaalam na dumating na sina Sky. Eh, ito na pala ang kaibigan mo at sinusundo ka na rito," dugtong pa ng ina.

Kaibigan? Kaibigan pa rin ba ang tawag sa kanila kahit ikakasal naman sila sa future? Hindi ba pwedeng boyfriend na lang? Gusto niya sanang sabihin sa mommy niya pero baka makurot pa siya sa singit.

"Oh, siya, bababa na muna ako at marami pa kaming niluluto sa kusina." Agad nang umalis ang ina pagkatapos siyang halikan sa pisngi.

Nang maiwan silang dalawa ni Sky ay saka siya binati nito.

"Happy Birthday!" Matamis ang ngiting bati nito sa kanya saka may inabot sa kanyang regalong nasa maliit na kahon.

Nanlaki ang mga mata niya.

Agad na kinuha niya ang regalo saka namimilog ang matang napatitig do'n pagkatapos ay sa mukha ni Sky.

"Is this our engagement ring already? Am I your official girlfriend now once I wear this ring?" Hindi makapaniwalang tanong niya.

Laking gulat pa niya nang bigla na lang bumunghalit ng tawa si Sky.

Ano'ng nakakatawa sa sinabi niya?

Inirapan niya lang ito nang parang walang balak pa yata itong tumigil sa kakatawa. Ibinaling na lang niya uli ang pansin sa regalo at saka napangiti na nang buksan iyon nang mabilisan. Nang maalis na ang wrapper ng regalo ay tumingin pa siya uli kay Sky bago niya binuksan ang cover ng maliit na kaheta.

Ngiting-ngiti naman si Sky habang hinihintay ang magiging reaksiyon niya.

Oh my! He really wants to see my reaction.

Binuksan niya na nga ang regalo na pinagsisihan niya naman agad. Napalitan ng pagkadismaya ang excitement na naramdaman niya kanina nang makita ang laman. Muntik pa siyang mapasimangot kung hindi lang cute ang design ng kumukutitap na clip sa buhok na laman ng kahetang iyon.

"Now what's with the long face? Pinasadya ko pa iyan, ha? And mind you totoong gold iyan kaya't huwag mong basta-bastang iwawala," nakangiting sabi ni Sky na lumapit na sa kanya. Kinuha nito ang clip na hugis puso na may pangalan niya.

Hanggang leeg lang siya nito kaya't madali nitong nailagay sa gilid ng buhok niya ang clip. Hindi naman siya halos humihinga dahil sa pagkakalapit nilang iyon.

"There." Niyuko pa siya nito para matingnan ang mukha niya pagkatapos mailagay sa buhok ang clip.

Nawala na ang pagkadismayang nararamdaman nang sumilip siya sa malaking salamin sa gilid niya. Bagay na bagay nga sa kanya at saka niya napansin ang hugis pusong design. Bumaling uli siya sa lalaki.

"Thank you. B-bakit heart ang design? Did you plan on giving me this to mark me as your girlfriend?"

Hindi talaga siya matatahimik yata hangga't hindi niya maisatinig ang nasa isip. Imbes na sagutin siya ay ginulo lang nito ang buhok niya habang natatawa uli sa kanya.