KABANATA 11

"Itigil mo na ang sasakyan!"

Sumigaw na ako at lahat ngunit hindi siya kumikibo. Nagpatuloy lang sa pagmamaneho kahit na halos maghisterya ako.

"Please, itigil mo na," binaba ko ang tono ng boses ko upang mapukaw ang konsensya niya ngunit hindi pa rin ito kumibo.

Masyadong bato!

Napagkrus ko ang mga kamay sa harap ng aking dibdib at sumusukong napabuntong hininga. Inirapan ko pa ito at pinanatili ang tingin sa bintana.

Pinanganak yata itong bossy!

Nagpapasalamat naman ako at hindi nasamang nahuli ng mga pulis. Swerte rin na hindi nahagip ng media kung meron man. Inaalala ko lang ay si Alexa, baka nahuli. Paano ang mga anak niya kapag nagkaganoon?

Bakit naman kasi basta na lang sumusulpot 'tong lalaking 'to! Parang mas maganda pang mahuli ng pulis kaysa manatili sa sasakyan niya. Para tuloy binabalot ng lagim ang looban ng sasakyan sa aura