KABANATA 4

NANG dumating si Athena sa ancestral house ng mga Ruiz , ay nadatnan niya lang ang isa sa mga katulong na kasalukuyang naglilinis sa harapan ng malaking bahay, "Magandang gabi po Maam.” bati nito sa kanya. 

“Good evening din po, nandyan ba si Lolo at sina Mama at Papa?” tanong naman ni Athena dito.

“Uhm sina Maam at Sir po ay umalis pero si Don Simplicio po ay nasa loob Maam nasa study room niya po.” 

“Ah okay, sige salamat at didiretso na lang ako kay Lolo.”

Ngumiti ng bahagya si Athena sa katulong at tuluyan na ring pumasok sa loob ng bahay. 

Pumunta si Athena sa study room ni Don  Simplicio at ng nagkataon na nakabukas ng bahagya ang pintuan nito kaya sumilip siya ng kaunti sabay katok sa pintuan. 

Narinig at nakita kaagad ni Don Simplicio si Athena sa may pintuan na sumisilip kaya agad niya itong niyayang pumasok. Lubos naman ang kasiyahan ni Don Simplicio habang lumalapit si Athena sa kanya. 

"Nandito ka pala apo. Halika dito, mag-isa ka lang ba at hindi ba't sumama si Mikael sa'yo?"

"Hindi po lolo, abala po kasi si Mikael sa kumpanya ngayon, kaya ako lang pong mag-isa."

"Ang batang ito, alam lamang ay ang maging abala sa trabaho buong araw." nasabi ni Lolo Don habang pailing-iling ng ulo.

"Alam mo naman po ang kalagayan sa kumpanya lolo, isa pa po siya ang presidente, at kailangan niyang maging mas masipag kaysa sa mga empleyado niya." saad naman ni Athena na nakangiti.

Kasalukuyang magkaharap sila ni Don Simplicio. Nakaupo silang pareho sa dalawang mahabang couch na may pagitan na center table na nasa harapan ng office table nito sa loob ng study room.

"Ikaw, na bata ka, lagi mong pinagtatanggol niyang si Mikael. Pero kahit papaano ay masaya ako dahil may kasama akong maghapunan ngayong gabi." 

"Okay po, lolo." Tumugon si Athena ng may ngiti.

Hindi nagtagal pagkatapos na maghapunan nina Athena kasama si Don Simplicio ay bigla naman siyang nakatanggap ng tawag mula kay Sandro Villar.

“Athena, pasensya na ngunit nasa night bar kami ngayon at masyadong lasing na si Mikael, baka gusto mo siyang sunduin?”

Pagkarinig ni Athena sa sinabi at tanong ni Sandro ay di na siya nagdalawang isip.

“Okay, pupunta na ako ngayon, saan ba kayo?” agaran nitong sagot at tanong.

Agad naman na nagpaalam si Athena sa kanyang lolo at mabilis na umalis ng malaking bahay.

…

SA loob ng night bar, may apat na naggwa-gwapohang lalaki na nakaupo, at sila ay ang magbabarkada na halos di mapaghiwalay. Lahat sila ay sabay-sabay nang lumaki dahil na rin sa magkaka sosyo ang kanilang mga pamilya sa negosyo kahit noong mga bata pa sila.

Ang apat na ito ay lahat lumaki na magkasama, ang pinakamatanda ay si Mikael Angelo Ruiz , ang pangalawa si Bryan Uy, ang ikatlo si Damien De Silva,, at ang pinakabata si Sandro Villar.

Ang presensiya nila ay sumisigaw ng awtoridad sapagkat galing sila sa pinaka maimpluwensyang angkan hindi lang sa kanilang lugar kundi sa buong bansa at ang isa sa kanila ay nakahiga na sa couch at sobrang lasing na.

“Lasing na lasing na ata ako,” nakangising sabi ni Mikael, “gusto ko lang naman sanang magpahinga sandali but that alcohol hit me hard!.” 

Lasing na sabi ni Mikael at itinaas nito ang kanyang kamay at hinilot ang kanyang noo.

"Ano bang problema ni Mikael ngayon at ang daming niyang nainom?" nagtatakang tanong ni Sandro sabay tungga ng alak na nasa sariling baso niya dahil nakikita niya na hindi ito masaya. 

"Trisha Buenavista is back!" sabi ng isa sa mga gwapong lalaki, si Bryan Uy.

"Damn! Seryoso? Why did she come back?" Gulat na tanong ni Sandro Villar.

"Who knows." kibit balikat na sagot ni Damien De Silva.

"Bryan, how do you know she's back?" tanong ulit ni Sandro dito na di talaga makapaniwala.

"Sinabi sa akin ni Mikael."

"Hmph! Kung sabagay lahat-lahat sinasabi niya sa iyo." medyo nagtatampo na sagot ni Sandro.

" Naks nagtatampo ka ata, ha!" biglang singit ng lalaking naka black suit, si Damien.

"Tss! Damien!" 

At nagtawanan ang lahat. Nang humupa ang tawanan ay nagsalita ulit si Sandro.

"Ano ba ang plano ni Mikael? Alam naman natin kung gaano niya kamahal si Trisha at posibleng mangibabaw iyon pag nagkita sila, pag nangyari iyon paano si Athena?" Worry na tugon ni Sandro.

"Huwag na tayong mangialam, I believe Mikael will handle it himself." agad na sagot ni Bryan, " Anyway, I'm leaving since  Mikael has told me to arrange a task for his business trip early tomorrow morning ,so..."

 "O ayan nag withdraw kami ng pera ikaw na bahala diyan kay Mikael, siguraduhin mo na makakauwi iyan ng ligtas." Sabay-sabay na nagsalita sina Bryan at Damien.

Sinabi ng dalawa na sila ay aalis na at inis na inis naman si Sandro.

"Hala grabe bakit kayo ganyan?IIwan niyo na lang talaga dito si Mikael na ganito ang sitwasyon?" reklamo ni Sandro.

"Ikaw ang pinaka tamad sa amin, kaya't natural na ikaw ang responsable sa paghahatid sa kanya." si Damien.

Hindi na nakapagsalita pa si Sandro sa tinuran ni Damien, kung sabagay totoo naman sinabi nila siya ang walang ginagawa kung baga 'happy go lucky' lang ang buhay niya,kaya hinayaan niya na lang na makaalis ang dalawa.

Tiningnan ni Sandro si Mikael na nakaluhod na sa sofa at napangiti siya ng maalala ang mahinahon, maganda, at maunawaing asawa ng kaibigan. Kaya't kinuha niya ang kanyang cellphone at tinawagan si Athena at hiniling na  kung pupwede na sunduin ang asawa nito.

Nang dumating si Athena sa night bar, nakita niya lamang si Sandro na nakaupo roon na nagbabantay kay Mikael mag-isa habang nakatutok ang atensyon sa cellphone nito. 

"Pasensiya na at ngayon lang ako nakarating, ikaw lang ba?"

"Salamat naman at nandito ka na!" masayang tugon ni Sandro sabay baba ng kanyang cellphone sapagkat naglalaro siya ng paborito niyang online games dito habang naghihintay sa pagdating ni Athena.

 " Sina Damien at Bryan ay nauna nang umalis mayroong pa kasi silang gagawin at samantalang ako naman ay may appointment akong laro mamaya kaya't tinawagan na kita upang ikaw na mag uwi sa kay Mikael sa bahay niyo." pagpapatuloy nitong sabi. 

Nakikinig lang si Athena sa sagot ni Sandro habang nag-iisip ng malalim.

'Ano ba ang nangyayari sa iyo, Mikael?'