CHAPTER 17

ILANG oras bago sila nakarating sa Laguna. Napahawak si Yesha sa kanyang leeg dahil sumakit iyon sa tagal ng byahe. Ito na yata ang pinaka matagal na byaheng naranasan niya. Hindi niya alam kung paano pa sila nakarating.

"Dito na tayo." naunang bumaba ng sasakyan si Shawn. Sumunod naman siya sa lalaki at sabay na napatingin sa paligi. "Saan tayo?"

"San Pablo, tara 'yon ang bahay niya." turo nito. Kaagad napatingin si Yesha sa bahay na itinuro ni Shawn. Hindi iyon kalakihan. Para iyong isang kubo. Gawa sa kahoy. Inalalayan siya ng lalaki hanggang sa makarating sila sa tapat ng pinto.

Napangiti si Yesha nang makita na halos puno lamang ang narito, sobrang sariwa ng hangin at kahit sino nanaisin na rito na lamang tumira. Parang nang-aakit ang paligid, gano'n na rin ang halimuyak ng halaman. Maraming iba't-ibang uri ng bulaklak. At ang isang pinaka nakaagaw ng kanyang pansin ay ang malaking sun flower na nakaharap mismo sa kanila.

"Good afternoon po," bati ni