Chapter 4

"T*ngina talaga no'ng lalaking 'yon," nanggigigil na sabi ni Torrie nang ikwento ni Oprah ang buong nangyari kanina. Hindi rin mapigilan ni Oprah ang magsalin at uminom pa ng alak dahil ang gusto niya sa gabing ito ay ang malasing siya.

"T-Torrie, I want to forget him. I want to find someone who wants to be mine. Fully mine. Kung magiging mag-isa ako, siguradong mababaliw ako," saad pa ni Oprah.

"Hoy, Oprah, chill. Baka mamaya n'yan makahanap ka nga ng ibang lalaki pero gano'n din. Mahirap na. Dapat mabusisi ka," payo ni Torrie at saka kumain ng pulutan.

"So, kailan ko pa 'yon gagawin? Torrie, baka mawindang na ako. Ang sabi mo, tutulungan mo 'kong makahanap ng bago?" tanong pa ni Oprah nang ipaalala nito sa kaibigan ang sinabi nito sa kaniya.

"Oo, sinabi ko 'yon, pero syempre naman dapat this time, yung mas okay na lalaki. Ikaw kasi e. Masyado kang pihikan sa mga lalaki," pahayag pa ni Torrie.

"Hindi na, promise."

"Tutulungan kita pero ubusin na lang natin 'tong alak. Nag-order ka pa kasi ng isang case e alam mo namang hindi palainom 'tong asawa ko. Kaunti lang iniinom nito dahil magmamaneho pa 'to."

Walang nagawa ang magkaibigang Torrie at Oprah kundi ang ubusin ang in-order nilang case ng alak. Habang abala sila rito ay nasa katabi naman nilang pwesto si Garrett. Lihim niyang pinakinggan ang pinag-usapan ng dalawang ito at ito na ang magandang timing para pumasok ito sa buhay ni Oprah.

"Torrie, saglit lang," paalam ni Oprah nang tumayo ito.

"Bakit? Saan ka pupunta?" tanong naman ni Torrie.

"Sa banyo."

"Ha? Susuka ka? Halika. Sasamahan na kita," nag-aalalang tanong nu Torrie.

"Hindi. Kaya ko pa. Titignan ko lang 'tong hitsura ko baka ang pangit ko na e. Babalik ako," tila wala na sa sariling sagot ni Oprah bago ito naglakad paalis.

"Gaga ka, wait!" pahabol naman ni Torrie at akmang tatayo ngunit bigla ay nap*tol ang takong ng kaniyang sapatos. Napairap siya sa ere at huminga nang malalim sa inis. "Kamalas-malasan nga naman, oh!" sambit nito sa sarili. Samantala, lihim na sinundan ng tingin ni Garrett si Oprah bago ito tumayo at sundan ito kung saan man ito pupunta.

Nang makapasok si Oprah sa banyo ay nilapag niya ang bag niya sa tabi at tinignan ang sarili niyang reflection sa salamin. Tila binubusisi niya ang bawat detalye ng mukha niya at bigla siyang napangisi.

"Ang pangit mo pala kapag nalalasing ka," pang-aasar niya sa sarili habang nakangiti, ngunit wala pang ilang minuto ay biglang nagbago ang expression ng mukha niya. Bigla siyang umiyak habang pinupunasan niya ang kaniyang mga luha gamit ang likod ng kamay niya. Naalala na naman niya ang nangyari kanina. "Hay*p ka, Lloyd Fajardo! Bw*set ka sa buhay ko! You're a f*cking two timer and a f*cking coward b*llsh*t! Magsasama kayong dalawa ng Abigail na 'yan sa impyerno!" galit niya pang pahayag habang dinuduro ang sariling reflection sa salamin.

Tumagal lamang ng fifteen minutes sa loob ng banyo si Oprah nang mapagdesisyunan niyang lumabas at bumalik sa pwesto.

Nagtaka na lang siya nang makita na may kinakausap ng lalaki ang mag-asawa. Mukhang masaya pa ang kwentuhan nila dahil buhay na buhay ang usapan nila.

"Oh, she's here. Siya yung sinasabi kong kaibigan ko. Si Oprah Rizario," pagpapakilala ni Torrie sa kaibigan na blangko pa rin ang isipan kung bakit kaagad may iba ng lalaking nakaupo rito.

Tumayo ang lalaki at nakangiting nilahad ang kamay.

"Ako si Garrett. Garrett Rhoden. It's nice to meet you, Oprah," magalang nitong pagpapakilala. Marahang tumaas ang isang kilay ni Oprah at tinignan ang kaibigang si Torrie. Nag-cheer lamang ito na tila sinasabi na makipagkilala na siya sa lalaki.

"Hmm... Oprah," walang gana nitong pagpapakilala at ngumiti nang tipid. Inabot niya ang kamay na 'yon at nakipag-shakehands sa lalaki.

"Please, take a seat. Pasensya na at naagawan pa kita ng pwesto," sabi ni Garrett nang laanan niya ng daan si Oprah upang makapasok ito at makaupo. Ginawa naman 'yon ni Oprah. Ngayon ay may isang dangkal ang pagitan nila ni Garrett sa pagkakaupo.

"B-Bakit may lalaki? Torrie?" nagtataka niyang tanong sa kaibigan. Para bang nawala ang kalasingan niya dahil sa biglaang pagsulpot ng lalaki.

"Katabi lang ng pwesto natin si Garrett. D'yan siya, oh. Narinig niya kasi yung pinag-usapan natin kanina. Single naman daw siya and nagpakilala nang maayos. Masarap siyang kausap, 'di ba, sweetheart?" pagkumbinsi pa ni Torrie sa asawang si Steve kaya't tinanguan naman siya nito. "Tapos ayun... Gusto ka raw niyang makilala."

Hindi umimik si Oprah at tinaasan ng kilay ang kaniyang kaibigan. Nang sulyapan niya si Garrett ay nakangiti ito sa kaniya.

"Sorry pero hindi ako interesado e. Kagagaling ko lang ng break up at hindi madaling maka-move on," pagtataray pa ni Oprah.

"I understand. Mahirap talagang kalimutan ang gan'yang bagay," saad ni Garrett dito.

"Iyon naman pala. Thank you, mister Garrett. Makakaalis ka na," ani Oprah.

"Oprah!" mahina ngunit naiinis na tawag ni Torrie. "Ahh... Hindi. Mag-stay ka lang, Garrett. Medyo high blood lang 'yang friend ko pero mabait 'yan," pangungumbinsi naman ni Torrie kay Garrett at pinanlakihan ng mata si Oprah.

Natawa at napatango naman si Garrett dito.

"So, kanina, you were listening habang pinag-uusapan namin ng friend ko ang break up namin ng boyfriend ko? Tsismoso ka rin pala, mister Garrett, kahit na ang lakas-lakas na ng sounds sa paligid," tanong ni Oprah.

"Well, let's just say that I think, this is the perfect time for us to meet? I mean, single ako at brokenhearted ka. We can be friends para makilala natin ang isa't isa," suhestyon ni Garrett ngunit napairap sa ere si Oprah.

"Hindi 'yon gano'n kadali. Torrie, let's go. Masyado na akong maraming nainom. Umalis na tayo sa gabing gabi na," pagyayaya bigla ni Oprah sa kaibigan.

"Ano? Aalis na e--"

"Let's go," huling sabi ni Oprah bago niya bitbitin ang bag at umalis. Kusa naman siyang binigyan ng daan ni Garrett.

"S-Sorry sa ugali ng friend ko, Garrett, ha? 'Di bale, ito yung address and phone number niya para ikaw na ang dumalaw-dalaw sa kaniya. Sige na. Mauuna na kami at baka magliyab na 'yon sa inis. Bye! It's nice meeting you!" mabilisang paalam ni Torrie sa binata at saka niya hinila ang asawa niyang si Steve paalis ng bar.

Mula sa pagkakangiti ay bumalik na sa seryoso ang mukha ni Garrett. Hindi niya inalis ang mat*lim na tingin sa papalayong dalaga hanggang sa mawala na ito sa paningin niya.

NAGLALAKAD nang pabalik-balik si Garrett habang iniisip kung paano niya makukuha ang loob ni Oprah. Hindi umeepekto ang pagbabait-baitan niya. Hindi niya inaakalang ganito pala kamaldita at kataray ang babae.

"Anong iniisip mo, Garrett? Hatinggabi na pero gising ka pa, hijo," tanong ng kaniyang amo na si Eran nang madatnan siya nitong nag-iisip at naglalakad-lakad sa mezzanine.

"I have started my plan, sir, pero maarte siya. Hindi umeepekto ang pagbabait-baitan ko sa kaniya kanina," saad ni Garrett nang harapin niya si Eran.

"Then show her more, Garrett. Ang gusto ng mga babae ngayon ay yung hinahabol sila. Ipakita mo sa kaniya kung sino ka kapag may babae kang gusto. H'wag mo siyang tantanan hanggang sa siya na mismo ang maghahanap sa presensya mo," payo ni Eran sa binata. Doon ay napaisip naman si Garrett at marahang napapatango.

Lumapit si Eran at inakbayan ang binata.

"Just remember, Garrett, you have to make her deeply fall in love with you. Iyan ang gusto mong mangyari. I just want to clarify na hindi dapat ikaw ang mahulog sa kaniya," sabi pa niya rito.

"Sir, that wouldn't happen. I won't fall in love with someone who's involved with my family's case. I will show her the burden life that I experienced. Hinding hindi ako titigil hangga't hindi ko 'yon nakikita sa kaniya," pangungumbinsi ni Garrett kay Eran. Bakas sa tono ng pananalita niya ang galit at poot.

"Then do the thing. I know, you can do it. Bring justice to your dad with your own hands," saad pa ni Eran habang tinatapik-tapik ang balikat ni Garrett.

KINABUKASAN, dinaluhan ni Oprah ang appointment meeting niya bago napagpasyahang umuwi. Wala pa rin siyang gana dahil sa pagmumukmok niya sa sakit sa galit sa ex-boyfriend niyang si Lloyd.

Pati sa pagkain ay wala siyang gana. Halos tatlong beses lang siyang sumubo ng kaunting kanin at ulam dahil ang pakiramdam niya ay busog na busog pa siya.

"Nakakabw*set ka, Lloyd. Argh!" inis pa niyang sabi sa sarili nang maalala na naman ang nasaksihan niyang panloloko nito. Napakuyom ang kamao niya sa gigil at napasuntok siya nang marahan sa ibabaw ng mesa.

Inis siyang tumayo upang magbihis nang maka-receive naman siya ng isang tawag. Sa pagtataka ay tinignan niya ang phone niya at nakita ang unknown number.

Ayaw niyang sagutin ito dahil hindi niya alam kung kaninong phone number ito, pero dahil sa kuryosidad ay ni-swipe niya ang screen ng phone niya upang sagutin ito.

"Hello? Who's this?" may pagkamalditang tanong ni Oprah sa nasa kabilang linya. Mas lalo siyang nagtaka nang makarinig siya ng pagngisi ng isang lalaki.

"Hi, Oprah," pagbati ng lalaki mula sa kabilang linya. Malalim ang tono ng boses nito na nakapagpataas ng balahibo sa dalaga.

"Hello? Who's this?" nagtataka namang tanong ni Oprah.

"It's me, the guy you met last night," sabi lang ng lalaki kaya nag-isip naman si Oprah. Inalala niya ang lahat ng nangyari hanggang sa matandaan niya ito.

"Garrett?" tanong niya bilang paninigurado sa kausap.