“KUMUSTA ang bakasyon, anak?” nakangiting tanong kay Kana ng inang si Keana.
Naitago tuloy ni Kana ang ngiti sa labi niya. Inaalala pa niya ang gabi na iyon ng mga sandaling iyon. Nasa sun lounger siya noon at kakatapos lang niyang mag-swimming. Gusto niyang matulog mamaya, at makakatulog lang siya kapag sobrang pagod. Epekto ni Serrano kaya hirap siyang kumuha ng tulog nitong nagdaan sa Malaysia.
Hindi niya maikuwento sa ina ang lahat dahil pagagalitan siya nito. Ang alam pa naman nito gala lang ang pinunta nilang magkakaibigan.
“Okay naman po, Mom. Masaya.” Tumingin siya sa likod nito, hindi nito kasama ang ama. “Si Daddy po?”
Bumuntonghininga ang ina. “As usual, nasa trabaho.”
Well, saan pa nga ba ito naglalagi? Kung hindi sa trabaho nito. Minsan lang umuwi ang ama dahil sa trabaho nito sa gobyerno. Isang sundalo kasi ang ama na may mataas na katungkulan kaya ganoon na lang ang responsibilidad nito sa bansa.
Napatitig siya sa ina kapagkuwan.
“Mom,” tawag niya rito.
“Yes, anak?” Sabay pang tumaas ang kilay ng ina.
“Um, pwede ba akong magbukas ng bar?”
Napakunot ng noo ang ina. “Bar?” Mukhang hindi ito makapaniwala.
“Yes, Mom.”
“Magnenegosyo ka?”
Napalabi siya nang marinig ang tono ng ina.
“Y-yeah.”
“Hindi mo nga matanggap-tanggap ang posisyon sa kumpanya ng Daddy mo, kahit sa kumpanya ko, tapos magbubukas ka ng bar?” Nag-iiba na ang ihip ng hangin kaya napalunok siya.
“Mom, iba naman po— ”
“Anong iba, Kana? Huh? Ano bang naisip mo at gusto mong magtayo ng bar, huh? Hindi ba’t negosyo din ‘yan?”
Hindi siya nakasagot. Bakit nga ba naisip niya? Dahil kay Serrano? Baka magawi ito sa bar niya, ganoon?
Shit!
“Basta, hindi ako pumapayag, Kana! Kahit na kausapin mo pa ang Daddy mo tungkol dito, ako ang masusunod! At hindi pwede!” Biglang tumalikod ang ina sa kanya. May mga sinasabi pa ito pero hindi na niya maintindihan.
Sinundan na lang niya nang tingin ang inang papalayo.
Hindi siya pinansin ng ina ng mga sumunod na araw na ipinagtaka ng ama pag-uwi nito.
“What happened here, manang?” dinig niyang tanong nito sa kasambahay nila. “Bakit parang hindi nagpapansinan ang Ma’am mo at ang senyorita mo?”
Nasa tabi niya noon si Manang nang mangyari ang pagpaalam niya sa ina dahil pinagbabalat siya nito ng apple. At nasaksihan din nito kung paano siya tinalikuran ng ina noon.
Tumingin sa kanya ang kasambahay.
“Ah—eh, Sir, s-si Senyorita po ang makakapagsabi.” Sabay yuko nito at tumalikod na. Nagse-serve ito ng pagkain kasi.
“Dad, let’s eat first. Okay?” Tumingin siya sa ina na parang hindi narinig ang ama na nagtanong. Nguya lang ito ng nguya. Tumatango rin kapag gusto nito ang kinakain.
Akmang tatawagin ng ama ang ina nang salpakan nito ng steak na nasa tinidor nito ang bunganga nito. Napilitang nguyain na lang ng ama ang sinubo ng ina. Naiiling pa ito nang tingnan siya.
Pagkatapos nilang kumain ay pinatawag siya ng ama sa study nito. Pero bago siya makarating sa pintuan ng study ng Daddy niya ay inunahan siya ng ina sa pagpasok. Mukhang tututol nga ang ina sa gusto niya. Akala niya, pagkakataon niya ito para mapapayag ang ama.
Ilang araw o buwan na lang siya sa mundong ito kaya sana tuparin ng mga ito ang mga wishes niya.
“Love.” Sinalubong ng ama ang ina nang makita ito. Ngumiti ito sa kanya bago iginiya ang ina sa swivel chair nito.
Makikita ang gabundok na files na mula sa kumpanya ng ama. After nito kasi sa trabaho bilang sundalo, businessman naman ito pag-uwi.
Tinabi ng ama ang papeles nito at naupo doon dahil nga sa okupado ng ina ang upuan nito.
“So,” bungad ng ama nang makaupo siya bakanteng silya sa harapan ng mesa nito. Naupo na rin ito sa gilid ng mesa nito.
Akmang magsasalita siya nang unahan siya ng ina.
“She wants to open up a business. And guess what? Bar, love! Bar! My God!” At ayon tumaas na ang boses ng ina. Tumingin sa kanya ang ama na nakataas ang kilay.
Ang dami pang sinabi ang ina kaya naintindihan ng ama kung bakit pumasok ito at kailangang kumontra sa magiging desisyon ng ama in the future.
Since nagsalita na ang ina at may laman ang mga sinabi nito. Masasabi niyang may pagbabanta rin iyon at kailangang masindak na ang ama.
“Baby?” Nang marinig ang tawag ng ama, nagkaroon nang pag-asa kay Kana. Pwede niyang lambingin ang ama!
“D-Dad, m-matagal ko na pong pangarap ito. I promise hindi naman po gaya nang ibang bar. Live music bar—”
“Live music bar like ZL Lounge?” tanong ng ama.
Napangiwi si Kana. Kaso halos bilyonaryo at sikat na mga personalidad ang pumupunta doon. Bihira lang mga sundalo. High-end kasi at ang mga alak ay hindi basta-basta, hindi afford ng nga gaya ni Serrano. Ang naisip niyang i-serve na mga cocktails ay mga mura lang.
“Hindi basta-basta ang sinasabi mong negosyo, anak. Ang dami nang nagsusulputang bar ngayon at marami nang kakompetensya. Kaya bakit hindi na lang sa opisina ka magtrabaho para may katulong naman ako.”
Napabuntong hininga si Kana. Mukhang sa side ito ng ina, hindi rin siya pagbibigyan.
“Walang ibang magmamana ng negosyo namin kung hindi ikaw.”
“Dad, hindi ko ‘yan pinangarap. Kaya hindi ko kinuha ang kursong gusto niyo para sa akin. Never kong inimagine ang sarili ko na nakaupo lang sa swivel chair facing with a pile of documents. Wala akong tiyaga.”
Natawa ang ama. “Hindi mo pinangarap pero heto gusto mong mag-open up ng business. Ano ‘yon, after mong buksan, hahayaan mong malugi? Then wala ang puso mo sa pagnenegosyo, anak. Magsasayang ka lang ng pera.”
Hindi nakaimik si Kana. Bakit nga ba kasi hindi niya pinag-isipan ang mga sasabihin sa ama para makumbinsi?
“You need to review everything na ipapasa sa ‘yo ng staff mo. Regarding sa stocks, pag-purchase ng mga goods na ise-serve mo or even the salary of your employee. At the end of the month, need mo ring i-check ang mga financial status mo which same lang sa mga ginagawa sa opisina. Kaya hindi ko maintindihan kung bakit ayaw mong palitan ako sa kumpanya? Or kahit sa publishing house ng Mommy mo?”
Sa mga narinig mula sa ama, it seems mabibigo siya.
“O-okay. I’m sorry po.”
Lumabi si Kana pagkuwa’y tumayo. Nagpakawala din siya nang hangin. Halata na sa mukha niya ang pagiging dismayado. Mukhang wala namang magbabago, hindi siya pagbibigyan ng magulang, kaya bakit pa siya narito.
“Anak,” boses iyon ng ina. Pero nagbingi-bingihan siya.
Masama bang pasayahin ang sarili? Hindi naman, ‘di ba? Kung alam ba ng magulang niya na mamamatay na siya pagbibigyan siya ng mga ito?
Kahit na hindi sabihin ni Kana, alam ng magulang niya na sumama ang loob nito. Ngayon lang ito binigo ng magulang kaya siguradong mahihirapan ang mga ito na kausapin siya.
Sa loob ng dalawang linggo, hindi umuwi si Kana sa bahay nila. Sa condo unit niya na niregalo noon ng ama siya nag-stay. At kung hindi bar hopping, gala ang inaatupag nilang magkakaibigan. Dahil ayaw namang gumastos ni Kana ng pera na mula sa magulang, binenta niya ang ilang alahas niya para may pangtustos sa mga ginagawa niya.
Kakasakay lang ni Francy Lou noon sa sasakyan niya. Pero iba agad ang bungad nito.
“Besh, tumawag si Tita kanina if magkasama tayo. Nasa opisina ako kaya ang sabi ko hindi. Nakailang tawag daw siya sa condo mo pero hindi mo raw siya sinasagot. Gusto niya lang sabihing umuwi ka raw bukas dahil kakausapin ka raw nila ni Tito.”
Napasimangot si Kana. “From now on, ‘wag mo nang sagutin ang tawag ni Mommy. Okay? Masisira lang ang mood ko. Ayokong mamatay na malungkot,” pagkasabi ay iginiya ang sasakyan palayo sa opisina ni Francy.
Kahit nga sasakyan niya, binenta niya at bumili ng iba para hindi makilala ng magulang niya.
“Pero pamilya mo sila, besh. Hindi ba dapat kinakausap mo sila? What if sabihin mo ang totoo, malay mo ibigay nila ang gusto mo.”
Tumingin siya saglit sa kaibigan bago muling tinuon ang tingin sa kalsada. “Kung mahal nila ako, pagbibigyan nila ako whether may sakit ako o wala.”
“Pero mahal na mahal ka naman nila, a. Saka pwede mo namang tanggapin ang posisyon sa kumpanya ng Daddy mo, pero kamo, basta suportahan ka sa pag-open ng bar. ‘Di ba, magandang ideya ‘yon? Napasaya mo na ang magulang mo, napasaya mo pa ang sarili mo. What do you think, besh?”
Napaisip siya sa sinabi ng kaibigan. Well, pwede naman. Kaso, baka hindi niya matutukan ang bar. Sa dami laging dinadala ng secretary ng ama gabi-gabi, my God na lang talaga.
Sa isang magarang kainan sila dumiretso pagkatapos ay sa bar naman. Doon, nagkita-kita sila ng iba pang mga kaibigan. Pero nasa kalagitnaan pa lang ng gabi nang makaramdam siya nang pagkahilo samantalang nakadalawang espresso martini pa lang siya.
“Kana! Saan ka pupunta?” sigaw ni Cassandra na noo’y kasama niya sa dancefloor.
Tinaas lang ni Kana ang kamay para sabihing wait dahil babalik din siya. Pakiramdam niya kasi may humahalukay na rin sa kanyang tiyan plus pa ang nararamdamang pagkahilo. Iniisip niyang baka na-over na siya sa alak dahil madalas silang uminom nitong nakaraan.
Mabilis na pinakawalan ni Kana sa sink ang pinipigilang suka. Pero ramdam niyang mas tumitindi ang pagkahilo kaya pinikit niya ang mata habang sumusuka para hindi maramdaman. Pero sumasagi rin sa isipan niya na dahil ito sa sakit niya. Kailangan ba niyang bumalik ulit sa doctor para masuri?
Ang buong akala ni Kana, hindi na mararamdaman ang pagkahilo. Pero pagkatapos na magmumog at linising ang bibig ay muling bumalik ang pagkahilo na ikinasapo niya sa ulo. Doon na siya nakaramdam nang kaba. Sunod-sunod na rin ang mga katanungan sa isipan niya. At ang hiling niya lang ng mga sandaling iyon ay sana magawa niya pang umuwi ng bahay— sa magulang niya bago bawiin ng Maykapal ang buhay niya.
Hindi na napigilan ni Kana ang nararamdamang iyon, hanggang sa unti-unti na siyang nilalamon ng kadiliman. Pero bago siya tuluyang mawalan ng malay ay narinig niya ang sunod-sunod na pagtawag ng pangalan niya mula kay Mera at Lily na noo’y papasok pa lang ng restroom.
NAPAPIKIT SI JOHN nang marinig ang hatol sa kanya sa araw ng court-martial na iyon. Hudyat na tapos na ang iniingatang dangal. Nahatulan na siya ngayon ng habang buhay na pagkakulong dahil sa krimeng hindi niya naman ginawa. Pero anong magagawa niya? Walang katarungan para sa kagaya niyang mahirap at walang koneksyon sa gobyerno. Sino lang ba siya? Siya lang naman si John Serrano, isang sundalo na mula sa mahirap na pamilya. Kaya niyang lumaban gamit ang baril, pero wala siyang kakayahang lumaban gamit ang pera at kapangyarihan. 'Yan ang masaklap na katotohanan sa kagaya niyang mahirap lamang. Malungkot siyang napatingin sa kanyang ina na noo'y hilam na ng luha. Inuusal nito ang kanyang pangalan habang sapo ang dibdib kaya parang may tumatarak na itak sa kanyang dibdib habang tinitingnan ang ina. Pangarap niya lang na mapasaya ang pamilya niya kaya siya nagsundalo. Ah, isa na rin pala, para makalimot. Pero hindi niya akalaing ito rin ang magdudulot ng kalungkutan sa kanyang pamil
NAPABALIKWAS nang bangon si Kana nang mapagtanto na nasa hospital siya. Pagmulat niya kasi kanina, napasinghot siya dahil parang iba nga sa pang-amoy niya ang kinaroroonan. Halos puti kaya mabilis na gumana ang ulo niya. “Hospital?! Sh*t!” Sabay talon mula sa kama. At akmang huhubarin niya ang hospital gown nang biglang bumukas iyon at iniluwa ang magulang niya kasama si Cassandra at Lily.“Oh, girl, gising ka na!” bulalas ng dalawa.“Y-yeah. What are you two doing here? Where are France and Mera?”“Umuwi lang saglit, friend.” Tumango siya kay Lily.Tumingin siya sa ina na maga ang mata. “M-Mom, what happened?”“Why didn’t you tell us about your—”“Mrs. Palma.” Hindi na natuloy ng ina ang sasabihin nang putulin iyon nang isang pamilyar na boses.Nanlaki ang mata niya nang makilala ito. Ang doctor niya na tumingin sa kanya at nag-diagnose na may cancer siya!Anong ginagawa nito dito? Nasabi na ba nito sa magulang niya kaya ganoon na lang ka-maga ang mata ng ina? Wala siyang makita na
AGAD na sumaludo si John kay Chief of Staff Atlas Palma nang pumasok ito sa building na iyon. Nasa meeting kasi ito kanina kaya hinintay niya sa upuang tinuro sa kanya ng staff nito. “How was your trip?” Tinanggal nito ang suot nitong headgear nang harapin siya. “A-ayos lang po, Chief.” Tumango sa kanya si Chief Palma kapagkuwan. Pagkagaling sa bus station, dito na siya sa Camp Aguinaldo dumiretso. Iyon din kasi ang bilin nito sa kanya sa telepono. Pero ang immediate nito ay hindi nasunod. Isang linggo ang binigay nito sa kanya na bakasyon kasama ang ina. Pagdating niya kasi, saktong inaapoy ng lagnat ang ina, kaya inasikaso pa niya. Saglit lang sila sa opisina nito bago sila pumunta sa bahay nito. Pagdating nila doon, sinalubong sila ng magandang asawa nito. Hindi lang siya ang kasama ng CofS, meron pang dalawa. Sila pala kasi ang magiging personal na bodyguard nito. Ang isa raw sa kanila, sa misis nito pero hindi pa sigurado kung sino sa kanilang tatlo. Nang gabing iyon, pinaal
NAPAKAPA si Kana sa baba ng dibdib, bandang gilid nang kumirot iyon. Pakiramdam niya, sinasaksak pa rin siya ng mga sandaling iyon. Namamawis na ang kanyang noo Nanginginig din ang katawan niya dahil sa takot, kaya agad na nagpatawag ang ina ng doctor para i-check siya.At dahil hindi kumalma si Kana, napilitan ang doktor na bigyan siya ng gamot para kumalma. Nakatulog din siya ulit. Nang magising, nasa silid na ang ama, sa tabi niya mismo.“How are you, baby?”Medyo sleepy pa ang mata niya. Para siyang nalasing dahil sa mga gamot na naibigay sa kanya.Ngumiti lang siya sa ama at sumagot ng, “I’m good, Dad.”Kinuha nito ang kamay niya at dinala sa labi nito para halikan. Ngumiti din ito kapagkuwan.“Good. Because ilang araw akong mawawala kasi. Ayokong umalis na hindi masigurong nasa maayos ka.” Dinala naman ng ama ang kamay niya sa pisngi nito. “Lahat gagawin ko, makuha lang ang hustisya sa nangyari sa ‘yo.”Speaking of hustisya, tiningnan niya ang ama nang seryoso. “N-nahuli na po b
DAHIL hindi naman kayang matapos ni Kana ang mga papeles na dinala ng sekretarya niya, nagpasya siyang hindi na muna uuwi. Tumawag siya sa ina at sinabing marami siyang gagawin.“I’ll tell your dad about this. Alright?”“Thanks, Mom. Love you!” Nang maalala si John ay pinahabol niya sabihing. “So, pwede ko na ho siyang pauwiin, Mom?”“Who?”“John. JJ.”Napangiti si Kana nang sagutin siya ng ina na pauwiin na lang muna niya ang bodyguard. Kaya naman after na pinutol ng ina ang linya, agad siyang lumabas at hinarap ang bodyguard.Napasimangot si Kana nang maabutan sa sala ang boduguard na prenteng nakaupo sa sala. Nakataas ang kamay nito sa armrest ng sofa niya, naka-cross legs pa habang nanonood ng pelikula. Tumingin siya sa upuang dinala dito kanina. Naiwan doon sa may pintuan banda.“What are you doing?”Kalmadong tumingin sa kanya ang bodyguard at ngumiti. “Nanonood ho, ma’am.” Tinuro pa nito ang TV.Nakaramdam siya nang inis sa inasta nito. As if, hindi siya ang amo kung kausapin
NAPABALING si John sa kasamahan nang sikuhin siya nito. Nginuso nito si Kana na sunod-sunod ang lagok ng alak. Nasa loob sila ng VIP room nito. Lima silang nakabantay sa dalawang dalagang nag-iinuman. Pinpalabas sila ng dalaga kanina pero hindi sila natinag dahil kabilin-bilinan ng ama nito na hindi nila pwedeng iwan kahit na sa VIP room pa ‘yan. Kahit na ito pa ang may-ari ng bar na ito.“Grabe! Ang lakas pala ni Senyorita sa alak,” ani ni Tonyo na kasamahan niya. “Masarap siguro siyang kainuman.”Imbes na sumagot, siniko niya ito. Doon pa lang sa salitang masarap na sinabi nito, nainis na siya bigla. Hindi niya maintindihan ang sarili niya. Ayaw niyang naririnig ang mga kasamahan na pinagpapantasyahan si Kana. Kahit na sabihing wala itong gusto sa kanya, pero siya ang nakauna rito. Kung hindi man nito pinapahalagahan iyon, siya oo.Nakatitig lang siya kay Kana habang seryosong nakikipag-usap kay Francy Lou. Nakilala na niya ito noong nasa Malaysia sila. Pero hindi niya magawang maba
NAPABALIK si Kana sa sarili nang tumunog ang telepono niya. Agad niyang kinuha iyon sa bag at tiningnan kung sino ang tumatawag. Napangiti siya nang makita ang pangalan ng caller. Sa isip ni Kana, answer button ang napindot niya, dinala pa niya iyon sa tainga niya. “Grant!” Imbes na may sumagot, tumunog ulit iyon na ikinalayo niya ng telepono sa tainga. Tiningnan niya ang screen. Nawala ba ito sa linya o na-cancel niya? Pinilig na lang muna niya ang ulo, baka sakaling mawala ang kalasingan niya. Dahan-dahan lang ang pag-swipe niya para masagot iyon. “At last!” bungad ni Grant sa kabilang linya. “Where are you?” Napangiti siya sa narinig. “I bet, kakalapag mo lang?” Isa itong piloto kaya bihira niya itong makasama. Pero kababata niya ito at isa na rin sa maituturing niyang bestfriend. Lumabas si Kana sa banyo at tinungo ang labas ng opisina para balikan si Francy Lou. Nakangiti siya noon habang pinapakinggan ang kababata sa kabilang linya. “Oh, yeah. I missed you. Where are y
PAMILYAR na naman ang naramdaman ni Kana nang gumalaw ang labi ni John sa loob niya. Pero mas matindi ang galit na nararamdaman niya para kay John dahil sa nakaraan nila. Kaya naman inipon niya ang lakas niya at tinulak ito palayo sa kanya. Kasunod nga iyon ang mag-asawang sampal na binigay niya dito. Nagulat ito sa ginawa niya. Dumilim pa ang mukha nito. Mukhang siya pa ang may utang rito sa paraan nang tingin nito. Pero sa huli, hindi ito nakaimik.“Get out of the car, John,” aniya sa seryosong himig.“Mabilis lang ang biyahe, tiisin mo na lang muna ang presensya ko,” anito, imbes na sundin siya.“Lumabas ka na sabi, e!” malakas na sigaw niya na ikinatigil ni John. “I. Hate. You!” sigaw niya ulit dito. “I hate you, John! ”Doon na ito natigilan nang matagal. Tumitig din ito sa kanya na puno nang katanungan ang mga mata.“H-hindi ko talaga maintindihan kung bakit ang init ng dugo mo sa akin, Ma’am,” seryosong sabi nito. Tuluyan nang nawala ang playful na awra nito.Natawa siya nang