Chapter 155

“Ang sabi ni Spencer, si Inna raw ang isa sa nakakalaro nila sa playground maliban kay Marlo, anak ni Janice. Naitanong ko na kay Janice kung may kilala siyang Inna, pero ang sagot niya, wala siyang kilalang ganoon. Sa paglalaro raw ng mga bata sa playground sa likuran, si Edcil naman ang madalas nilang kasama,” kwento ko sa asawa ko sa cellphone habang naggigisa ng bawang at sibuyas para sa ulam na lulutuin ko para sa tanghalian namin.

Kanina pa kami nag-uusap habang nasa opisina pa siya. Nang matapos kasi ang office meeting niya, agad siyang tumawag para tanungin ako tungkol sa pinag-usapan namin ni Spencer. Pero limitado lang ang sinabi ko—ayaw ko siyang masyadong mag-alala. Deep inside, I feel something strange about that *Inna* girl. Ayon kay Spencer, bigla na lang daw itong sumusulpot sa playground at hindi nila alam kung saan nanggagaling. Parang multo.

“Sino si Edcil?” tanong niya, medyo seryoso ang tono.

“Pamangkin ni Janice,” sagot ko habang hinahalo ang kawali, pilit na ina