Chapter 42

Habang naglilinis si Esteban sa mga pinggan sa lamesa na hindi naman inubos ng mama ni Anna ang pagkain nito dahil hindi raw niya nagustohan ang luto ni Esteban kahit sa katunayan ay wala lang itong gana kumain. Lumabas sa kusina si Isabel at sinundan naman ni Roberto, naiwan si Anna at si Esteban sa kusina. 

Umupo si Isabel sa sofa na para bang pagod na pagod, sinandan naman siya ni Roberto. "Anong gagawin natin?" tanong nito sa asawa.

"Wala tayong gagawin, lilipat na rin naman tayo. Ano bang dapat gawin?' mahinahong tanong ni Roberto ngunit nainis na si Isabel sa sagot nito. 

Dalawang milyon ang kailangan nila para makalipat sila sa village, pero anong gagawin nila kung ang dalawang milyon ay ibinigay na nila kay Isidro na kapatid nito. Nagtaka naman si Roberto nang tumayo ang asawa at bumalik sa kusina.

"Esteban..." Lumingon si Esteban at napahinto silang dalawa ni Anna sa ginagawa. "Kapag lilipat tayo, ikaw ang taga luto at tagalinis ng baha