KABANATA 18

HINDI pa ‘rin ako makapaniwala na kasama ko na ngayon ang anak ko at maging sila Adeline at Lola. Hindi pala talaga nila sinabi saakin na aagahan nila ang uwi dahil surprise daw. Talagang na-surprise naman ako at eto nga’t kapapatulog ko lang kay David. Napagod kasi ito sa byahe kaya hinayaan ko na siyang matulog kahit na tanghali palang.

“Ate?”

Napalingon ako sa nagsalita at napangiti ng makita si Adeline.

“Baba ka muna ate, kausapin ka lang namin.”

Tumango ako sa kaniya at nag-ingat na bumaba mula sa higaan para hindi magising si David. Hinalikan ko muna ang noo ng aking anak bago ako sumunod sa baba. Nakita ko sila na nasa sala at mukang seryoso ang pinag-uusapan.

“Ate!”

Sinalubong ako ni Adeline at niyakap ako nito ng mahigpit. Hindi ko na suot ngayon ang contact lenses dahil andito na si Adeline, ako na muli si Devina.

“Apo ko, kumusta ka na?” pagbati saakin ni Lola at niyakap ‘din ako.

“Lola, maayos naman po ako. Kayo po? Pasensya na kung hindi ako nakakatawag ng