CHAPTER 15 - Crying Out Loud

Mabilis na lumipas ang mga oras, araw, linggo at buwan. So far so good naman ang takbo ng printing shop ni Candy, kumikita na at nakakapag ipon.

Tuloy pa rin ang pagiging part timer niya bilang isang virtual assistant at graphic designer online.

Regular siyang nakapagpapadala ng perang panggastos ng magulang at mga kapatid sa probinsya.

Nasa ikatlong taon narin kasi sa kolehiyo ang kapatid niyang babae na sumunod sa kanya sa kursong Tourism na pangarap ang makapaglakbay sa iba't ibang panig ng mundo.

Graduating naman sa grade 12 ang lalaking sumunod dito at ang dalawang sumunod naman ay nasa grade 8 at grade 6. Walang katapusang gastusin ang nakaatang sa balikat ni Candy pero hindi niya iniinda ang lahat ng problema dahil masaya siyang nakakatulong sa kanyang pamilya.

Si Caloy naman, ayon walang sawa parin sa kabubuntot sa kanya. Panay parin ang pahaging nito na nakasanayan niya nalang din na para bang normal nalang na lagi lang itong nasa paligid at pakalat kalat sa paningin niya.