HMD 1.2 The New Secretary

“How do I look?” tanong ni Daven kay Pietro.

“Muntik na po kitang hindi makilala sir! Nawala po bigla ang angas niyo eh pero guwapo at matipuno pa rin siyempre,” agad na tugon ni Pietro.

Inakbayan ni Daven si Pietro at sabay silang naglakad patungo sa parking lot. Pietro is like a grandfather to him. He's their family driver since he was a child.

Napahinto sa paglalakad si Daven nang sumagi sa isip niya ang imahe ni Elera. He called someone and said, “I have another task for you. Locate Elera Luciano’s residence and gather informations about her."

["Another target po ba ito, boss?"]

"Questions are not allowed. Just do it. Send her profile in my email as soon as you have it," masungit na tugon ni Daven at pagkatapos ay pinatay na niya ang tawag.

"Sir, ngayon ko lang po kayo nakitang ganiyan ka-interesado sa babae. Kapag kailangan niyo po ng tulong sa panliligaw, sabihan niyo lang po ako. Expert po ako sa ganiyan," labas ang pang-mais na sabi ni Pietro, kumindat pa ito.

"You're always like that. Anyway, hindi mo na ako matatawag na bakla. I could still remember how you teased me when I was in highschool and college," Daven chuckled.

"Oo nga po eh. Kapag po ba nakita niyo ulit 'yong babaeng 'yon eh may magaganap na po bang kasalan?" ani Pietro.

Tumawa nang malakas si Daven, "I … I'll think about that. Alam mo namang hindi ako basta-basta nagtitiwala, babae ka man o lalaki. Kailangan ko muna siyang makilala nang mabuti. Isa pa …"

"Isa pa?" kunot-noong tanong ni Pietro.

"I need a brave wife. I need someone who will embrace me as a whole, who will accept my worlds and my loved ones. Ang totoo, nagdadalawang-isip pa ako kung mag-aasawa pa ba ako o hindi na, dahil ang pagkakaroon no'n ay isang kahinaan sa mundong aking kinabibilangan," malungkot na sambit ni Daven. Huminga siya nang malalim at pa-sikretong kinuha ang susi ng sasakyan sa bulsa ng pantalon ni Pietro. 

"Today, I will be your driver," nakangiting sambit ni Daven habang ipinapahili ang hawak niyang susi kay Pietro.

Kinapa ni Pietro ang bulsa ng kaniyang pantalon. Napailing na lamang siya habang nakangiti. Hindi na siya nagsalita at tahimik na umupo sa passenger's seat. Sanay na siya sa mga galawan ni Daven. Bata pa lamang ito ay kinakitaan na niya ito ng potensyal. Bukod sa matalino si Daven, madiskarte rin ito at may matalas na pakiramdam.

After a long drive, nakarating na rin sila sa PBC. Agad na nagsuot ng facemask at salamin si Daven. Tatawid na sana siya sa kalsada nang biglang nahagip ng kaniyang mga mata ang babaeng hindi mawala-wala sa isip niya.

"Elera," Daven whispered. Mabilis siyang tumawid ng kalsada. Pagkatawid ay marahan na siyang naglakad para pagmasdan ang kagandahan ni Elera. "She's … she's stunning."

Kumunot ang noo ni Daven nang may lalaking lumapit kay Elera. "Who the hell is he?" Ibinaba niya nang bahagya ang kaniyang salamin at in-examine ang tindig at hitsura ng lalaking kasama ni Elera. "Ang pangit naman ng taste niya kung boyfriend niya ang tukmol na 'yon," aniya habang binubugbog na niya sa kaniyang isip ang lalaki.

Napataas ang kilay ni Elera nang maramdaman niyang mayroong nakamasid sa kaniya.

"Ako lang ba ang nakararamdam na parang may nagmamanman sa atin?" tanong ni Elera sa pinsan niyang si Raven.

"Guni-guni mo lang 'yon," tugon ni Raven habang binubuklat ang clearbook na ibinigay sa kaniya ni Elera. "Siya nga pala, where did you get this?"

"Sicily, Italy. Sa mismong lungga ni Don Aniello."

"Sa tingin mo, sinong papalit sa kaniya?" tanong ni Raven habang tinitingnan ang profile ng mga miyembro ng mob.

"Sino pa? Eh 'di si Hugo. Bukod sa siya ang underboss, anak din siya sa labas ni Aniello. Nag-iisang anak na lalaki," kumpiyansang sagot ni Elera. Iniikot niya ang kaniyang mga mata. Pakiramdam niya talaga ay may nakamasid sa kanila.

Mabilis na yumuko si Daven nang biglang tumingin si Elera sa direksyon niya. Nagkunwari siyang nagtatali ng sintas ng kaniyang sapatos para hindi siya pagtinginan ng mga tao sa paligid.

"Shit! Muntik na niya akong makita!" Napahinto si Daven sa pagsasalita. "Teka bakit ba ako nagtatago? Wala naman akong ginagawang masama?" turan niya sa sarili.

His heart dropped down to his stomach when someone poked his shoulder. Still, he managed to stay calm.

"Hey, nice to see you again Ele —" Huminto sa pagsasalita si Daven nang makita niya kung sino ang kumalabit sa kaniya.

"Sir? Bakit po ganiyan ang hitsura niyo? Sino po si Ele?" nagtatakang tanong ni Mila, ang human resource head at ang tanging empleyado ng PBC na nakaaalam na si Daven ang CEO ng kompanya.

Napatawa nang malakas si Daven. Mabilis siyang tumayo. Lumingon siya sa kabilang kalsada. Wala na si Elera at ang lalaking kausap nito.

"I'm in disguise. We need to talk, Mila. This is crucial. I know, I can trust you with this," ani Daven. Naglakad na siya papasok ng coffee shop.

"Thank you for your trust, sir. Hindi ko po 'yan sasayangin," sambit ni Mila.

"Good. Alam mo na naman din siguro kung ano ang parusa sa mga taong may matabil na dila," ani Daven na may tonong pagbabanta.

Tumango si Mila. Pagpasok sa coffee shop ay dumiretso siya sa counter para umorder samantalang si Daven naman ay naghanap na ng magandang puwesto at umupo na ng prente. Iniisip niya kung anong ginagawa ni Elera sa harap ng kompanyang pag-aari niya.

****

Pandalikdik sa pagtipa si Elera sa kaniyang laptop. Matagal siyang naglagi sa Italy kaya natambakan siya ng mga gawain. Maya't-maya rin ang pagtawag sa kaniya ng mga branch managers ngunit ang kanilang pakay ay hindi tungkol sa trabaho kung hindi tungkol sa misteryosong CEO. Kinukulit nila si Elera tungkol dito.

"Kasalanan 'to ni Melanie eh. Natutulog sana ako ngayon sa malambot kong kama. Dalas-dalas pa naman akong pumunta rito kahit bangag na bangag pa ako tapos hindi naman pala totoo ang sinabi niya. Mahirap talaga maniwala sa mga sabi-sabi!" inis na turan niya.

Isinara niya ang kaniyang laptop at lumakad patungo sa veranda ng kaniyang opisina. Kumalma ang kaniyang isipan nang makita niya ang view buhat doon.

"Ang sabi ni Mila darating din daw ngayon ang bago kong secretary. Sana naman maging permanent na siya." Huminga nang malalim si Elera bago muling bumalik sa kaniyang upuan. Mabilis niyang dinampot ang kaniyang cell phone nang tumunog ito. Tumatawag ang pinsan niyang si Raven.

"Oh Raven, anong balita?" bungad ni Elera.

["Nagparamdam na si Shadow. Negative."]

Tumaas ang kanang kilay niya. "Anong negative?"

["Hindi si Hugo ang nahirang na Mafia Don."]

Kumunot ang noo niya. "That's impossible! Si Hugo lang ang may kakayahang pamunuan ang mob."

["He's still the underboss. I also confirmed it with a made man (an inducted member of the mob). Ayon pa kay Shadow at sa made man, misteryoso raw ang sumunod na boss. Mga capo at mataas na opisyal lang ang nakakikilala sa kaniya."]

"DAMN!" sigaw ni Elera. Hinawakan niya ang mga nakatambak na files sa ibabaw ng kaniyang mesa at akmang itatapon iyon sa sahig nang biglang may kumatok sa pinto. "Sino 'yan?" aniya habang maingat na ibinababa ang hawak niyang mga papel.

"Si Mila 'to. Kasama ko na ang bago mong secretary. Papasok na kami."

Mabilis na inayos ni Elera ang kaniyang buhok at dali-daling pinatay ang tawag. Umupo siya nang maayos sa swivel chair habang hinihintay ang pagpasok ni Mila at ng bago niyang sekretarya.

Unang pumasok si Mila. Naiwan pa sa labas ang bagong sekretarya.

"Good afternoon. Akala ko ba kasama mo na ang new secretary ko? Nasaan siya?" sambit ni Elera habang nililinga kung may papasok pa sa loob ng kaniyang opisina.

"Parating na siya. Anyway, sana tumagal na siya sa'yo," pabirong wika ni Mila.

"Well, tatagal naman siya sa akin kung magkakasundo kami sa mga bagay-bagay at KUNG MAAYOS siyang magtrabaho. Alam mo naman ang duties and responsibilities ko, hindi biro. Ayokong madagdagan pa iyon ng isang intindihin," prangkang sabi ni Elera. Nakapatong ang kaniyang baba sa dalawa niyang mga kamay.

"Naiintindihan naman kita sa bagay na 'yan, that's why, I hired him."

'Him? Lalaki?' Dahan-dahang ini-angat ni Elera ang kaniyang mukha nang bumukas muli ang pinto. Napatayo pa siya sa kaniyang kinauupuan. Tila nag-slow motion ang paligid nang pumasok ni Daven sa silid. Unang tiningnan ni Elera ang mga paa nito pataas sa mukha. Nagsalubong ang kaniyang mga kilay nang makita niya ang hitsura ng bago niyang secretary.

'His face and presence is familiar. Saan ko nga ba siya nakita?' piping sabi ng utak niya.

"Good afternoon po. Maraming salamat po sa pag-hired sa akin. Asahan niyo pong pagbubutihin ko ang aking trabaho," magalang na bati ni Daven. 'Hindi ko alam na kakampi ko pala ang tadhana. Akalain mo nga naman. Ang babaeng ipinapahanap ko ay naririto lang pala sa loob ng kompanya. Kahit pala masama kang tao, mabait pa rin ang Diyos sa'yo,' sigaw ng isip niya habang nakatitig sa napakagandang mukha ng babaeng unang nagpatibok ng kaniyang puso.

Halinhinang tinitingnan ni Mila ang ekspresyon ng kaniyang lihim na amo at ng general manager ng PBC. Kung ano-anong spekulasyon ang nabubuo sa kaniyang isip dahil sa kakaibang tingin ng dalawa sa isa't-isa.

"You looked familiar. Have we met before?"

Napangiti si Daven. Naalala niya noong siya ang nagtanong ng bagay na iyon kay Elera sa labas ng airport.

"We met outside the airport," nakangiting sagot ni Daven.

"That's it! Sabi ko na nga ba eh nakita na kita!" sambit ni Elera na para bang nanalo siya sa lotto.

"Mukha namang hindi ko na kailangang ipakilala pa kayo sa isa't-isa. Maiwan ko na kayo," ani Mila sabay tayo sa kaniyang kinauupuan. "Ang suwerte mo Elera, mukhang may gusto sa'yo ang CEO at Presidente ng kompanyang ito," bulong niya.

"Anong sabi mo Miss Mila?" tanong ni Elera matapos niyang marinig nang malabo ang bulong na iyon ng HR head nila.

"Wala. Pa'no? Balik na ako sa office ko ha. Marami pa akong dapat asikasuhin. Siya nga pala Elera, be gentle on him. Huwag masyadong mataray at pala-utos ha kung ayaw mong mawalan ng trabaho," natatawang sabi ni Mila bago tuluyang lumabas ng opisina.

Napa-isip si Elera sa sinabing iyon ni Mila. 'Anong ibig niyang sabihin? Ako? Mawawalan ng trabaho dahil lang sa pagtataray at pagiging pala-utos? She's acting weird. Alam naman niyang ganoon sadya ang personality ko since I started working here.'

Muling naramdaman ni Elera ang naramdaman niya kanina nang nasa labas sila ng PBC ni Raven. Ang mga titig na iyon. Inalog niya ang kaniyang ulo at naka-ngiting hinarap si Daven.

"Welcome to my office. I hope we can get along," Elera said. Hindi niya maipaliwanag ang kaniyang nararamdaman. Bakit parang naiilang siya kay Daven? He's a nerd guy pero hindi niya maitatangging malakas ang dating nito.

"Thank you po," ani Daven. Hindi pa rin niya inaalis ang kaniyang mga mata sa mukha ni Elera hanggang sa ito na mismo ang umiwas sa kaniya. 'I never thought that I will be enjoying my stay here while I'm looking for that rat,' he thought. Napapitlag siya nang biglang tumunog ang cell phone niya. Tiningnan niya ang screen, tumatawag si Hugo.

"Go on. You can answer that. You can start working tomorrow," Elera said while keeping herself busy. Ayaw niyang mapako na naman ang tingin niya sa mga mata nito. Para kasi siyang hinihila ni Daven palapit sa kaniya.

Pinatay ni Daven ang tawag. "Mag-call back na lang ako. Mas importante ka kasi kaysa roon sa tumawag," mahinang sabi niya.

Nalipat ang tingin ni Elera mula sa kaniyang laptop patungo sa nakangiting si Daven.

"What did you say?"

"Ang sabi ko po, uuwi na po muna ako. See you tomorrow po," palusot ni Daven.

"Okay. You may go," masungit na tugon ni Elera.

Lumabas na ng opisan si Daven. He couldn't stop smiling. Sa dami ng gulong pinasok niya, kay Elera niya lang naramdaman ang ganoong klase ng excitement.

Napawi ang ngiti sa labi ni Daven nang mabasa niya ang text message galing kay Hugo.

{We lost four capos and a hundred soldiers during our fight with the Asian Assasins. Please be safe there. Some of their members will be flying in your country to find you. I don't know if they already discovered about your identity. Be careful.}

Ang sunod na pumasok na mensahe sa kaniyang cell phone ay galing naman sa kaniyang Mama Aira.

{Nasa Pilipinas ka na ba anak? Dumiretso ka ba sa PBC?}

Halos mapatalon si Daven nang maramdaman niya ang presensya ni Elera sa kaniyang likuran. Kailan pa ito lumabas ng opisina? Ni hindi niya man lang narinig na kumalabog ang pinto.

"Is your mother working here?"

Mabilis na itinago ni Daven ang kaniyang cell phone sa bulsa ng kaniyang pantalon.

"She's a retired employee here," mabilis na tugon ni Daven.

"Ah. Okay."

Biglang hinarap ni Daven si Elera dahilan para mapasandal ang dalaga sa may pinto. They could feel each other's breathe. Napalunok ng sunod-sunod si Elera. Bakit hindi niya magawang itulak si Daven? Hindi rin siya makakurap. Napahawak siya sa kaniyang dibdib nang marinig niya ang nakakabinging pagtibok ng kaniyang puso. Napapikit siya sa pag-aakalang hahalikan siya ni Daven.

'Gusto ba niyang halikan ko siya?' ani Daven sa kaniyang isip. Mas lalo pa siyang lumapit kay Elera. He could hear her heartbeats. Naudlot ang sana'y first kiss niya nang biglang dumating si Mila.

"May nakali — Oops, sorry. Nakaabala yata ako," natatawang sambit ni Mila. Tumalikod siya agad at lumakad palayo sa dalawa.

'Ano bang ginagawa mo Elera? Bakit ganiyan ka? Nakakahiya!'

"Ah GM, uwi na po muna ako. See you tomorrow po." Abot-tainga ang ngiti ni Daven nang ma-realized niyang may pag-asa siya kung sakaling ligawan niya si Elera.

"Si-sige. I-ingat ka," ani Elera sabay pasok sa kaniyang opisina. Pagkasara niya ng pinto ay napahawak siya sa kaniyang dibdib. Halos kumawala na ang kaniyang puso dahil sa lakas ng kabog nito.