5

"O dahan-dahan lang sa pag-upo at baka mapano si inaanak." Sabi ni Leigh at talagang inalalayan pa ko sa pag-upo.

Simula nong malaman namin na buntis ako ay todo asikaso na siya sakin e kulang na nga hindi na niya ako pagalawin e kesyo baka daw mauntog ang inaanak niya. Kitams baliw talaga e hindi pa naman buo si baby since 3 weeks palang naman siya saka wala pang umbok itong tiyan ko.

Isang araw din akong nasa ospital dahil sobrang sama talaga ng pakiramdam ko pero ang sabi naman ng doctor ay normal lang 'yon para sa early stage pregnancy na gaya ko at wag na daw akong magtaka kung sa paglipas ng mga araw ay maging maselan na ko sa lahat.

"Wag ka ngang OA diyan Leigh. Dugo pa tong si baby kaya paanong mauuntog siya."

"Mabuti na 'yong sigurado no. Ah siya nga pala may gusto ka bang kainin ipaghahanda kita." Umiling lang ako dahil hindi pa naman ako gutom.

"Umuwe ka kaya muna. Kahapon mo pa ko inaalagaan. Don't worry i can take care of myself lalo pa at may baby na sa tiyan ko." As if namang hahayaan kong may mangyare sa anak ko. Kahit naman dugo pa siya e mahal ko na siya e. 

"Hindi pwede lalo na at wala kang kasama dito sa bahay mo. Ayaw mo namang makitira sa bahay ko kaya ako nalang ang makikitira sa'yo. Diyan ka lang at wag kang magkikikilos. Magluluto lang muna ako." Aniya at lumabas na ng kwarto ko.

I'm very thankful dahil may kaibigan akong tulad niya. Wala man akong pamilya pero para sakin ay meron na dahil sa isang kagaya niya ang nasa tabi ko.

Humiga naman ako sa kama ko at tulalang tumitig sa kisame ng kwarto ko. Nag-iisip-isip kung paano ko nga ba sasabihin sakanya ang pagbubuntis ko. Although alam ko na ang magiging reaksyon niya.

He won't accept our child, i know that pero nagbabakasali lang naman ako na baka posibleng tanggapin niya ang anak namin. May puso pa naman siya diba?

'I hope so..'

Hindi ko na namalayan na dahil sa pagmumuni-muni ko ay nakatulog na ako. Nagising nalang ako ng tinapik- tapik ni Leigh ang mukha ko.

"Hey it's dinner time already. Bumangon kana at kumain. Hindi ka nakapag lunch kanina kaya hindi pwedeng hindi kadin kumain ng dinner." Tumango naman ako at bumangon. Nakaramdam na din kasi ako ng gutom kaya tama lang ang pag gising niya sakin.

Sabay kaming pumunta sa dinning room ng bahay ko at naupo.

"So kailan mo balak sabihin sa lalaking 'yon ang tungkol diyan sa dinadala mo?" Tanong niya habang sumasandok siya ng pagkain sa plato niya.

"I don't know yet. Hindi ko alam kung anong magiging reaksyon niya tungkol dito." Sagot ko at sumubo na ng pagkain.

"Whatver his decision is nandito pa rin akong bestfriend mo. I help you to take care of your baby at saka marami pa namang lalaki sa mundo so makakahanap ka din ng TUNAY na magmamahal sayo." Sabi niya at pinagdiinan pa talaga ang salitang tunay.

"Ang swerte ko talaga sayo. Pero advice ko lang bawas-bawasan mo ang pagiging mataray mo kaya ka hindi nagkaka boyfriend e dahil papalapit palang sila sinisipa mo na palayo. Yong totoo tomboy ka ba?" Pabirong tanong ko kahit alam ko naman na straight girl siya. Trip ko lang na biruin siya.

"G*ga! I'm straight kaya and i like boys. Sadyang hindi palang talaga dumadating ang the one ko. Ikaw nga tong may lalaki na sa buhay pero wala namang kayo." 

'Ouch lang ha. Tinamaan ako don.'

Pero hindi nalang ako umimik dahil tama din naman siya. Wala ngang kami. I'm just his past time nothing else.

KANINA pa ko pabaling-baling ng higa pero hindi talaga ako makatulog. May takot kasing namumuo sa puso ko. Hindi ko alam kung makakaya ko ba kung hindi niya tanggapin ang anak namin. Pero sana naman may konting awa pa siya na natitira kahit hindi na para sakin, kahit para nalang sa bata.

Nang hindi parin ako makatulog ay bumangon na muna ako saka pumunta sa mga terresa ng kwarto ko at pinagmasdan ang bilog na buwan.

Hilig ko kasing pagmasdan kapag bilog ang buwan, maganda kasi ito at nakakaginhawa ng pakiramdam.

Hinawakan ko ang impis ko pang tiyan habang pinagmamasdan ang buwan.

'I'm excited to have you by my side my little one. Hindi na ko makapaghintay na makasama kang pagmasdan ang buwan.'

ON the way ako ngayon papunta sa condo ni Sage. Ngayon ko balak ipaalam sakanya ang tungkol sa pagbubuntis ko at talaga namang sobra akong kinakabahan. Nanlalamig na din ang mga kamay ko at hindi ako mapakali sa upuan ko.

Nang makarating ako sa condominium building ni Sage ay agad akong umakyat sa floor kung san nandoon ang condo niya.

Huminga na muna ako ng malalim bago ko tinype ang passcode niya at binuksan ang pinto.

Walang tao sa sala ng makarating ako e sobrang aga pa naman. Sinadya ko na agahan ang pagpunta dito para maabutan ko siya dahil kung hapon o gabi naman ako pupunta baka nag- over time na naman siya sa trabaho at hindi ko din siya maka-usap.