CHAPTER 66

SARIWA pa rin ang pagkamatay ni Xander sa kanilang lahat. Hindi alam ni Heilena kung paanong magpapatuloy gayong labis labis ang pag-iyak rin ng anak niya nang malaman nito ang totoo. Na kailan man ay hindi na babalik si Xander. Kinilala niya na rin itong Daddy kahit sa sandaling oras lang. Imbes na ilang araw na sana ng magiging kasal nina Heilen ay napaatras ang tentative date nito dahil sa pagkawala ni Xander. Patatapusin na lang nila ang burol bilang respeto na rin sa lahat dahil halos lahat sila ay nagluluksa pa rin.

"Bad trip naman, e. Bakit ba kasi kailangan pa tayong madamay diyan sa pagkamatay ni Xander? Anong kinalaman ng burol niya sa kasal ko?" Bakit ako ang kailangang mag-adjust?" Mainit na naman ang ulo ni Heilen. Pabalik-balik siya sa paglalakad at hindi mapakali nang makiusap ang mommy at daddy niya na i-move na lang muna ang kasal nila ni Timothy hanggang sa mailibing si Xander. Kaya heto ngayon si Heilen, kulang na lang ay bumuga ng apoy.