Kabanata 50: Eskandalo

Hapon na nang makauwi si Aeverie galing sa pagbisita niya kay Abuelo. Ang nakakainis pa, si Silvestre ang naghatid sa kaniya sa hotel dahilan para pagtinginan sila ng ilang empleyado nang makita sila sa parking lot.

Kung hindi sila nakita ng mga empleyado nang umalis sila, nakita naman sila nang ihatid siya ni Silvestre pabalik sa hotel. Kuryuso ang mga mata ng mga empleyado, ngunit walang nangahas na magtanong.

Naroon pa rin si Blue sa kaniyang opisina, hinihintay siya.

“How’s the patient?” Tanong niya agad kay Blue nang makita niya ito.

“Maayos na siya nang bisitahin ko ulit kanina. Magkasama kayo ni Mr. Galwynn?”

Inilagay niya ang kaniyang mga gamit sa kaniyang bag at sinulyapan saglit si Blue. Baka nakita nito sa monitor ang pagdating nila? Dahil parang napakaimposible naman na nakaakyat agad sa kanilang floor ang balita.

“Binisita ko si Lucio Galwynn.”

Tumango si Blue ng marahan, ngunit blangko pa rin ang ekspresyon ng mukha.

“How about Lucinda Galwynn? What would we do to