C2

Dumaan ako sa may likod ng bar dahil nakita ko na puno na naman ang loob at may mga costumers pang hindi nakakapasok dahil siksikan na sa loob.

Walang nakakakilala sa akin dahil sa nakasuot ako ng wig at nakasuot pa ng mask sa bibig at tanging ang mga mata ko na may suot na eyeglass ang makikita sa aking mukha. Nakasuot rin ako ng itim na jacket.

Pagpasok ko sa loob ay deretso na ako sa dressing room. Naabutan ko na nga sa loob si Erin na siyang inupahan ko para mag ayos ng make up ko.

"Alina, sa wakas nandito ka na." salubong niya sa akin ng makita ako.

"Magandang gabi." alanganin pa akong ngumiti at nakaramdam ng pagkabalisa dahil sa tinawag niya ang pangalan ko. Baka may iba pang makarinig na nakakakilala sa akin.

"Sinabi ko naman sayo na tawagin mo akong Aria kapag nandito tayo sa bar." pagpapaalala ko pa sa kanya at nagpatuloy sa paglapit sa kanya kung saan naghihintay na ito sa harap ng make up stand kung saan nga niya ako mi-make-up'an.

"Ai, sorry naman," humagikgik pa siya na hinawakan na ako sa balikat at giniya ng paupo sa harap ng make-up stand."

"Passensya ka na, kailangan pa kitang maabala ngayong araw." paghingi ko pa ng pasensya sa kanya dahil inabala ko nga ito kahit na marami itong ginagawa sa sariling shop nito.

"Aria! Aria, I told you, it's my honor to do your makeup. Aba, ikaw ang gustong gusto kong minimake-up'an dahil ang ganda ganda mo. Hindi nakaksawa." sabi naman niya sa akin kaya napangiti na lang ako sa kanyang pambobola.

Erin is gay. Magandang gay nga dahil napagaling nitong maglagay ng make upsa sarili. Daig pa nito ang maraming babae sa taglay nitong ganda at kasexihan.

"Sige, sisimulan na natin." aniya ng buksan na ang kanyang make-up kit.

"Erin, gusto ko sana na makapal ngayon ang make up ko." sabi ko sa kanya.

Kailangan kong kapalan ang make up ko ngayon para maitago ang tunay kong hitsura at hindi makilala ng iba lalo na ay may balak ako ngayong gabi na hindi lang pagkanta ang gagawin ko.

"As you wish, darli'n." pakikay pa na sagot nito sa akin at sinimulan na nga akong make-up'an.

Ilang minuto ang matuling lumipas ay tapos na siya.

"Dry ngayon ang labi mo. Maglalagay ako ng kaunting lipsbalm at lip tint sa labi mo."

"Okay, ikaw na ang bahala."

Pumikit pa ako at humarap sa kanya.

"Eh,"

Sa naging reaksyon niya ay nagmulat ako ng mga mata. Kinikilig siyang pinagmasdan ako.

"Damn it, Aria. Ang ganda mo. Kung hindi lang ako mas maganda sayo, naku liligawan kita." pagbibiro pa nito sa akin.

"Haha," hindi ko mapigilan ang matawa sa sinabi niya. "Tapusin mo na lang ng mabilis dahil kailangan ko pang tapusin ang pagkanta ko." utos ko na lang sa kanya at hindi na pinansin ang kakikayan nito.

"Sure, ehem," sagot niya na sinabayan ng pagtikhim. Muli niyang ipinagpatuloy ang paglalagay sa akin ng lip balm at lip tint. "Done and perfect." bulalas ni Erin na pinaikot pa ang inuupuan ko paharap sa salamin.

Pinagmasdan ko ang sarili ko sa salamin. Hindi ko makita si Alina sa harap ko, kundi si Aria ang pangalang nagtatago sa tunay kong katauhan.

"Aria, narinig ko na sumali ka sa auction ngayon dito sa club? Totoo ba?" ilang sandali pa ng pananahimik ko ay tanong sa akin ni Erin. "Alam ko na kailangang kailangan mo ng malaking halaga ngayon, pero sigurado ka ba na ibebenta mo ang katawan mo para lang magkapera?" puno ng malasakit ang tinig niya.

Nagpakawala ako ng isang malalim na paghinga na tumingin dito sa salamin.

"Wala akong mapagpipilian." maikli kong sagot dito. Kuyom ko pa ang kamao ko na nakatago sa ilalim ng make up stand. "Hindi ako pwedeng manatili dito. Kailangan ko ang makukuha kong malaking halaga ngayong gabi, para sa pagpapagamot ng aking ama."

Si Erin naman ang nagpakawala ng isang malalim na paghinga. Umakbay pa siya sa akin.

"Sana hindi mo pagsisihan ang pagpapasya mong ito, Aria."

"Alam ko, hindi ko kailanman ito pagsisisihan."

Buo na ang pasya ko. Ilang araw ko ring pinag iisipan ang gagawin ko ngayon. At ito na ang huling gabi ko dito sa CHAOS CLUB.

.....

Madilim ang loob ng club. Tanging ang malamlam na ilaw ang nagsisilbing liwanag sa mga tulad kong costumers habang nakatutok sa babaeng nasa entablado ang spot light.

"Ang susunod na kakanta ay ang pinakamaganda, pinakasexy, at pinakamagaling kumanta dito sa CHAOS CLUB, Aria!"

Pagkarinig ng mga costumers ang sinabi ng host ay pumailanlan ang malakas na palakpakan ng mga costumers. At walang humpay na pagatawag sa pangalan niya.

Nairita na ang tainga ko sa lakas ng sigaw nila. Halos kadarating ko lang din, at sabi ng kaibigan ko na mag magandang maidudulot ang minsang kong paglabas at pagpunta sa ganitong lugar, pero pag apak pa lang ng mga paa ko kanina sa pinto ng club ay nagsisisi na ako kung bakit ba ako pumunta sa ganitong lugar.

Bukod sa siksikan ay ang ingay ingay pa.

Nagpakawala ako ng isang malalim na paghinga sa ko minsanang itinungga ang alak sa baso sa harap ko. Saka ako naglabas ng cash at tumayo.

Hindi ko matagalan ang ingay.

Tumalikod na ako at humakbang na palabas.

"She looks mediocre," sa loob loob ko.

"Shh, please, quiet down, everyone."

Narinig kong sabi ng babae sa entablado na sa isang salita lang nito ay natahimik ang lahat.

Doon ako natigil sa paghakbang palabas.

"Hindi ako kakanta ng mga rock music ngayon." ang boses ng babae. Saan ko ba iyon narinig.

At dahil sa nausisa ako ay muli akong lumingon at pinagmasdan ang babae.

Ngunit hindi ko matandaan kung kanino ba ang boses na iyon. Kunot ang noo ko na nanatili na ako sa kinatatayuan ko ng magsimula na itong kumanta.

"Moon in the sky, spills over my heart. Under the moon, you look different from the past. Too many scars to convey."

Mas lalong nagsalubong ang kilay ko ng marinig ang malamyos niyang tinig.

Hindi ako pwedeng magkamali. Narinig ko na ang boses nito kung saan. Pero hindi ko maalala kung saan?