Chapter 14

MASAMA ang loob ni Anastacia nang makauwi. Binitawan niya si Fifi nang makapasok sa loob ng mansion saka siya sumigaw. "YAYA!"

Hindi magkandaugaga ang mga katulong sa paglapit sa kaniya. Kapuwa nakatungo ang mga ito, tila takot mapagalitan. Samantala, pumasok ng bahay si Arturo at tumayo sa may pinto.

Hinilot naman ni Anastacia ang kaniyang noo saka tiningnan ang isang katulong. "Ikuha mo ako ng tubig. Nastress ako masyado. Bilis!"

Agad na tumalima ang inutusang katulong. Naglakad siya palapit sa single couch. Bawat lagatok ng takong ng suot niyang sapatos ay mabigat, tila dala niyon ang inis na kaniyang nararamdaman. Naupo siya saka sinenyasan ang isang katulong. Agad naman itong lumapit sa kaniya. "Signora?"

Maarte niyang itinuro ang sintido. "Imasahe mo ako. Sumasakit ang ulo ko."

Hindi nakita ni Anastacia ang talim ng tingin ng isang katulong dahil nakapikit na siya. Bumuntong-hininga naman ang katulong na inutusan niya saka sinimulang masahiin ang kaniyang sintido.

"Signora, heto