Chapter 15

MATALIM ang tingin na ibinabato ni Anastacia kay Leonardo na prenteng nakahilata sa sofa habang nanunuod ng TV. Pangalawang araw na ng binata sa mansion at hindi niya talaga gusto ang pag-uugali at presensiya nito. Malakas ang dating ng binata. Tulad ni Alessandro ay guwapo at makisig pero hindi magkamukha ang dalawa. Fraternal twins. Isang bagay iyon kung bakit hindi niya nahulaan na kapatid ni Alessandro ang binata.

Nagtaas ng kilay ang binata nang lingunin siya nito. Masungit ito sa kaniya pero di hamak na mas masungit siya, ano. Galit rin talaga siya sa lalaki dahil tinadyakan nito si Fifi kaninang umaga. Kitang-kita niya.

"Señorito Leonardo, here is your coffee," paglapit ng isang maid sa binata.

Umismid si Anastacia saka pinagmasdan ang maid. Bakit magaganda, sexy at matangkad ang mga maid sa mansion ni Alessandro. Ngayon niya lamang napagmasdang maigi ang mga maid dahil wala naman siyang pakialam sa mga ito pero napansin niya ngayon na tila mga modelo ang mga ito. Pulido ang tr