Chapter 13

ALIW NA ALIW si Anastacia na pinapanuod ang alaga niyang si Fifi. Isang puting Pomeranian si Fifi na binili niya noong isang araw sa isang pet shop. Naaliw siya nang titigan siya nito habang nagmamasyal siuya kaya naman agad siyang nag-inquire para ma-adopt niya ito. Hindi ito alam ni Alessandro dahil nakalimutan niyang banggitin, tanging si Arturo ang kasama niya nang lakarin niya ang adoption papers ni Fifi at ito ang gumawa ng paraan para makuha niya kaagad ang aso.

Hindi maipagkakailang masaya sa kaniya si Fifi dahil tuwang-tuwa ito habang buhat niya kanina nang kunin niya sa pet shop.

"Signora, narito na ang iyong asawa," ang mayordoma iyon pagkatapos kumatok ng tatlong beses sa pinto ng kwarto nilang mag-asawa.

Excited na tumayo si Anastacia at iniwan sa kama si Fifi. Tamang-tama naman na pumasok si Alessandro na agad ngumiti sa kaniya. "Mia bella."

Ngumisi si Anastacia at agad na sinugod ng yakap ang asawa. Tumalon siya at agad naman siyang sinalo ng asawa na mahina lamang na n