Chapter Thirty One

  Bumaling ito sa ama na nakatayo pa din kung nasaan ito habang nakamasid lang sa kanila, hindi pa ito sumunod. 

 Bumitaw sa pagkakahawak ang bata sa tita niya at naglakad patungo sa ama na ngayon ay tutok na tutok sa anak. 

 Nasa harap na ni Travis ang anak. Hindi niya alam ang sasabihin. Gusto niya itong kabigin at yakapin, sabihin na siya ang daddy nito. 

 "Ah, hello po sorry po kung hindi ko po kayo napansin kanina. Ano pong pangalan niyo? Ako po pala si Trishana." Nakangiting sabi ni Trishana sa ama. Hindi alam ni Travis ang nararamdaman. Kinausap siya ng anak niya. Napakaganda nito. Lumuhod siya para mapantayan ang anak at ngumiti. 

 "Hello sweetheart. It's okay, ang importante binalikan mo ako. My name is Travis." Malawak na ngumiti ang bata. At sa hindi inaasahan ng lahat, biglang niyakap ng batang si Trishana si Travis.