TBHL: Chapter 82

Kumilos na ang mga pulis at pinag-dadakip ang mga tauhan ni Mayell. Pumasok na rin ang mga staff ng ambulansya para kunin ang katawan ng babae at ang mga tauhan nitong injured para dalhin sa hospital.

Habang binubuhat ang katawan ni Mayell ay nakamasid lang si Aaliyah, Nakahinga ito ng maayos, Akala niya napatay na ng pulis ang babae. Hindi naman niya gusto mang-yari iyon, Oo, may kasalanan si Mayell at malaki ang nagawa nito sa kanilang lahat, lalo na sa kanya. Pero hindi kabayaran ang pagpatay.

May anak ito at paniguradong masasaktan si Tracy kapag nalaman nito na namatay ang ina niya. Hindi niya gustong dagdagan ang mabigat na nararamdaman ng bata. Marami na nga itong pinag-daanan na sobrang hirap tapos ay madadagdagan pa. Sobra sobra na ang trauma ng bata. Kaya hanggang maaari ay 'wag na madagdagan. Ilang taon palang si Tracy pero grabe na ang paghihirap nito. Imbes na ine-enjoy lang nito ang pagiging bata, naglalaro at may mga kaibigan ay hindi nagawa dahil sa kany