Chapter 4

"Bess! Musta apply na'tin kanina?" Tanong sa'kin ni Kelly ng mag kita kami sa class room.

Pag tapos ko kasing kumain sa karenderya ay nag tuloy na din ako sa eskwelahan at may pasok pa ako ng alas dose y medya.

"Medyo okay na hindi." Tipid na sagot ko dito ng makaupo na ako sa puwesto ko.

Kunot noo naman itong tumitig sa'kin.

"Ha? Bakit anong ganap?"

"May nakaingkwentro lang ako na nag pa banas sa araw ko." Saad ko dito.

"Ano? NPA? Isis? Maute? Saan?" Sunod sunod na tanong nito sa'kin.

Agad namang nag salubong ang mga kilay ko at tinapunan sya ng masamang tingin.

"OA sa mga tanong bess? Edi, sana wala ako dito ngayon kung 'yon man ang nakaingkwentro ko kanina." Kunwari ay naiinis na saad ko dito. "Where is your common sense Ms. Maria Kelly De Asis?" Tanong ko pa dito.

"Hehe.. naiwan kasi sa bahay bess, kaya sorry agad." Aniya na pag sakay pa sa tanong ko. "Pero, seryoso nga bess, anong nangyari sa lakad mo?" Tanong nito.

"Hay na'ko. May dalawang pulis lang naman na hambog... na naka sabay kong kumain sa karenderya. Hindi naman kami mag kakilala pero kung makalait sa'kin.." Naiinis parin na saad ko dito.

Muling lumitaw sa isipan ko ang itsura ng pulis na lumapit sa'kin.

Tss!

Gwapo sana eh! Mayabang lang.

"Nako. Hayaan mo nalang 'yon. Wag kang mag alala, tutulong kita. Nabanggit ko kasi kay mama kagabi na mag aapply ka ng trabaho... sabi nya hingiin ko daw sa'yo ang resume mo at ibibigay nya sa kaibigan nya para ipasok ka nya doon. Mas madali lang tuloy ang trabaho bess. Sa flower shop lang 'yon. Hindi masyadong matrabaho." Pagbabalita sa'kin ni Kelly.

Agad naman akong nabuhayan ng loob dahil doon.

Mabilis na lumitaw ang malapad kong ngiti sa mga labi.

"Talaga?" Paninigurado ko pang tanong dito.

"Oo. Mamaya bigay mo sa'kin resume mo." Aniya.

"Hay na'ko. Sana nga tanggapin ako bess. Parang pakiramdam ko kasi walang mapapala 'yong lakad ko kanina." Medyo nalungkot pang saad ko dito.

"Teka lang, ngayon ko nalang ibibigay ang resume ko." Saad ko dito t'saka mabilis na tumalima para kunin 'yon sa bag ko.

Pero mayamaya ay agad akong natigilan ng hindi ko makita ang envelope na daladala ko kanina.

Tumingin pa ako sa ilalim ng upuan ko baka nahulog lang.. pero wala doon.

"Hanap mo bess?" Nag tatakang tanong sa'kin ni Kelly.

"Yong envelope ko."

"Wala ka naman dala kanina." Aniya.

Kunot noo akong napabaling sa kanya.

"May dala ako kanina bess. Hawak ko 'yon---" Agad akong natigilan sa pag sasalita ng maalala kong inilapag ko pala 'yon sa upuan doon sa karenderya.

'May naiwan ka'

"Patay! Naiwanan ko sa karenderya." Sambit ko ng maalala ko 'yong sinabi ng pulis kanina na 'di ko naman pinansin.

"Sign of aging." Anang Kelly.

"Ano ba 'yan. Nandon pa naman lahat ng requirements ko bess. Pati 'yong NSO ko. 'Yong mga valid ID ko." Nag aalalang saad ko sa kaibigan ko.

Napangalumbaba nalang ako bigla na sumandal sa likod ng upuan ko.

"Hay na'ko bess.. Problema na naman 'yan." Aniya.

Kasabay ng pag papakawala ko ng malalim na buntong hininga ay napapakamot nalang din ako sa ulo ko.

Kasalanan nong Kevin eh.

Kung sana 'di nya ako nilapitan kanina... hindi ako mag mamadaling umalis doon, at sana hindi ko nalimutan ang gamit ko.

"Babalikan ko mamaya. Baka naitabi lang nong mga nag babantay sa karenderya." Umaasang saad ko sa kanya.

Hanggang sa mag simula ang klase namin.. natapos na lang lahat ng subjects ko sa hapon pero hindi ako makapag concentrate ng maayos.

Ang utak ko'y lumilipad sa kabilang mundo.

Hindi maalis alis sa isip ko ang mga importanteng papeles ko.

Pag tuluyan 'yong nawala... mas mahihirapan akong kumuha ng panibagong kopya non sa NSO.

Maging ang mga valid ID ko na pinag kagastosan ko din dati para lang ma process ko.

"Saan ka?" Tanong sa'kin ni Kelly ng magpatiuna akong lumabas sa class room.

"Babalikan ko lang doon baka nandon pa." Saad ko dito.

"Sama ako." Aniya at nag mamadali namang sumunod sa'kin.

"Ate... may nakita ba ka'yong brown envelope na naiwanan dito kanina?" Tanong ko sa isang ali ng makarating kami sa pinag kainan ko kanina.

"Doon banda." Itinuro ko pa ang naging puwesto ko kanina.

"Wala po ma'am eh." Aniya.

"Hindi po kami nakakapag monitor ng mga naiiwanan na gamit dito ma'am, sa dami ba naman kasi nong mga kumakain dito eh." Saad ng isang lalaki na mas matanda pa sa'kin.

"Ganon po ba? Salamat po." Dismayadong saad ko t'saka napapabuntong hininga na lamang na nag lakad palabas ng kainan.

"Saan mo hahanapin 'yon ngayon?" Tanong sa'kin ni Kelly.

"Malamang at nakuha na 'yon ng iba." Ani nito.

"Hay na'ko. Ang makakalimutin ko na talaga." Saad ko nalang.

"Tara na nga. Uwi na tayo." Aya ko dito ng sipatin ko ang orasang pambisig ko.

Pasado alas sais y medya na din.

Agad namang kumapit sa braso ko si Kelly habang nag lalakad kami pabalik sa sasakyan nya.

"Ma'am Kelly, hinahanap ka na po ng mama nyo." Salubong samin ni kuya Wancho. Ang driver ni Kelly.

May sariling sasakyan at driver kasi ito.

"Sige na bess, mauna ka na. Commute na ako." Saad ko dito.

"Hatid ka na namin." Giit nito sa'kin.

"Hindi na. Baka mapagalitan ka pa ni mama mo. Malapit lang naman 'to sa bahay eh. Sige na." 

"Sure ka?" 

"Oo naman. Sige na bess. Ingat pauwi." Saad ko dito.

"Sige. Ikaw ang mag iingat. Text mo ako pag nakauwi ka na ha." Aniya at hinalikan pa ako sa pisngi bago ito sumakay sa back seat ng sasakyan nya.

"Ingat bess." Pahabol pa nito.

Pag tapos kung sundan ng tanaw ang papalayong sasakyan nito ay nag abang na rin ako ng jeep na sasakyan ko.

Saktong papara na sana ako sa isang jeep, ng biglang mahagip ng mata ko ang mayabang na pulis na lumapit sa'kin kanina.

Nakasakay ito sa isang mobil.. nag mamadali naman akong nag lakad ng makita kong pumarada sa tabi ng kalsada ang sasakyang 'yon.

Mabilis kong kinatok ang salamin ng sasakyan na 'yon.

"Oh! Ms sungit? What a beautiful night to see you again." Aniya na naka ngiti pa sa'kin ng dumungaw ito sa bintana.

"Nasaan na 'yong envelope ko?" Mataray na tanong ko dito.

"What envelope?" Balik na tanong nito sa'kin.

Kunot noo ko pa itong tinapunan ng matalim na tingin.

"Yong naiwan ko kanina sa loob ng karenderyang 'yon." Saad ko dito na itinuro pa ang kainan.

"Ahh! I remembered." Aniya. "Ano ba laman non? Itinapon ko na kasi kanina." Ani nito.

Laglag ang panga na nanlalaki ang mga mata ko dahil sa sinabi nito.

Hindi ko alam kung ano ang gagawin ko ngayon sa lalaking 'to.

Gusto kong hilahin ang ulo nya palabas ng bintana at pilipitin 'yon.

O 'di kaya'y karatehin ito habang prente pang nakaupo sa driver seat ng sasakyan.

"Walanghiya!" Tanging na sambit ko habang nag pipigil ako sa galit ko.

"Is there any important thing inside of that envelope?" Inosente pang tanong nito sa'kin na lalong nag pakulo ng dugo ko sa mokong na 'to.

"Oo. Mas importante pa kesa sa buhay mo." Anghil ko dito at nag dadabog nang nag martsa paalis sa tapat ng mobil nito.

Dinig ko pa ang nangaasar na tawa nito na lalong nag painis sa'kin.

Mabilaukan ka sana kakatawa.

"Hey! Ms Sungit..." sigaw nito na hindi ko na pinag kaabalahan pang pakinggan. Nag tuloy tuloy na akong umalis at sumakay sa jeep.